黠樣供 ...英國留學, 1 年學費等要預$40萬左右, 真係唔野小

過客

basbyy 發表於 17-5-5 12:35
樓主,

如果我無記錯，妳仔仔而家係中一，讀完中二，中三先過去都仲有好多時間，我都覺得首先係要夫妻間有 ...

多謝意見.
我小朋友由小2開始已沒有補習, 一直到而家都係, 至於課外活動....重來佢都冇興趣參加, 重之佢個人唔係返學就會在家, 星期六日叫佢出街食個午餐都唔出....再咁落去, 下一個宅男到佢架啦.  

難得佢話想出外走走, 我當然想可以支持佢啦.  多謝各大大比好多意見.  我會再好好去研究一下.

brother4

亮燈 發表於 17-5-5 13:10
3b：
你講得正確，如果我唔係有咁既條件，根本係冇可能送到佢地去英國讀書。首先要佢地想去，其次就係我地 ...

亮兄X2，先兩大人0K，同計掂條數先。。。亞大一樣是宅男 ，去遊行唔去，在家上網便可，去留學買過希望，中文中學考全級尾尾，留學就英文好咗，感恩用非聯招入大學。。。樓主條件不太差，有人在倫敦方便照顧，懢番監護人年費，宿舍費 ，機票費。。。

過客

brother4 發表於 17-5-5 13:46
亮兄X2，先兩大人0K，同計掂條數先。。。亞大一樣是宅男 ，去遊行唔去，在家上網便可，去留學買過希望，中 ...

多謝 brother4 兄.  我都係唔想佢係屋企日又打機, 夜又打機, 既然大家都勞氣, 不如真係買個希望, 同埋當佢話想出國既時候, 要出街見 Agent, 佢都冇托手爭, 立即出去......平時叫佢行出門口一步都難.
倫敦附近 d 學校學費真係好貴, 我真係未有考慮過之後每年既加費, 今年度既學費可以頂得下, 但出年加學費後, 又係一個難關.    我同小朋友講左, 因為資金問題, 可能要搵過  d 平 d 既學校, 到時親戚就冇得做監戶人...雖然佢唔多願意, 但佢都了解.

basbyy

過客 發表於 17-5-5 14:10
多謝 brother4 兄.  我都係唔想佢係屋企日又打機, 夜又打機, 既然大家都勞氣, 不如真係買個希望, 同埋當佢 ...

其實就算唔係喺倫敦讀書，你住倫敦嘅親戚都可以做監護人，如果你揀D學校唔係太遠（兩個鐘車程）仲可以做埋寄住家庭，因為一年都係往來三轉。

brother4

過客 發表於 17-5-5 14:10
多謝 brother4 兄.  我都係唔想佢係屋企日又打機, 夜又打機, 既然大家都勞氣, 不如真係買個希望, 同埋當佢 ...

佢一樣好麻煩，去要agent考入學試，佢話求其考，俾佢吹脹。。又hea住一年時間，最後半推半就才肯去。。。!北愛一定最平d既學校。。。

過客

basbyy 發表於 17-5-5 14:31
其實就算唔係喺倫敦讀書，你住倫敦嘅親戚都可以做監護人，如果你揀D學校唔係太遠（兩個鐘車程）仲可以做埋 ...

寄住家庭就唔好啦, 一來唔想打攪親戚, 而來小朋友在家會冇時間觀念.  寄宿有時間表, 大伙兒一起學習, 一起生活, 對小朋友都好 d.

emmafish

過客 發表於 17-5-5 13:32
多謝意見.
我小朋友由小2開始已沒有補習, 一直到而家都係, 至於課外活動....重來佢都冇興趣參加, 重之佢個 ...

咁睇，去北愛平D，每逢假期回港，兩母子多些時間相處，有助維繫母子感情

emmafish

亮燈 發表於 17-5-5 13:10
3b：
你講得正確，如果我唔係有咁既條件，根本係冇可能送到佢地去英國讀書。首先要佢地想去，其次就係我地 ...

夫妻同心，其利斷金! 一定得!

亮燈

emmafish 發表於 17-5-5 17:26
夫妻同心，其利斷金! 一定得!

謝謝，承你貴言。一定要互相支持，如果唔係，就會好大鑊。

1998Ruby1998

咁北愛真係好 d，買埋三轉機票加埋嘅錢可能會便宜過讀倫敦嘅學校。北愛離倫敦都唔算係好遠，照樣可以做監護人（提醒仔仔醒醒定定唔好惹事煩到親戚就得）。

有作息定時嘅時間表會好好多，香港因為父母如果唔係強迫的話，半夜都可以未訓，第二日唔夠精神上堂釣魚，個惡性循環就係咁開始

一家人齊心，你有你努力讀書，父母都努力一齊賺錢！

1998Ruby1998

回覆 basbyy 的帖子

價值觀唔同，呢點我好認同。
阿媽阿爸班朋友話做咩成日唔去旅行，唔食大餐，「折磨自己」，孤寒自己，大方別人。我阿爸話，人地鍾意及時行樂，但係佢好注重供書教學同埋住屋，因為食物旅行呢 d 野過左就唔再存在，唯獨知識同層樓會繼續存在，只係價值高低嘅問題而已。阿爸話如果係我讀書嘅話，佢一定唔會吝嗇用錢。筆錢佢預左我搵唔返，佢只係求我讀到書，搵到份好工，得閒帶下佢去茶樓食早餐就夠。佢本來都想退休（上年已經登 6），但係因為我要出國，所以唔退休住，做都間公司收檔為止。佢仲一早計掂條數，做好未來 5 年財政預算（做埋風險評估，脫歐、金融風暴等等）。

