挫敗感

konew720

pizzafat 發表於 17-3-19 23:33
多謝你意見，我係想target 直私小學，我年尾都會以超大b身份報以上幾間

我都知LH面試算好深，入唔到都唔 ...

如果你LH有second in，入唔到唔係小朋友既問題。
學校係搵同學校有一樣教學理念同價值觀相似既家庭。我唔係話家長熟背學校教學理念就得，父母既語言、行為及處理小朋友既手法，亦反影出父母既理念及價值觀。
有朋友名小畢業，LH連second in都冇俾佢。反而SC有second in。
另外有2個朋友既小朋友係second in唔太合作，但媽媽處理得好，最後有offer。

lily1995

見到原來有咁多超大B都考得好好, 仲要考得好過我個仔仔, 有些明白點解我個仔waiting, 亦係必然結果! 我第一天接受唔到, 第二天已接受現實, 現在見到咁多超大B出黎, 已經完全接受同LH無緣! 大家都唔好唔開心, 我放開LH後, 發現原來手上的offer學校都係比到我想要既野比仔仔, 識得欣賞呢個offer喇!
大家都不妨看下手上已有的啦~

pizzafat

多謝大家鼓勵，亦會再試年尾報其他K1

見ek 好多人話考唔到名幼都可以好好努力裝備考小一，其實有咩貝體既野可以培育小朋友？我地係雙職家庭，放工後所有時間都陪小朋友伴讀、去同其他小朋友玩、教禮貌自理，我仲可以有咩可以去做幫到考小一？

pizzafat

原來先知都有咁多超大b都無offer，反而有點感覺LH今年麻麻地超大，之前見有offer 既都係年頭大b多，不過大家都明仲有慢慢長路，只係可能覺到入唔到一間好既n就好似好唔安全咁，又唔知年尾再考咩環境，人既心態當然係想快快搞掂，安安心心去，但世事又點會咁完美

我都有最壞打算，如果年尾都考唔到名幼，就去讀york，雖然讀呢間個名唔馨香又貴，但聽好多用家講其實都唔錯，尤其係考直私方面

calvinbaka

樓主不要灰心, 面試好與壞..都好睇當日小朋友表現....加油

archinma

考唔到唔代表小朋友唔夠人叻, 好多人面試時表現好,答岩晒都冇offer架, 唔好咁快就灰心!!!! 希望樓主會有更好既offer...!!!!!

SarahGil

回覆 pizzafat 的帖子

If you like LH, don't give up K1 interview.  My personal experience tells me that LH K1 is easier to get in than PN coz there are more K1 seats around. Some people will switch to KV and many parents will choose other dragon schools.  It's just like a music chair game.  But don't give too much pressure on yourself coz your emotion will affect your kid.  Your kid's performance doesn't really link to his/her chance in getting a kindergarten anyway.  幼稚園面試只是眼緣遊戲罷了.

ddtt347

加油！呢幾年出生率已低了好多，感覺競爭小了呢！

pizzafat

多謝大家鼓勵呀，同左幾位jm傾，感覺好d

雖然出生率低左，但我諗考直私既來來去去都係同一批人，所以都幾擔心

dorandka

LH, St Cat 有小朋友K1 會轉龍校，所以不要灰心，K1 再試。
York 我聽番用家第一身經驗，話學術好好的，負擔得起，係一個好選擇。

pizzafat

dorandka 發表於 17-3-20 15:05
LH, St Cat 有小朋友K1 會轉龍校，所以不要灰心，K1 再試。
York 我聽番用家第一身經驗，話學術好好的，負 ...

York真係ok 嗎？學費都暫且負擔得起，最緊要小朋友讀得開心，又考小學成績ok

matsushima

樓主不要灰心, SC, LH入不到也不代表你小朋友不夠叻, 還有很多好學校的

chuechue

樓主，多謝你行出來share 你感受。原來我唔係唯一一個咁諗⋯

我個囡係一月大B，乖巧坐得定型，之前考5-6間私校全部正取生（但非名幼），所以令我太具自信。呢次考LH，第一round唱遊麻麻，但第二round單對單問答我好肯定做得more than enough,有啲位超乎我預期。我自己答問卷亦俾心機填paragraph, 以為實high chance 入round 2, 點知連round 2都無！最終同大家一樣waiting. 我都好有挫敗感，不斷諗到底衰左喺邊呢？有時諗諗下仲有點激氣嬲間學校唔識貨，哈哈好silly.

而家過左幾日，啖氣消了，身邊有些朋友的小朋友中左，老老實實，同自己小朋友比，資質自問差不多，開始睇化其實呢家嘢可能係運氣、可能係眼緣（仲要係咁橋為你評分的老師對你小朋友合眼緣），唔代表小朋友資質如何，得兩三歲人仔，日後漫漫長路

我諗我同你並唔係玻璃心，而係未開始習慣玩呢個遊戲，大家都係剛起步，第一年的經驗，我諗，呢家嘢玩多一排，大家就會開始習慣兼麻木啲，會容易啲接受架喇！大家共勉之

chriskaan

其實樓主唔改灰心呀~~我8月B , 無返開PLAYGROUP , 都無學校收 , 我都報左 LH , JOYFUL , 村校 , 全部都唔收 , 現在只好俾亞仔返返 PLAYGROUP , 好好裝備亞仔 , 再戰 K1 , 而且有好多好學校都無 N 班 , 而 2015 年的BB出生率都比前一年同後一年少 , 所以 , 大定一齊再努力下啦~~

chriskaan

我想想都覺得 , 就算你讀到 N 班 , 到 K1 都會再大洗牌一次 , 入到 LH 都會再考出面名龍校 , 所以 , 唔駛太失望嘅~~

pizzafat

好多謝大家明白我呀，我自問真係唔係玻璃心，或者只係未適應呢個遊戲，我會好好再努力，爬下文，盡自己努力先

學好多jm講，幼稚園時揀小朋友可能只講眼緣同outgoing 性格，我自己姪仔幼時都考唔到名幼，但依家小學都係地區名津考得好好

chuechue

pizzafat 發表於 17-3-20 17:54
好多謝大家明白我呀，我自問真係唔係玻璃心，或者只係未適應呢個遊戲，我會好好再努力，爬下文，盡自己努力 ...

其實你係講出左好多家長第一次玩呢個遊戲的心聲，都多謝你表達出來，我而家都冇咁覺得自己睇唔開，好似好怪獸咁，原來呢啲感覺係好natural嘅。我地繼續一齊努力啦

熊寶寶樂園

pizzafat 發表於 17-3-20 17:54
好多謝大家明白我呀，我自問真係唔係玻璃心，或者只係未適應呢個遊戲，我會好好再努力，爬下文，盡自己努力 ...

我哋要慢慢適應呢個遊戲，所以更加要分散投資，報3-4間名幼，2-3間普通幼稚園，對結果唔使耿耿於懷，廢事自己辛苦。

ChocoMilk33

名幼不止SC和 LH。 KV， victoria 也是出名的學校。目光放遠點，多了解不同學校的優點。

Erin2015

香港幼兒教育很多早就不是有教無類的了。連資助幼稚園都要面試，本末倒置，目標不是把優秀或平庸的小朋友教好，而是大家都想收一批所謂資優，那就大致保證畢業出來的進得了好小學，變成名幼。