孩子不自控地眨眼睛是受壓的警號（鄧藹霖）

elbar

                                                                                                  
茶敘期間，媽媽按捺不住焦躁而不時對着身旁的兒子嘮叨：「依家唔係叫你溫習，叫你食嘢啫，都咁唔合作嘅？快啲食啦，你夠鐘學溜冰喇！」七歲男孩托腮皺眉不吭聲。


忽然，媽媽扯高嗓門大聲喊道：「仲眨？我講過幾多次叫你唔好不停咁眨眼呀，你個樣好難睇呀！」男孩果然是雙眼用力地不停眨呀眨，媽媽罵了，他就稍微把身體移向媽媽的相反方向，別過臉來繼續用力眨着眼睛……


未幾，男孩離席到餐廳旁邊的溜冰場去了。我輕輕跟媽媽說：「我個大仔七、八歲時，都試過不自控地眨眼睛。」


媽媽瞪大了眼問：「真的嗎？」「我愈不准他眨，他反而眨得更頻密，還同時縮膊頭，難看死了！起初我以為他跟我對着幹，氣炸時只懂得罵和嚇他，我們關係差透了。」媽媽留心地聽着。


「後來我帶他看眼科醫生，醫生說他眼睛沒大礙，只是較為敏感，吃些藥就行了，不過他強調那些藥會較苦。」媽媽追問：「咁你兒子是吃藥後就沒再眨眼嗎？」我鄭重回答：「不，他一次藥也沒有吃，最終卻不藥而癒，是因為後來我幫他轉了校！」媽媽一臉疑惑。


隨着，我誠心誠意地跟媽媽說：

當孩子不自控地不停眨眼、索鼻、縮膊，又或發出怪聲等等，其實是發放了一個清晰的警號——孩子此刻所承受的壓力，是遠遠超越小小心靈所能負荷的呢！要拆解這境況，就先要了解孩子的心事，從旁協助他們紓困，必要時要果斷改善環境因素呢！

Jane1983

首先，學嘢唔係玩，即使係溜冰。第二，學N咁多樣嘢，細路辛苦唔開心覺得無時間玩，仲憎埋你。咁樣簁錢、簁精神，帶出帶入，根本無價值。最後，佢而家唔趕住學溜冰，放暑假得閑先學，或者只係識溜，唔深究學花式，對佢人生有乜影響？

想清楚，就唔會咁多癲咗的家長。

cow

有時打得機多都會不停眨眼。

shadeslayer

cow 發表於 17-5-15 21:21
有時打得機多都會不停眨眼。

咁係眼乾姐。

HAPPY_YY

其實都是妥瑞症一種

fionaleungpf

其實鼻敏感同眼敏感一樣會擦鼻同眨眼，我之前睇西醫，d藥治標不治本，之後轉眼中醫，食左一次中藥，眼眨即停

紫翹

cow 發表於 17-5-15 21:21
有時打得機多都會不停眨眼。

係呀