亮燈

1998Ruby1998 發表於 17-5-5 17:57
回覆 basbyy 的帖子

價值觀唔同，呢點我好認同。

令尊翁同我既諗法好相似，我同兩仔都係咁講：世間上只有知識係你地永遠擁有既！而且唔怕俾人，唔怕教人，亦唔會怕俾人偷。所在我叫佢地要努力讀書，唔係個個人可以有咁好既機會去到外國留學，要好好珍惜。

過客

回覆 1998Ruby1998 的帖子

我就係希望小朋友有朝 1 日好似咁, 咁識諗.

basbyy

過客 發表於 17-5-5 14:42
寄住家庭就唔好啦, 一來唔想打攪親戚, 而來小朋友在家會冇時間觀念.  寄宿有時間表, 大伙兒一起學習, 一起 ...

妳誤會喇，小朋友去英國寄宿除左要有監護人都要有寄住家庭架，寄住家庭係比小朋友 mid term break or extra day (唔係間間學校有extra day) 時寄住嘅地方，因為到時學校會放假，宿舍會關閉，小朋友要搬去寄住家庭度住。我地無親戚喺英國，會用監護人公司，佢地會收我地兩樣錢，第一樣錢係監護人同行政費，第二樣錢係寄住費，依照每個 term break 後住左幾多日收錢。監護人公司會有職員好似監護人咁處理小朋友喺學校嘅事務 (其實無乜實際野做)，佢地亦都會搵一D無問題家庭比小朋友做宿住家庭。

basbyy

1998Ruby1998 發表於 17-5-5 17:57
回覆 basbyy 的帖子

價值觀唔同，呢點我好認同。

係呀，我同老公都好似爸爸嘅諗法『不望回報』，我同老公會同小朋友講，比佢地去外國讀書係希望開心快樂咁成長，希望佢地將來條路好行D，唔係要佢地搵好多錢返黎。

過客

basbyy 發表於 17-5-6 12:49
妳誤會喇，小朋友去英國寄宿除左要有監護人都要有寄住家庭架，寄住家庭係比小朋友 mid term break or extra ...

Sorry, 我又表達錯誤.  我意思係...之前有 post 提議我, 如果想慳 $, 不如唔好做 Full boarder, 轉做 day pupil, 去埋親戚家住........

ratafan

亮燈 發表於 17-5-5 09:52
哈哈…照你所講，我就係絕對例外既一個，年過40好多，儲蓄係你所講既10%，我咁都夠膽送左兩仔去英國讀書， ...

何以見得1千萬好多？如果儲蓄真的只有一千萬，去英國每年已四五十萬，十年都要5百萬，兩公婆若一路有野做還可，若冇野做，又不是公務員冇長期飯票，剩下來筆錢便養老，若退休後兩人每月用兩三萬，不去旅行也要三四十萬一年啦，一有病又要有額外支出。今時今日根本唔會諗仔女長大會養自己，所以為免孩子為兩老擔心，自己也要有一定儲蓄。這並不是自私，而是practical.冇錯，知識跟你一世，但不一定出國才能acquire knowledge. 只要有心，隨時隨地也可學，人的mindset 及學習態度才是最重要。做孩子如識諗都應為父母打算。如果出國出到今年不知出年有無$交學費，成日為$擔心，攪到孩子讀到好大壓力，反而有反效果⋯⋯

亮燈

ratafan 發表於 17-5-7 08:59
何以見得1千萬好多？如果儲蓄真的只有一千萬，去英國每年已四五十萬，十年都要5百萬，兩公婆若一路有野做 ...

我又真係冇擔心過錢既問題喎！因為決定前已講清楚，冇錢就返黎，佢地亦有心理準備。
如果真係要計算到咁盡，即係一生人要用幾多錢，要有幾多儲蓄先可繼續做人的話，真係唔使做人喇！哈哈……

ratafan

亮燈 發表於 17-5-7 09:30
我又真係冇擔心過錢既問題喎！因為決定前已講清楚，冇錢就返黎，佢地亦有心理準備。
如果真係要計算到咁盡 ...

It's always easy to say emotional words. But I was just addressing the situation of 過客，總之量入為出，it's a blessing to have choices than none

samsam123321

講成績其實本地is同英國boarding 差不多。