明日, 後日, 港小校慶開放日

Charlotte_mom

rafaelbaba 發表於 17-5-6 18:29
有呀，介紹左好多植物給我兒子，首先是仙人掌，迷迭香，觸摸會有味道，通菜、生菜、士多啤梨、玉米、薄荷 ...

我地散場後至入去睇，我細佬話點解全部都無花無果，又係wor。我屋企苦瓜都結果了
其實旗桿後面仲有葡萄，近有蓋操場有楊桃同芒果，不過又係全部未有果（我仔果時成日守株待果，希望見到佢跌落黎架）

fatchoibaby

非常好的學校，校舍乾淨，每個區域劃分得好仔細! 唔同與趣既學生，小息可以去唔同房。最令我驚喜係，人流唔小，小導遊居然帶得非常有系統，見小導遊一身汗，但仲好熱誠，連一d協助既小學生都非常有禮。中間一件小意外，有小朋友狂哭，老師亦熱誠去恊助。我覺得呢間同香港嘉諾撒，係我暫時去過最好既開放日。唯一可惜係，小學高低班均以中文為主要教學。

Charlotte_mom

retriever 發表於 17-5-5 13:11
雪糕係咪免費有得食？

答到你，雪糕$20，因為積少成多，要籌款

Charlotte_mom

Dediamond 發表於 17-5-5 15:59
唔知明天會不會逼爆？

今日情況，人多，但未至於迫爆。入場順利唔駛排。各展館（課室）都順暢。遊戲範圍就比較多人。不過我地無咁細小朋友無玩遊戲，唔知排幾耐。

iwff

fatchoibaby 發表於 17-5-6 18:35
非常好的學校，校舍乾淨，每個區域劃分得好仔細! 唔同與趣既學生，小息可以去唔同房。最令我驚喜係，人流唔 ...

謝謝你對學校的讚賞，我仔仔在港同由小一到現在中三了，我很感激真的選擇了一間愉快學習環境的小學給仔仔。當年仲有三間直資收阿仔，最後都選擇了港同。其實小學用中文教學並沒有令阿仔英文弱，反而學校兩文三語教得好好，現在阿仔英文比中文還好，他喜歡英文多過中文，反而中文需要補習。學校活動教學，唔著重抄寫默書，阿仔真係在無壓力之下去學習。
祝你小朋友找到適合的小學。

bonmom

今日人多但秩序良好,親自感受到學生的活力和自信,愉快學習但有學習成果,小朋友也玩得非常開心。

天氣雖然炎熱,但係有噴水風扇,當然室內有冷氣啦。雪糕車的雪糕也售罄了,我們也盡興而歸。

little12

今日見到有家長唔買 passport 就玩，家長義工出到聲都扮聽唔到。其身不正，教壞小孩

Melody_BB

開放日有個VR 體驗，係書院小朋友自己畫的書院圖，雖然間中出現技術問題，還是很值得一試。

另外擔任攤位遊戲和課室展覽的小朋友，很多只是2，3年班，如有不周，還請包涵呀！

Charlotte_mom

little12 發表於 17-5-7 02:18
今日見到有家長唔買 passport 就玩，家長義工出到聲都扮聽唔到。其身不正，教壞小孩
...

令你地未能盡興，真係抱歉。等我反映下意見先

little12

Charlotte_mom 發表於 17-5-7 09:48
令你地未能盡興，真係抱歉。等我反映下意見先

謝謝 Charlotte mom 留意到我的留言。都唔関學校、學生及家長義工事。只是有些去參觀的家長行為問題。與港同學生的有禮熱誠實相映成趣。其實身教真係最重要。

鬆一鬆

iwff 發表於 17-5-5 13:46
我個仔已中三, 明天都會回小學幫手電腦攤位, 因為老師找他設計左個小遊戲比參觀學生玩, 請家長們去電腦室幫 ...

原來妳囝囝係呢間讀呀 我有去開放日喎

Charlotte_mom

little12 發表於 17-5-7 10:22
本帖最後由 little12 於 17-5-7 10:23 編輯

謝謝 Charlotte mom 留意到我的留言。都唔関學校、學生及家 ...

今日攪清楚了（因之前義工開會我不在場），passport係for印仔換禮物，無passport一樣可以玩。給滿印仔passport一樣可以繼續玩。
今日已向義工家長溝通清楚。都係果句，令大家玩得唔盡興，唔好意思。

little12

Charlotte_mom 發表於 17-5-7 11:19
今日攪清楚了（因之前義工開會我不在場），passport係for印仔換禮物，無passport一樣可以玩。給滿印仔pass ...

謝謝解釋
我自己誤會了，抱歉

Charlotte_mom

little12 發表於 17-5-7 11:40
謝謝解釋
我自己誤會了，抱歉

唔好咁講，我地都需要溝通。多謝你講出黎就真

tabomini

Charlotte_mom 發表於 17-5-7 09:48
令你地未能盡興，真係抱歉。等我反映下意見先

港同真是好好的小學，charlotte 你就好，仔女在港同成長，參觀後，小孩同我真的愛上港同，希望成一份子

Charlotte_mom

tabomini 發表於 17-5-7 15:54
港同真是好好的小學，charlotte 你就好，仔女在港同成長，參觀後，小孩同我真的愛上港同，希望成一份子
...

祝成功

tabomini

Charlotte_mom 發表於 17-5-7 16:14
祝成功

Thank you,希望啦！插班位一定難

nalli

我2個小朋友都喺度讀，今次開放日我都有參與，不如分享一啲behind the scenes俾大家知

    喺舞台上表演嘅學生，當然有啲非常出色同專業，但其實亦有只係簡單喺學校上過幾堂ELA，就膽粗粗上台表演（我仔就係其中之一)。  呢度唔多訓練精英，反而俾好多機會同學試唔同嘅野，每樣識少少咁。所以啲表演或者有甩漏大家唔好見笑。

     大家喺籃球場見到5-6年級家長負責嘅攤位s, 實情係班主任輕輕問下家長有無興趣，然後由報名、分工、分配當值、物資等....都係家長們1-2日內喺whatsapp group內搞掂哂。港同家長嘅主動同團結唔係講笑，唔只係關心自己仔女，係連人地嘅都錫。

      我2個小朋友星期日都無duty, 但忙咗一日第二朝一瞓醒又話要返學校幫手。呢種自願付出証明佢地好鐘意學校同老師。

Charlotte_mom

19841984 發表於 17-5-8 00:48
今天到了開放日。

校舍雖不大，人流多，但安排十分有條理，一入門口買passport,印刷精美，又有場地介紹， ...

多謝你嘅讚賞（厚著面皮當自己有份，哈哈哈）
學 nalli話齋，學校會俾好多機會學生，但唔係行精英制。每個學生都搵到自己發光發亮果部分。而持份者都好愛學校。尋日部分「義工」，都係無啦啦出現（唔駛返工嘅教職員，唔再係小學嘅同學家長）。就算唔駛on duty，一返去就自動埋位就幫手（順便聚舊）。學生由細到大都喺咁環境長大，加上生命教育/社區服務一直教學生要惜福要幫人。學生都好自然地有份使命感，做得好開心架。
加上見到有人欣賞自己成果，小朋友軟軟一句「哥哥/姐姐你好叻呀」，tum到d學生仔飄飄然啦