小兒愛閱讀但不求深解怎麼辦？

JC_mami

回覆 akys 的帖子

幸好阿仔今年才小一，如果佢是呈分試，我會豪不猶豫操佢做卷。我就是想在初小培養他的學習態度和責任感，我估自己要對佢放低少少標準。

MC1128

JC_mami 發表於 17-3-17 16:55
回覆 1998Ruby1998 的帖子

小一的男孩子總是粗心大意，總喜歡憑感覺，最近都強迫佢讀英文書给我聽。聽完大 ...

樓主：
請問你看書時喜歡讀出聲嗎？

QQpa

JC_mami 發表於 17-3-17 13:19
其實我都是閱讀派的支持者，而且從他的中文成績都看到成果，所以對他的英文有更高期望，以為看書多，自然會 ...

想成績好，淨係閱讀係唔夠嘅，最好還是有相應練習去配合，有輸入同時又有輸出，先至起到相得益彰的效果

Jane1983

閲讀係好，但從改善語文成績的角度出發，睇得飛咁快，又好多唔明都照過，可能唔係咁見效。

MrBeast

JC_mami 發表於 17-3-17 16:55
回覆 1998Ruby1998 的帖子

小一的男孩子總是粗心大意，總喜歡憑感覺，最近都強迫佢讀英文書给我聽。聽完大 ...

趁佢細仲迫得就迫下佢read aloud la，到到小三四唔會聽你支笛ga la

JC_mami

Jane1983 發表於 17-3-17 17:50
閲讀係好，但從改善語文成績的角度出發，睇得飛咁快，又好多唔明都照過，可能唔係咁見效。 ...

你一語中的，我就係覺得佢睇書睇到飛甘快，有字唔識又唔問，書的內容是明，但問得深入啲，就發現佢一知半解，佢睇書真係純粹娛樂自己。

JC_mami

MrBeast 發表於 17-3-17 19:14
趁佢細仲迫得就迫下佢read aloud la，到到小三四唔會聽你支笛ga la

現在已經迫唔到甘多，不過最近因為 comphension分數跌左，佢先就範，我現在唯有分開消閒書和伴讀書。

shadeslayer

JC_mami 發表於 17-3-17 10:33
可能係我貪心，一路有伴讀中文書，因為覺得中文難學。上小一學後，中文成績比英文好，中文機乎不用温習。
...

他能自己讀你仲叫佢讀比你聽, 要 make sure 佢從閱讀中學到野, 係謀殺閱讀興趣的頭号和二号殺手。

Jane1983

回覆 JC_mami 的帖子

小一仲細，可以放吓先，chur得太行驚摧毀佢睇書興趣。

MrBeast

大部分小朋友都唔會中意read aloud，父母就要同佢講數，剛借了本treetops，cover 內 係咁寫：

judy

你一語中的，我就係覺得佢睇書睇到飛甘快，有字唔識又唔問，書的內容是明，但問得深入啲，就發現佢一知半解，佢睇書真係純粹娛樂自己。

理論上，讀得快嘅人，理解能力更强。我曾找一些測試閱讀速度嘅网站測試阿仔，裏面都有數据顯示讀得越快嘅人，做課後練習錯得越少。

建議將閱讀範圍擴闊一點，我阿仔的閱讀書目，除了big nate, captain underpants 等廁所文學外，我甚麽書都給他看。

小一，肯讀書，讀得快己謝天謝地了，實無需做其他。

JC_mami

judy 發表於 17-3-18 09:09
理論上，讀得快嘅人，理解能力更强。我曾找一些測試閱讀速度嘅网站測試阿仔，裏面都有數据顯示讀得越快嘅 ...

你提到的那兩本廁所文學，阿仔都很喜歡睇。我同意你所講，佢的理解能力很好，所以成績不錯。
不過你知啦！做阿媽又想佢進步，所以要稔稔辦法囉！

JC_mami

回覆 MrBeast 的帖子

我最近睇返啲舊帖，睇下啲前輩的討論。其中提到一位舊會員囝囝爸出的書，我都從圖書館借出來拜讀一下。
我現在試下佢書中的建議，消閒書和伴讀書分開。
伴讀書要read alound,寫少少分享或者延身故事。
不過發現很費時間，一星期只可做一至兩本，始終讀傳統學，放學後沒太多時間。希望有幫助。

shadeslayer

孩子會自已讀，讀得快，津津有味，家長為了確保佢學到野，叫佢朗讀來拖慢閲讀。閱讀即由樂趣變成苦差，變成功課一種，變成有即時效用的練習，招乎家長要求，孩子真可憐。

如果這是主流，那不要問為什麼香港孩子閲讀興趣包尾。

MC1128

shadeslayer 發表於 17-3-18 10:44
孩子會自已讀，讀得快，津津有味，家長為了確保佢學到野，叫佢朗讀來拖慢閲讀。閱讀即由樂趣變成苦差，變成 ...

而家變咗，要語文好、成績好，閱讀啦！

閱讀的樂趣？反而不是主要目的

shadeslayer

MC1128 發表於 17-3-18 11:06
而家變咗，要語文好、成績好，閱讀啦！

閱讀的樂趣？反而不是主要目的

要語文好、成績好，以閲讀為工具，不為樂趣，本身無問題。如醫生叫人多做運動強身健體，不為樂趣，本身沒有問題。

有問題的是家長唔明白，閱讀之所以有用，是因為浸淫在語文中。要浸淫在語文中，要有閱讀興趣，把閱讀變成娛樂。

做一些破壞閱讀興趣的事，就會把閱讀變成苦差，變成練習，閱讀便不再有效果，或者效果非常小。

還有，兒童閲讀其中一個極大好處就是發展出速讀本領，大個仔學不了。依家孩子能自行閲讀能力，更能速讀，家長應開心都來不及，反而要拖慢速度？ 有時，有為父母是孩子發展的最大阻礙而不知。

MrBeast

its all abt intention:
卓越成績：dont hold ur breath
代替操練：why not
更上一層樓：guilded reading 是需要

JC_mami

shadeslayer 發表於 17-3-18 11:46
本帖最後由 shadeslayer 於 17-3-18 11:47 編輯

要語文好、成績好，以閲讀為工具，不為樂趣，本身無問 ...

我明白你的意思，而且非常非常認同，我和丈夫也很喜歡閱讀，而且經常分享讀後感，樂在其中，阿仔也耳濡目染。但現今讀傳統學校很難唔着重成績吧！曾經考慮過给他讀國際學校，可以給多點空間，但實在太大負擔了。
現在初小希望他打好語文基楚，讀上去不用太辛苦。
自己是過來人，就發現只靠閱讀而不仔細研究文章，很難提升自己的語文能力，所以才想早些引導佢。

shadeslayer

JC_mami 發表於 17-3-18 16:33
我明白你的意思，而且非常非常認同，我和丈夫也很喜歡閱讀，而且經常分享讀後感，樂在其中，阿仔也耳濡目染 ...

初小重視真正實力好過成績。

亦唔係重唔重視成績問題，係好事變壞事，適得其反，摧毀閲讀興趣，防礙孩子學習的事不應做。

JC_mami

回覆 shadeslayer 的帖子

奇實我很無奈，阿大老闆對兒子的學業很緊張，佢已經有微言話我唔谷個仔，我是全職家庭主婦，攪到我好似偷懶。因為初小比較輕鬆，我也是重點培養他的責任感，自己做自己的事，以男孩子來說，他做得不錯，自己執書包，對功課，温默書也是阿仔自己錄音自己默。
但家中老闆常常着眼失去那幾分，我也很頭痛。