閱讀雜談 — 兩個閱讀喪志的少年

YolandaTam

yovin 發表於 17-5-16 05:48
本帖最後由 yovin 於 17-5-16 05:49 編輯

本帖最後由 yovin 於 17-5-16 05:48 編輯

有，我當年讀經濟系啲 second upper 以上嘅同學幾乎個個唔睇書，全部都係鍾意計數。
反而我鍾意睇書，數學跟唔上要轉系。

YolandaTam

eviepa 發表於 17-5-1 00:11
今晚遇到一件有個很有趣的事。

話說晚飯後獨自到自己屋村平台散步，走了一會，赫然見到一個大約讀高中的女 ...

小女由小四開始大量閱讀英文，奈何成績仍是中下，詞彙不足，文法扣晒分。唉幾時先有突破？

eviepa

回覆 YolandaTam 的帖子

小朋友而家讀幾多年級？

YolandaTam

eviepa 發表於 17-5-16 13:40
回覆 YolandaTam 的帖子

小朋友而家讀幾多年級？

中一
我哋唔會放棄，放開成績，知識至上
至少比起同學仔，佢思想深入好多

eviepa

回覆 YolandaTam 的帖子

有幾大量？讀英中？

YolandaTam

eviepa 發表於 17-5-16 14:14
回覆 YolandaTam 的帖子

有幾大量？讀英中？

英中，量就大約如果每本二百頁左右計，每年八十至一百本。佢英文成績頭四十名嘅同學裏面只有唔夠一半有閱讀習慣，就算有嗰啲，同佢閱讀量相若嘅不足十人。

yovin

little_yolky 發表於 17-5-16 11:04
我認識的某一些系既大學生, 的而且確唔多鐘意睇書。佢哋DSE成績唔錯(咁緊係啦, 唔係都入唔到三大), 不過,  ...

又不是可惜的！
我讀大學時，放學後要返工 ，每星期有兩晚不用上班的……我就落Disco。
回想起那四年落Disco的日子，是我暫時人生中最開心的日子，見識到好多，也識到好多人，連老公都係Disco識到的。
現在做人媽媽，工餘要趕住跟仔温習，所有時間俾哂家庭和工作、自己玩樂都少之又少近乎無……我好興幸自己後生時，玩到盡。

我愛閱讀，更愛玩樂，最愛工作。

yovin

YolandaTam 發表於 17-5-16 11:24
本帖最後由 YolandaTam 於 17-5-16 11:25 編輯

有，我當年讀經濟系啲 second upper 以上嘅同學幾乎個個 ...

我仲以為入得三大的學生，都是清一色愛閱讀的，你這樣說，我實在驚訝！
  
而且你講完，我少左擔心呀！因為我見個仔現在成日多計數，少閱讀。
去到中三成十三科，功課多、測考多、又要補習、又要睇新聞、又要小组報告、仲有少少課外活動、……學校課本都未温讀得哂，都找不出多餘時間去讀課外書了。所以有時也會擔心的。但現在你講完，我感到還有機會啊！

yovin

YolandaTam 發表於 17-5-16 14:49
英中，量就大約如果每本二百頁左右計，每年八十至一百本。佢英文成績頭四十名嘅同學裏面只有唔夠一半有閱 ...

你的問題，我以前問過……
我個仔六年级前閱讀好多中文書，但成績最差係中文。
中二中文有次3x分，嚇死我！
唯有向現實低頭，找補習先上番六尾七頭！

eviepa

看見現在的孩子真的令我心寒。如果小弟當年是這些對手的話，我大概考不進大學。新一代的孩子太強了。Yolanda和little_yolky的孩子都那麼棒，不如將時間用來讚賞她們，以及多點欣賞自己教導有方，好過用來擔心吧。

