係唔係自閉？

smallfish28

仔仔18m , 1歲左右時有段時間我好擔心佢係唔係自閉，因為成日叫佢唔理人。
到依家18m , 呢兩三個星期眼神好左好多，見到得意野會笑著 再望一望我地，雖然有時叫佢名都係唔理人，但分享野個方面好左好多，會請人食野，飲野，識同人碰杯飲勝，但呢排有時拎餅俾人，到差不多掂你口 就拎走自己食加奸笑。有手指指，有野開唔到會俾人幫佢開。講野唔多，單字10個左右。媽，食呀，刷呀（刷牙），貓貓，mum mum,燈，車車，士（士多啤梨），星星，蛋

唔鐘意抺面，但洗頭 抺頭ok。唔偏食，唔覺有食物敏感，有時自轉，有時玩車look, 但都會正常玩推車，但屋企有架回力車，佢有時會拉後完，拎起望著d look 轉。會玩其他玩具，玩煮飯他會切野，扮煮野，成日要我幫佢扭個火爐制，會餵人食野。有時腳尖行，但唔多。鐘意數字英文字母（出街見到會周圍指），但都會正常睇其他公仔書，會要人講故事。去公園唔太鐘意sir滑梯同千秋，不過又未到怕，但係同佢玩拋高高佢又好鐘意。出街鐘意望燈，會轉既野，但又唔會望到唔肯走，最多1分鐘就會望其他野，唔覺有固執行為，但性格硬頸，自我。

高0媽媽

smallfish28 發表於 17-4-18 18:35
仔仔18m , 1歲左右時有段時間我好擔心佢係唔係自閉，因為成日叫佢唔理人。
到依家18m , 呢兩三個星期眼神好 ...

同我仔差不多，我個個15個月大，好驚！

mo515

smallfish28 發表於 17-4-18 18:35
仔仔18m , 1歲左右時有段時間我好擔心佢係唔係自閉，因為成日叫佢唔理人。
到依家18m , 呢兩三個星期眼神好 ...

其實我不覺你仔是自閉，就算是都只是好輕微，自閉小朋友會有重複行為，固執行為等，我仔當時18個月是一個字都無，都有用腳尖行路，而且好易發脾氣撞頭，會轉杯，喜歡看燈，當時評是懷疑自閉，如你擔心等佢在大d及在觀察吓先才決定是否去評估！