有關讀寫障礙的問題，請各位幫幫我！

See

小學3年級的姪女被評為有讀寫障礙，我對這方面的認識淺薄，請大家幫幫我！
小3的姪女5其實從k2時我已經認為她有讀寫障礙，曾向老公家人提及，但就各人都並未理會。k3開始便要補習，上到小1時功課及成續只可用差只形容，補習亦沒有很大的幫助。我的姪女本身已經不愛讀書，再加上可能是障礙問題，基本上對開習是沒有興趣的，被學校投訴成續是家常便飯。而且不知是否成續關係，在學校經常比同學打！
終於，今年小學3年級時被評為有學習障礙，但是因為老公大哥夫婦的教育水平低，根本就不知要如何是好？想轉校但學校一味說不好，又要我姪女留班，但學校亦不會有任可方法幫他！我忍不住了要下星期約見主任，親自去學校問清楚，但因我只認識學習障礙的皮毛，所以有些問題想向大家請教，及請對這方面有經驗的父母告訴我有關心得！謝謝！

1.請問各位知否東區那些小學可以支援學習障礙的？
2.因為學校不樣我姪女轉校，若我真的要轉我可以怎做？
3.在面對主任時，我可以怎樣為孩子據理力爭？有那些家長有這方面的經驗？
4.學校說沒有社工亦沒有資源，我可以用此要求學校幫我姪女轉校嗎？
5.此問題找教育署有用嗎？
6.其實應還有很多問題，但我真想不出來，請大家提點提點！
謝謝！

mrsphcheung

Can seek help from the school counsellor who will transfer the case to EMB.  In addition, occupational therapist from Heep Hong can also help children suffering from dyslexia.  Highly professional and well experienced.  青X計劃.  The service can cover children up till 12 years old.  HK$500 per hour.  May wait for half a year to get the service.

DON'T COMPLETELY RELY ON THE HELP FROM THE SCHOOL OR THE EMB.  自救才是最佳辨法!!!

mm33souk

1. 我不是你所住地區域,故未能提供資料,抱歉!
2. 好奇怪學校用什麼理由不淮轉校呢?可否講多些.
3.要求學校作出調適如下:
減少抄寫功課 - 如詞語將原先的次數減半.(可以寫4次就最理想,但要睇小朋友的實際情況而定).抄書祇選其中一段等等.
縮窄考試及默書範圍 - 老實說有些小朋友就算你一早比晒確實的範圍叫佢返屋企溫,但都唔等於佢會合格.祇是範圍少了,在他們的眼裡覺得係少左野讀會好過些.或者會盡力去做好些吧.
用數字或箭咀代替書寫 - 在重組句子及擴張句子中使用.
考試時 - 用加時,讀卷, 放大試卷或將試題的重點用瑩光筆圈起都是可幫到小朋友的.但要對症下藥,否則將全部都套用晒都唔等於係用得啱既.
4. 學校話無資源又無社工,咁點解佢又要留住個學生呢?你不如先問學校佢地有乜良好方法去預備幫個學生先.可唔可以轉校的決定唔係係佢地到, 係係家長到.
5. 如果你係通過正常方法的評估,例如:學校心理學家或兒童體能評估中心等,教署應該有紀錄,但你都可以試下同教署聯絡,睇下佢地又點講.

6.如果學校話以上的方法對其他同學唔共平, 咁你同佢講:如果我要帶眼鏡至可以睇清楚份試卷,咁我帶眼鏡考試會唔會對其他同學唔公平, 洗唔洗除左眼鏡至考試呢?

另外你要同小朋友講如果學校真係可以做到以上所有野比佢,佢亦唔可以用學障做擋箭牌而唔盡力去做好本份.

如果有同學笑佢, 請佢解釋比同學知學校覺得我有需要所以才幫我在學習上作出調整.

但另一方面, 如果學校無辦法幫到既, 咁我覺得轉校係唯一的方法.