//小女由小四開始大量閱讀英文，奈何成績仍是中下，詞彙不足，文法扣晒分。唉幾時先有突破？//

//英中，量就大約如果每本二百頁左右計，每年八十至一百本。佢英文成績頭四十名嘅同學裏面只有唔夠一半有閱讀習慣，就算有嗰啲，同佢閱讀量相若嘅不足十人。//

只大量閱讀三年，而且是從小四才開始，算是不錯。閱讀頭三年，應該有以下三種成果：

1. 閱讀能力會遠比做大量練習（包括公文英練習）而不怎樣閱讀的學生好得多。
2. 懂得的passive vocabulary（看到的時候懂其音義，但不懂得使用的生字）比做練習的而不怎樣閱讀的學生多得多。但懂得的active vocabulary（懂得使用的生字）未必會多。
3. 語感會比做練習的而不怎樣閱讀的學生強得多。

另外，這個階段：

1. 如果未有像樣的寫作練習，無論語感多強，生字有多少，都無法轉化為高強的寫作能力。
2. 文法成績應該起碼中上，但應付中一的文法測驗，分數會比大量做文法練習的低。

不過，到中二、中三…寫作能力漸漸會因為有強大的語感、龐大的詞彙量做後盾而漸漸在任何一個指標都遠超那些不怎樣閱讀的同學。有樣辦給妳看，我在女兒讀小學時就公開預期她讀中文中學後，英語能力會遠遠超越那些只做練習，不怎樣閱讀的band 1同學。這個預測，當然很多人反對。但事實勝於雄辯，我女兒的確做到了，我女兒和他們的競爭，可以用獅子撲兔去形容。閱讀和練習的成效相差太遠了。

分析妳女兒的形勢。一些沒有閱讀而英文分數高的，除非他們很努力讀書，每天花一兩小時閱讀英語課本，變相加入閱讀為本大家庭，否則中一的高分只會是虛火，到高中就會現形。可以預測，到高中後，英文前十成績大部分都會是有妳女兒閱讀量的同學。

little_yolky

eviepa 發表於 17-5-18 01:07
看見現在的孩子真的令我心寒。如果小弟當年是這些對手的話，我大概考不進大學。新一代的孩子太強了。Yola ...

其實, 我覺得語文成績同閱讀多寡未必是正比, 當然唔可能係反比。尤其是小學, 多做練習就可以高分了。就好似英文一科, 我連續兩年大考前都出一份mock卷給阿大, 她都可以取得全班最好成績的頭一二名, 但是她並沒有大量閱讀英文書。不過, 高分代表語文能力好嗎? 我並不認同。說到語文能力強弱, 我只看作文一項而已。

好似阿大, 佢由細到大都有閱讀的習慣。當然, 我不敢說她有大量閱讀, 只可以說閱讀成為她日常生活的一部份。一直閱讀到今年小四, 她方感覺到自己作文時比較得心應手。但是中文科成績, 一直只能說是中上, 並不能爭取到前列。無他, 因為她次次考天才, 沒有認真複習測考範圍。剛過去的統測前, 她終於忍唔住問我如何可以取得高分。她開口問, 我當然樂於分享。點咗佢幾招, 她跟着做, 結果就是全班最高分了(學校是平衡班級制, 全班最高分, 差不多代表全級也是最高分的前幾名了)。當然, 我看過份卷, 覺得其中幾分是不應該扣的, 明顯仍未溫習純熟。不過, 我一直深信佢中文可以有高分既能力並沒有估錯。我從來不擔心她以後DSE中文取不了5*, 甚至5**, 我只擔心她英文取不到4, 數學是否能合格。



至於阿妹, 因為沒有多閱讀大量文字既習慣, 今次下學期第一次沒有讀卷, 可以說是一次試驗, 看看她程度到哪。全卷40%閱讀理解, 可以說是慘不忍睹。不過, 這也是預期之內, 最驚喜是其他部份做卷十分理想。另一方面, 她作文時文章結構掌握得很好, 句子也比較流暢。不同當年家姐, 文章結構散亂, 句子不通順。只是阿妹懂運用的詞比較少而已, 這個也十分好辦。阿妹只要KO閱讀一part, 就萬事OK。阿妹雖然沒有閱讀大量文字的習慣, 但她十分喜歡閱讀, 因此, 這個任務對於我來說, 實在是太容易了。我預計, 一個暑假已經搞掂了。

