挫敗感

moledy

我仔係大B 都係咁有錯敗感呀, 由N時考咁多間D名幼全部唔收...到K1又再考都係唔收..但K1已無咁唔開心了...唯有再戰小一LA...其實真係全部人都去考, 當然係最叻哥D比名幼選晒LA...所以無法, 唯有下年加倍努力希望佢下年再有更好成績LU

pizzafat

moledy 發表於 17-3-27 17:29
我仔係大B 都係咁有錯敗感呀, 由N時考咁多間D名幼全部唔收...到K1又再考都係唔收..但K1已無咁唔開心了...唯 ...

你囝係唔係較慢熱怕羞？開頭都聽好多人講話名幼鍾意收大b，但依家明白大b優勢都唔一定有，好睇小朋友性格

介唔介意講你小朋友k1時考左邊間呀？

moledy

pizzafat 發表於 17-3-27 18:55
你囝係唔係較慢熱怕羞？開頭都聽好多人講話名幼鍾意收大b，但依家明白大b優勢都唔一定有，好睇小朋友性格
...

LH, SC, 劍鳴，培正，民生，等等，仲有其他，不過都有二線offer,但一線D全部無呀！根德我無考，因為驚個仔唔係坐定定類型，入到都鷩比學校投訴

moledy

moledy 發表於 17-3-27 20:05
LH, SC, 劍鳴，培正，民生，等等，仲有其他，不過都有二線offer,但一線D全部無呀！根德我無考，因為驚個仔 ...

當然小朋友都係慢熱同怕羞，這個我都覺得好蝕底，不過而十k1下學期改善左好多，但始終已經過哂k1 interview 時段，所以咪話唯有再戰小一lu

pizzafat

moledy 發表於 17-3-27 20:09
當然小朋友都係慢熱同怕羞，這個我都覺得好蝕底，不過而十k1下學期改善左好多，但始終已經過哂k1 intervie ...

我仔都係呢種性格呀，所以都好擔心年尾考k1無offer，成日聽人講就算考唔到名幼，都可以好好裝備小朋友考小一，但我又唔知具體應點做先可以好好裝備小朋友....

Fannis

我都想知要準備d咩？

Wengie

呢個post 好有同感，我女一月B
一線N全軍覆沒，希望黎緊K會再努力

dreamdream081

pizzafat 發表於 17-3-19 15:43
仔係年尾細b，加上性格較慢熱，一心想佢做大b希望自信心強d，又希望可考到名幼龍幼

但剛經歷完st cat & L ...

得失好難說，考到名幼不代表甚麼。

最重要小朋友健康快樂成長。

加油！

dreamdream081

Wengie 發表於 17-3-31 19:11
呢個post 好有同感，我女一月B
一線N全軍覆沒，希望黎緊K會再努力

K more choices. Add oil

meihong

pizzafat 發表於 17-3-19 15:43
仔係年尾細b，加上性格較慢熱，一心想佢做大b希望自信心強d，又希望可考到名幼龍幼

但剛經歷完st cat & L ...

我唸你唔好灰心，事實而家考幼稚園好難，我識人超大B，in 9間都唔收(包括SC, LH)，個媽媽真係狂喊，佢一心唸住大B實中一兩間offer, 但最後寫求情信，有一間後補收咗⋯⋯ 其實今時今日都大把大B爭，調節下心態，盡力就可以，我自己細B媽媽，唔考慮做大B，留喺一間普通幼稚園升K1，人生條路好漫長，我絕對同意入到名幼可以影響升小、升中、大學⋯⋯ 但唔收都無計。祝有好運

pizzafat

Wengie 發表於 17-3-31 19:11
呢個post 好有同感，我女一月B
一線N全軍覆沒，希望黎緊K會再努力

原來咁多同路人，講真大b考唔到n我都無乜信心k會考得好，始終競爭咁大，如果主動既細b一定考得好過被動既大b，如果入唔到所謂既名幼，我都唔知可以點裝備好小朋友考小一

DengCK

pizzafat 發表於 17-4-1 18:50
原來咁多同路人，講真大b考唔到n我都無乜信心k會考得好，始終競爭咁大，如果主動既細b一定考得好過被動既 ...

其實係而家風氣神化了學校唧。我細個讀村幼，地區名小，地區名中，入三大。而家叫做中產。我阿妹同我讀一樣學校，而家入國際律師樓做律師，英文甩甩聲。

我讀三大時，絕大部分同學都不是神校。就算是神校，亦不覺特別醒（咁當然有d醒d)。

如果終極目標只是三大，其實真係名不名幼又有咩關係。放鬆點。

pizzafat

DengCK 發表於 17-4-2 08:35
其實係而家風氣神化了學校唧。我細個讀村幼，地區名小，地區名中，入三大。而家叫做中產。我阿妹同我讀一 ...

