06 年仔女入讀 K1 的(港島區)媽咪，大家入黎傾下！

jamiemum

   因為我同您都係人哋亞媽囉....!

jamiemum

Charlotte_mom,

咁您可唔可以幫您個女留咗真光的小學位, 然後再去參加大抽獎, 抽到心水小學, 咪放棄真光囉, 因為我聽 st.paul convent 啲媽咪都係咁做, 不過 st.paul convent 就容許父母留位後再去大抽獎, 但聽聞聖心就唔得啦! 咁您問吓睇吓真光可唔可以咁樣囉! 可以就做兩頭蛇囉, 嘻嘻....

Charlotte_mom

jamiemum,
多謝你既意見, 好似我咁縢雞既媽咪, 又點會唔知丫....
事實上, 今年開始, 真光係失驚無神地改左制, 而家係可以玩"大抽獎"既
弊在(唔知開心定唔開心)我考到st clare's, st. clare's又唔俾呢
真係希望囡囡考到間好直資, 我就唔駛r頭.....
(講得出"留位後再去大抽獎", 你都準備十足呀下!)
不過我真係好recommend一間直升私小既幼稚園lor, 起碼有個offer在手, 個心定好多

hay03
唔好客氣, 到時如果我仲o係bk"蒲", 歡迎你即管問

ingerha

Charlotte_mom
咁你個女係咪即係考到二間幼稚園(一間真光,一間聖心),而家你要揀讀邊間呀??

其實真光都係我考慮之一,但又係好似其它媽咪咁,顧慮佢係中文學校。其實真光幼稚園難唔難考架?

Charlotte_mom

ingerha
唔係聖心...我女女係考到st clare's聖嘉勒
聖心收到信十一月中interview, 其實唔係太arm心水(谷得太勁), 如果繼續有其他better offer, 我唔去lu
其實st clare都係全日制私立中文小學, 但一般comment都話佢英文好d
正如我之前講, 真光幼稚園個interview, 唔係太難, 我個女係龍年出世, 勁多人爭, 加上佢8月尾出世都得, 所以機會一定係有既, 俾d心機!

jamiemum

Hi, Charlotte_mom,

咁就真係幾頭痛, 但我個人小小意見就係, 放棄 st.clare's 個 offer, 照去大抽獎, 因為我有個朋友幾年前個仔的case同您好近似, 但當時啲私小就未有好明確話留咗學位仲可唔可以大抽獎, 攪到我朋友十五十六唔知點好, 當然個幾間得咗的私小亦不是我朋友的最心水, 於是我朋友的家姐(教中學的)就叫佢唔好留私小的學位而去參加大抽獎, 到時抽到好的就當然理想啦, 但抽唔到都可以返轉頭求啲私小都會好大chance, 而我朋友的case, 就好好彩抽到佢自己的心水小學啦! 所以我覺得您可以博一博, 博唔到先再去返求 st.clare's, 我諗機會都唔細, 況且我有個朋友的囡囡都是讀 st.clare's 幼稚園及小學, 但小學成績一般, 入唔返 st.clare's 中學, 就去咗培僑中學(中文中學), 但我朋友個囡囡在培僑中學的成績都唔得, 英文課程都唔係好掂, 咁真係令人好質疑佢囡囡在六年st.clare's小學入面的英文基礎打得有幾結實, 但又可能是個別事件, 不況作為參考!

另外, 聽講聖心的私小都係唔比大抽獎, 不過如果聖心收您囡囡, 就可以藉得考慮, 雖然課程係較辛苦及催谷, 但不況一試, 唔得時再轉, 都有好多好的私小鍾意收聖心學生, 有質數保證呀!

Charlotte_mom

jamiemum
真係好多謝你咁詳細既建議, 一句講晒--R爆頭呀!!!
希望有間直資(spcc或者hkugaps<--兩間都over15人爭一個位, 傻架)收我個女, 我就真係dip埋心水, 唔駛唸大抽獎

tinnray

jamiemum,

好多謝你o既資料,想請問你朋友o個時有幾多分呀?如果有20分,唔知機會大唔大呢?

其實我選st stephen girl 都係因為佢比較活動式教學,我唔係好想比咁大功課壓力比小朋友囉!

jamiemum

Hi, tinnray,

我又唔係好識計分喎, 我朋友是首名子女+同區校網, 佢並無宗教背景, 但佢個女入st.stephen girl 幼稚園時就識校董, 即係有人事關係, 但入小學時就係靠第二輪大抽獎囉, 而佢不嬲都好有抽獎命!