See

今天得知學校不見我，原因是學校只要向學生的父母交代，不用向我(嬸嬸交代)。我唔咁話學校無做野，但是如果一個小朋友在一間學校無了自尊心，又比同學仔蝦，返學話好驚的話，我相信一定要轉學！
問了幾間還有學位的學校，但是就要先出成績表。我找到一間有讀寫障礙支援的學校，但是就無學位。想一試但就必要交校長寫的介紹信，問題是現在學校不肯幫我們寫這一封信，理由是會影響校名！
現在舊校要交書簿費了，但想轉校所以遲遲未交，老師竟要罰我兩姪兒抄書！實在太過份了！我不明為何唔交出書簿費要小孩罰抄？因老師都知我姪女有轉校的打算！
我是打算靠自己，但是實在不知我可以點做？

Dr.T

如果學校真的做出這樣的行為,你絕對可以到教統局投訴 :evil: 甚至聯絡傳媒作報導...

另一方面,小朋友的讀寫障礙評估是在那裡做的?為何教統局沒有跟進?

See 寫道:
...想一試但就必要交校長寫的介紹信，問題是現在學校不肯幫我們寫這一封信，理由是會影響校名！...現在舊校要交書簿費了，但想轉校所以遲遲未交，老師竟要罰我兩姪兒抄書！實在太過份了！我不明為何唔交出書簿費要小孩罰抄？因老師都知我姪女有轉校的打算！...

See

讀寫評估我今天問清楚原來只是排了期，學校當時只是比了電話地址個媽媽就叫佢自己去排期lo

mm33souk

唔使諗啦, 去教統局投訴佢啦, 講個校名出嚟睇下係邊間咁巴閉驚影響校譽   , 你同佢父母其中一個去一齊見佢, 話佢知父母唔識咁多野要有你在場分析, 不過, 一間咁要面既學校睇怕都係唔蘇你.

你同學校講你唔幫我寫信唔緊要, 我搵記者朋友幫下手,到時我都唔知人地點寫學校嫁.

明知學生有學障都重要罰抄,無愛心,正衰人, 唔洗幫佢保住校譽啦, 講個名出嚟, 一洩心頭之忿都好嫁.

係邊到排期呀? 打電話同姑娘講而家學校咁咁咁, 可唔可以盡快做評估, 等個小朋友攞住份報告可以搵到間啱既學校.  

virgokaren

See 寫道:
今天得知學校不見我，原因是學校只要向學生的父母交代，不用向我(嬸嬸交代)。

現在舊校要交書簿費了，但想轉校所以遲遲未交，老師竟要罰我兩姪兒抄書！實在太過份了！我不明為何唔交出書簿費要小孩罰抄？

你同你大哥或大嫂一齊去咪得 lor！
我成日陪我家姐或大嫂去學校的，一個人去也沒試過唔答我
。這間學校真的很有問題喎！

唔交書簿費要罰抄？
我以為我睇緊粵語殘片添！

我覺得學校配合不到學生，家長絕對有權選擇轉校。
佢唔合作，你找教統局問過究竟！

veronna

嘩!咁都得? 我都好想八下係邊一間學校? 事關我姪女黎緊要選小學喇, 又係東區.  要叫叔仔千其唔好填呢間.

其實我都覺得奇怪, 甚麼叫只向父母交代? 間學校咁怪既? 試下同佢講如果唔肯單獨見你, 咁就叫埋父母囉, 不過仲會叫埋x週刊既記者喎. 睇佢肯唔肯單獨見你? 呢招係朋友教我架, 雖然好似好衰咁, 但係都幾有用架.

話時話一間咁既學校..............見黎都................

See

北角街坊會陳維周夫人紀念學校---就是這一間學校啦
    
因為我還有一個姪仔也是讀這間學校，所以我唔想去到敢盡。我也只是聽到大嫂一面之詞，也話這間學校本身沒大問題或是學校已經好盡力去幫我姪女。可是，我認為苦一個學生怕了上學，驚讀書驚比同學仔蝦，在校內無信心無自尊，在家會哭甚至曾半夜遺尿..小孩心理受傷了，改變環境不是可以比孩子一個新希望嗎？為何作為一個教育工作者不能給一點支持？其實，香港也有一些主流小學會對讀寫障礙的學生作幫作，學校不是有責任去幫有問題的學生尋找一片更好的天嗎？若辦學者不是以學生為出法，那我們把孩子交給學校去教育，那怕只是課本上的，這不是十分危險嗎？

mm33souk

你有無將呢番見解同學校講, 睇佢地有無面覆你.我個仔間學校對學障的同學有很多支援, 小孩在校園生活不知幾開心.做唔做係好睇 個校長點處理既姐.