YolandaTam

多謝 eviepa 回應鼓勵。
我只係有啲疑惑點解而家嘅情況好似同我當年唔同而已。我自己就從來唔理科英文，只係靠中三煲英文偵探小說喺高中突然英文全級頭十的。
只係小女 ，唉可能真係要俾多啲時間，因為佢強嘅係數理。佢而家係中英文同英國文學差啲，數中上，科學，中西史地理如無意外係級頭三份一。
成績，都係放下先，閱讀嘅樂趣不應俾追求成績抹殺。

little_yolky

YolandaTam 發表於 17-5-18 10:19
多謝 eviepa 回應鼓勵。
我只係有啲疑惑點解而家嘅情況好似同我當年唔同而已。我自己就從來唔理科英文，只 ...

我又覺得無話要放底成績既, 只要掌握到攞分技巧, 閱讀同成績之間並無衝突, 一定係相輔相成, 可以雙管齊下。

YolandaTam

little_yolky 發表於 17-5-18 13:43
我又覺得無話要放底成績既, 只要掌握到攞分技巧, 閱讀同成績之間並無衝突, 一定係相輔相成, 可以雙管齊下。 ...

多謝回應，中學真係好多嘢讀好多嘢記，要平衡到真係唔易。鍾意追小說嘅人真係禁都禁唔住，人哋以為佢行街食飯都拎住部手機做乜，又係追小說，試過俾數學老師沒收神雕三，最近又俾英文老師話咗一餐，話佢英文堂做完閱讀理解又靜靜雞攞部kindle出嚟。

little_yolky

YolandaTam 發表於 17-5-18 14:06
多謝回應，中學真係好多嘢讀好多嘢記，要平衡到真係唔易。鍾意追小說嘅人真係禁都禁唔住，人哋以為佢行街 ...

點解咁大膽, 上堂做其他嘢。
可能係青春期反判, 想做乜就做乜。我記得以前自己細個時小學多D科目, 要讀既有中、英、數、社、自、健、聖經。上到中學就中、英、數、科學、中史、世史、地理、家政、音樂、聖經, 感覺依家中學好似多好多嘢咁, 又有通識又有文學, 真係記性差D都弊。

YolandaTam

little_yolky 發表於 17-5-18 14:24
點解咁大膽, 上堂做其他嘢。
可能係青春期反判, 想做乜就做乜。我記得以前自己細個時小學多 ...

估計係遺傳基因作祟
我小學上堂畫公仔，高小至高中追小說+寫小說
成績唔錯都無得做prefect

little_yolky

YolandaTam 發表於 17-5-18 14:38
估計係遺傳基因作祟
我小學上堂畫公仔，高小至高中追小說+寫小說
成績唔錯都無得做prefe ...

咁........就無辦法了, 你都無得話佢了。

我大女班主任話, 就算成班响度搗蛋, 都一定會見到阿大坐定定眼睛唔眨咁望住老師的。上緊堂, 天跌落嚟佢都唔會郁既。

YolandaTam

little_yolky 發表於 17-5-18 15:00
咁........就無辦法了, 你都無得話佢了。

我大女班主任話, 就算成班响度搗蛋, 都一定會見到阿大坐定定眼睛 ...

令千金咁乖嘅學生真係百中無一。
不過個女都有嘢好過我：交齊功課，從不遲到，自己識點處理欺凌，應該係有父系基因緩和吓，否則好似我咁，難教。

little_yolky

YolandaTam 發表於 17-5-18 15:06
令千金咁乖嘅學生真係百中無一。
不過個女都有嘢好過我：交齊功課，從不遲到，自己識點處理欺凌，應該係有 ...

你...........細個都幾曳下喎..........


我自己細個都係同大女一樣, 所以我一直以為咁先係正常。點知, 原來班主任話, 好似阿妹果D, 人哋上堂起哄, 佢會轉個頭去了解果D, 先係大部份小朋友既行為, 佢無特別唔專心喎。