我朋友都話 st.stephen girl 無咩功課做, 因為佢哋有功課堂, 所以大部份功課都已經在學校完成。

yk

玫瑰崗有無意見?
幾時開始報名?

Sindy

想請教下大家,男仔係港島區有乜穩陣既選擇呀?男仔學校就真係橋起我,thanks (除左st joe)

jessicayin

CYRUS
你個仔面試點呀!好唔好?我個仔好好彩, 老師比0的佢識既玩具佢玩, 仲要連問果0的卡佢都識, 不過考完之後我先至擔心一樣野, 我個仔係天主教徒, 唔知佢地會唔會因為佢係天主教唔收佢, 同埋除左這間, 我都仲未諗到同佢考邊間, 因為佢既校園真係好過好多學校, 我身邊好多親戚朋友都大讚, 不過點都要等下消息.

Cyrus

jessicayin, 你就好啦，我個仔果日玩野，剩係答老師自己叫o麥名，俾玩具佢又冇興趣玩，我老公話fail硬。點知頭先學校打黎話老師in完先知原來佢係12月出世，叫阿仔27號再去in多次，叫我地到時盡量引佢講多d野喎。我諗因為27號係最後一日interview，佢地知道到時仲有冇位剩先決定收唔收阿仔。我同老公都覺得救恩個校舍真係幾正。你應該今個星期收到信架啦，祝大家好運啦

kimimi

各位媽媽
any comment of St. Paul ??
Pt. Paul have kindgergarden, primary and secondary !!

monkeema

一口氣睇晒各位媽咪既留言，真係令我呢個咩都唔識既新手媽咪獲益良多囉。容許我加入嘛?

我囝囝係2004年8月出世架~咁即係2007年k1??我仲未决定比唔比讀nursery吖? 但想開始揾d playgroup比佢試吓? 唔知大家有冇好介紹呢?

我心水既幼稚園係禮賢會/救恩(都係首選中西區，唔太想bb咁細個返學就要長途跋涉)我見bk上面有d媽咪話讀過nursery入到好既k1機會會大d，你地又點睇呢? (因為我本身係全職媽咪，所以唔知好唔好比囝囝讀n1???)

咁多問題，希望大家可以比d意見我丫~

Thanks~

Charlotte_mom

係呀, 07年k1, 即係06年9月開始搵學校
如果經濟情況許可, 去上下nursery都幾好架
好多時小朋友之間既"互動"eg爭玩具時點處理, 識下朋友, 點同家人以外既人相處etc, 都係家長唔可以就咁教曉小朋友既, 真係需要佢自己去試去領悟, 好多時, 唔好以為小朋友咁細個返學好慘, 果時我個女返學不知幾開心, 趕我走tim! (我奶奶都改晒觀) 而且, 媽咪仲有多d自己時間(3個鐘wor! 幾好用呀)
的確, 上過nursery既小朋友, 自理能力/服從性一定比無上既小朋友好(或者話, 早左學識啦), 去考幼稚園, 會著數d(對住老師講野都自在d啦)

monkeema

charlotte_mom

咁請問你有冇d中西/港島區nursery/playgroup既資料吖? 你囡囡而家幾大丫? 返緊nursery/k1??

thanks!

Charlotte_mom

我個女k3喇, 個仔仲混混鱷鱷
我個女之前個playgroup(panda playground)麻麻, 我就唔recommend喇
有人話小霹靂唔錯wor, 佢有普通話同英文2款, 不過我個仔太混鱷喇, 暫時未學到d咩, 希望佢學識群體生活先啦
http://www.littledynamites.com/
如果無記錯好似victoria kindergarten都有playgroup, 你問下, 我唸寶翠園會近你多d
另外, starters school都有playgroup, 不過我唔sure係咪3歲至有班, 你可以問下
www.starters.edu.hk

jessicayin

Cyrus
我今日收到信啦!收左我個仔呀!你快的訓練你個bb引佢講多0的野. 祝你好運.

Cyrus

jessicayin, 恭喜晒呀！咁係上午班定下午班呀？

jessicayin 寫道:
Cyrus
我今日收到信啦!收左我個仔呀!你快的訓練你個bb引佢講多0的野. 祝你好運.