Dr.T

是男校長那一晝抑或是女校長...多年前曾到該校講talk,但講之前個男校長上台講一大輪廢話,跟住重要無厘頭地清唱咗大半隻Eason嘅"Shall we talk"當時坐喺台上真係忍笑忍得好辛苦

而個女校長有一輪成日上電視,唔係講教育,而係物野海外傭工僱主協會主席

不過唔知呢兩位校長中之極品退休未...

...啱啱check過,原來而家已經轉咗全日制,仲係僱主協會主席做校長...

See 寫道:
北角街坊會陳維周夫人紀念學校...

Vernique2005

千祈唔想去到太盡啊。 從您的形容﹐ 小朋友的心理已經受損﹐ 最好找心理專家看看﹐然後盡快給他換個好D的環境。現在再同學校吵只會令小孩更害怕。 您們越冷靜﹐ 小孩才越覺得您們能保護他。 If you are too strong to the teachers, they would just revenge on the young children when you are gone.

我唔知道香港的situation 是如何﹐ 但讀寫障礙不是跟學校沒關系的嗎﹖我們在加拿大的態度是讀寫障礙跟天才兒童都是要特別照顧的孩子﹐學校出多少個天才都跟學校無關﹐ 讀寫障礙也是一樣。 如果學校連這個都不能明白﹐ 那他們真的幫不了您多少。

有沒有私人的professional而又有政府認可的可以馬上跟小孩做評估﹖ 好好利用這個summer 找學校罷。 私人的好處是快一點﹐當然了﹐也可能會expensive一點﹐ 但時間對您們來說真的很重要。

最後﹐ 我勸您不好要小孩抄寫太多﹐ 對有讀寫障礙的人來說﹐ 越抄只會越亂。 讀寫障礙有得改﹐也有很多成功例子﹐ 但改善小孩的態度(對自己﹐對人﹐對學習)現在絕對比其他更為重要﹐ 您一定要讓他走出陰影先再考慮其他。

kerojojo

See 寫道:
可是，我認為苦一個學生怕了上學，驚讀書驚比同學仔蝦，在校內無信心無自尊，在家會哭甚至曾半夜遺尿..小孩心理受傷了，改變環境不是可以比孩子一個新希望嗎？

我的兒子也有學習障礙, 他在學校也是不能和同學相處, 常常在家哭訴被同學取笑, (聽說有學習障礙的小朋友對處理人際關係的能力是比較弱的), 半夜遺尿非常嚴重, 結果我帶他到醫院見心理醫生, 當時他也只是排了期未做評估, 心理醫生立即幫我安排評估中心插隊, 兩星期後就立即幫佢做評估, 你叫你哥哥帶他去睇私家醫生叫醫生寫referral去醫院排期見心理醫生, 對他有很大幫助的, 我兒子見了3次有了很大的進步, 已沒有常常哭泣, 遺尿亦少了. (雖然間中還有, 特別是考試前.)

好在兒子的學校非常支持, (你有看早兩星期關於讀寫障礙的星期日檔案嗎? 那間保良局小學就是小兒的學校 ), 我想學校的支持非常重要 , 你的姪女一定要轉校呀!

mm33souk

Hi Kerojojo, 請問係邊間保良呀?可唔可以講嚟聽呢.

Mcdull

see,

盡快請你侄兒的母親聯絡智能測驗中心，講有關小朋友的情況（害怕返學、夜遺尿等），或許姑娘會幫你安排快一點見醫生的。

kmwun

YES     

Vernique2005 寫道:
讀寫障礙跟天才兒童都是要特別照顧的孩子

mcc88

我都想知哪些小學對學障或讀寫障礙有多些支援.

See

得到大家的回應，我會盡力去做，下星期放大假我希望可以做幾多少就幾多。只是有時皇帝唔急太監急也是沒用，因我姪女父母是踢一踢動一動，我朝要返工，晚要湊仔真是有點力不從心，亦覺吃力而不討好！
我現在只是希望做到幾多就幾多對得住只己就好了。其實我己經找了小童

kerojojo

mm33souk 寫道:
Hi Kerojojo, 請問係邊間保良呀?可唔可以講嚟聽呢.

屯門保良局志豪小學