無錯，我終極目標都係三大，自己都係呢三大出身，又係讀村校，只係覺得依家玩法唔同左，驚根番自己以前條路行競爭又大左咁多，入三大都唔係容易事

再講自己又唔想靠大抽獎，考唔到間一線小學之後升英中又會難度大增，所以先想由名幼開始，等入間一線小學容易d

不過都明條條大道通羅馬，希望真係做到盡左力就平常心，多謝你

yee123480

其實就算入左名幼到k1去好多人考龍幼，龍幼大多happy school，都唔係話好學術

tingkit

pizzafat 發表於 17-4-2 15:56
無錯，我終極目標都係三大，自己都係呢三大出身，又係讀村校，只係覺得依家玩法唔同左，驚根番自己以前條 ...

唔好氣餒！waiting 都唔代表一定唔得㗎，我女細b, pn LH 面試嘅機會都冇，k1再報，細b預左冇offer，得waiting， 2nd interview 都冇，一心已經諗住讀另外一間，點知7月call 2nd interview 之後，竟然收左，所以k1都仲有機會，加上你pn有2nd interview 都仲有機呀，可能遲d call waiting呢。
我係York 前用家，我覺得老師好好，雖然得2hrs 但小朋友都好開心同學到好多嘢，2間學校我都覺得好好，我女letterland 嘅基礎都係响york嗰度學，所以唔好太理其他人點講，我同我女以前d同學媽咪都覺得york其實唔係外邊講咁樣，加油，唔好灰心，細b都唔係一定冇機會㗎！

DengCK

pizzafat 發表於 17-4-2 15:56
無錯，我終極目標都係三大，自己都係呢三大出身，又係讀村校，只係覺得依家玩法唔同左，驚根番自己以前條 ...

其實年年三大學額都固定變化不大。我地都知其實係睇公開試成續。即係讀邊間都一樣，最緊要個人。入到名校固然好。但如果入到去做中下游，我寧願入地區名校做上游。做中下游都會令小朋友失去信心同學習興趣。

入到名校你只能跟大隊力谷，其實係咪又咁開心？塞翁失馬，焉知非福。

DengCK

仲有，名唔名分別係咪真係咁大？幼稚園反面可能明顯d,小學中學課程大致差唔多，我地讀書都知老師對學生係咪真係咁有影響架啦。咪靠自學同出去補習（我同我妹當時都無外補既）

反而名唔名校，我覺得最主要係父母覺得有虛榮感唧。

pizzafat

tingkit 發表於 17-4-2 18:23
唔好氣餒！waiting 都唔代表一定唔得㗎，我女細b, pn LH 面試嘅機會都冇，k1再報，細b預左冇offer，得wait ...

多謝你，因為真係比教少York 用家分享，多數都係聽到非用家既bad comment ，自己唔係一定要入名校，只係想讀一間學術比教好既幼稚園，打好個底考小一，或上小一時唔洗咁辛苦

因我自己理念係學術深既學校唔一定等於unhappy school ，希望小朋友可愉快學習

tingkit

pizzafat 發表於 17-4-3 09:56
多謝你，因為真係比教少York 用家分享，多數都係聽到非用家既bad comment ，自己唔係一定要入名校，只係想 ...

其實深唔深同happy 唔happy真係唔掛鉤，所有嘢都係睇適唔適合

nixphoenix

DengCK 發表於 17-4-2 20:20
其實年年三大學額都固定變化不大。我地都知其實係睇公開試成續。即係讀邊間都一樣，最緊要個人。入到名校 ...

同意, 我個人同意如果target神校中小學讀名幼應該有優勢
但如果考二線直私升中時又可能同政府派位又唔會差好遠(寶校除外, 我都明白好多家長其實都係為咗唔好抽到寶校所以考定直私有個好嘅保險線)
我自己係村校中小幼(幼稚園仲執咗笠), 我老公名中小幼
但係最終其實我地都係大學grad (我三大, 我老公唔係三大但學科唔差)
有時我自己都諗, 而家香港讀書壓力越黎越大, 其實係一間學校如果佢建立到信心, 反而可以跑到最尾
而家先係幼稚園, 㨂一間合適又讀得開心嘅學校可能都重要

我小朋友都試過in名幼, 但first in完出黎講咗幾次唔鍾意間學校(佢鍾意嘅學校係玩得好開心, in完會係咁講想返去玩), 所以我地考慮過後無去second in了
不論名唔名, 我諗搵一間佢日日都想返學又合適嘅可能長遠更好, 學術嘅嘢, 家長可以努力, 而又好多科學研究話其實咁細個學咁多學術反而要規限咗腦仔, 雖然身處香港呢個大環境好多嘢都身不由己, 不過有時諗返, 隨遇而安未嘗唔係好事