想停左習

HAPPY_YY

仔仔小五, 英文, keep住A-B, 我忽然想停左英文補習, 覺得唔是太差, 等佢試下自己學習, 但又怕一停會好差, 心大心細中...

1998Ruby1998

從經驗睇，好多小朋友停補習之後會跌一跌（冇人扶持，自己行會有少少失測），不過如果係真材實料好，第二年就會升返上去，未必可以好似補完習咁好成績，但係唔會差。

要睇下你承受到唔到升小六上學期英文成績遜色少少，同埋肯唔肯咁博。

我覺得如果係咁，不如依家補埋佢，為求成績平平安安，升到中一就可以大膽放手，等佢學識適合自己自習嘅一套溫書方法。小學階段係需要人幫手，但係中學開始就應該放手，唔係嘅話，就會變成依賴補習，到時候想唔補都難。

tkinwong

贊同二樓所講。

關鍵時候一動不如一靜。

little_yolky

1998Ruby1998 發表於 17-3-20 16:09
從經驗睇，好多小朋友停補習之後會跌一跌（冇人扶持，自己行會有少少失測），不過如果係真材實料好，第二年 ...

又或者補埋呈三, 然後先放手, 到畢業試就可以知掂唔掂。

1998Ruby1998

回覆 little_yolky 的帖子

畢業試可能會淺過呈分，同埋冇咁緊張，未必準確
不過就係因為唔需要呈分，可以試一試，如果高分的話，要留意下係因為小朋友勁，定係份卷淺。

little_yolky

1998Ruby1998 發表於 17-3-20 17:32
回覆 little_yolky 的帖子

畢業試可能會淺過呈分，同埋冇咁緊張，未必準確

一DD學校啦, 聽有D學校, 因為唔駛呈分, 佢哋呈分後會教英數或文言文等小朋友適應中學課程(諗落老師又幾好), 咁, 個考試話好多人插水 俾D家長响EK插到爆, 因為有人要等埋畢業試張成績表叩門。

洋蔥頭媽咪

HAPPY_YY 發表於 17-3-20 11:26
仔仔小五, 英文, keep住A-B, 我忽然想停左英文補習, 覺得唔是太差, 等佢試下自己學習, 但又怕一停會好差,  ...

小五/小六要呈分成績表亦要見人，要放都唔急於一時啦，主科十分重要，小五先放萬一失手成績跌落band2真係喊到冇謂，博唔過。

QQpa

樓主阿仔係唔係讀緊龍校，如果係，放手又無防，尤得佢自己試試。

kkhon

放得吾啱時候，如果係小三/四放就得。小五，六要呈分面对升中，加上P5,6会比以前深左，就算吾補習都要自己跟緊d，除非一路英文底子好好，否则搏吾过。另外其他同学会好chur，好大上落。