個底差, 有冇上中, 英文班或學咩令小朋友進步

愛德華一世

小二, 個底差, 有冇上中, 英文班令小朋友進步, 如有, 可以 pm 話我知嗎  thx

miujoey

請問差成點呢 , 又升到班既     

little_yolky

愛德華一世 發表於 17-3-16 15:59
小二, 個底差, 有冇上中, 英文班令小朋友進步, 如有, 可以 pm 話我知嗎  thx

具體D啦, 點差呀?

如果真係差, 同佢日日溫下課本內容, 日日少少。又睇下教緊乜, 做下D英文練習, 一日做少少, 唔覺唔覺咁, 最緊要係一齊睇下書, 等佢習慣下閱讀, 咁閱讀理解都會好D。默書早D溫, 但一定要識, 多D生字, 作文都好D。


自己跟到, 進步會明顯D。

miujoey

其實小一應該都唔係好難， 用一個暑假時間應該全部追得返曬

brother4

底差如有興趣可追上，怕上補習班 hea 住上，中文學四字成語先，如老夫子，一般可便利店有售，英文也一樣多看有興趣英文圖書先。。。

愛德華一世

little_yolky 發表於 17-3-16 17:09
具體D啦, 點差呀?

如果真係差, 同佢日日溫下課本內容, 日日少少。又睇下教緊乜, 做下D英文練習, 一日做少 ...

佢中英文詞庫記得好少.....好多字唔識解, 唔識寫, 唔識串.....

little_yolky

愛德華一世 發表於 17-3-17 10:36
佢中英文詞庫記得好少.....好多字唔識解, 唔識寫, 唔識串.....

咁就唯有日積月累, 好似儲錢咁, 要慢慢儲, 首要中英默書既生字要識晒, 每個禮拜教過既字溫習, 出街無聊等車等人時, 見到海報路牌招牌, 都同佢認一下, 如果識字少, 閱讀理解同作文都好麻煩, 但呢樣補習同操卷都幫唔到, 要慢慢嚟, 要培養佢興趣, 佢睇書多咗, 自然識得多。

洋蔥頭媽咪

愛德華一世 發表於 17-3-17 10:36
佢中英文詞庫記得好少.....好多字唔識解, 唔識寫, 唔識串.....

語文係要有input 才有 output , 要儲多啲字詞，睇書係其中一個方法，並非一定要一睇就睇文學作品，初小可以考慮從興趣開始。我仔細時就由睇喜洋羊開始，老夫子、四字成語、故事書....慢慢儲，有墨水啦，就要諗諗點用，當然家長可以自己教就最好，否則可以揾專科補習老師，例如英語可搵d興趣班，製造多d機會比小朋友。初小唔駛太介意成績，培養良好䜖書態度及主動性，成績自然會慢慢上。

kmb2015ltd

洋蔥頭媽咪 發表於 17-3-27 08:58
語文係要有input 才有 output , 要儲多啲字詞，睇書係其中一個方法，並非一定要一睇就睇文學作品，初小可以 ...

我想問小兒小一，成績麻麻，但是佢叫我地比佢去功課輔導班，好不好呢？因為那間教育中心，專補佢那間小學。

Jane1983

回覆 kmb2015ltd 的帖子

朋友都係送個仔去專補佢間學校的補習社，日日放咗學就去，差不多食晚飯先返。話會做晒功課、溫埋默書，有空閒時間的話，每日亦會比幾頁練習佢做。朋友覺得算滿意，主要唔使自己勞氣，但成績同補習前差不多，無谷上去。
作為旁人，就覺得太耗時間，小朋友基本上每日無晒私人時間，玩或者睇書，長遠唔係好事。如果家長有時間，認清問題，幫吓小朋友上正軌，會好d。

洋蔥頭媽咪

kmb2015ltd 發表於 17-3-27 10:19
我想問小兒小一，成績麻麻，但是佢叫我地比佢去功課輔導班，好不好呢？因為那間教育中心，專補佢那間小學。 ...

孩子在家會主動完成功課嗎？小朋友會主動完成功課，我就認為初小可以不用去功課班，家長可觀察小朋友功課能否達標，若太多唔識/錯漏，就要出手教番佢，鼓勵小朋友有不明白地方主動去問，多鼓勵/多讚賞，有時間就讓小朋友玩下、睇下書、同佢討論下時事，學校發生嘅事... 等等，初小必須培養自律性及良好學習態度。
你提及嘅教育中心，好多時係收集了附近小學多年來的考卷，然後比小朋友做，類似tip 題，若小朋友考試時tip中，分數當然會高，但小朋友是否真的理解，底子是否能鞏固？我對此有保留。個人覺得初小最重要係培養良好態度/自學能力，若底子未穩我情願專科補習，底子打得穩，越高班或升中後就能看到優勢。當然去到小五，家長選擇呢類操卷方式去應付呈分試亦無可厚非嘅。

kmb2015ltd

洋蔥頭媽咪 發表於 17-3-27 12:49
孩子在家會主動完成功課嗎？小朋友會主動完成功課，我就認為初小可以不用去功課班，家長可觀察小朋友功課能 ...

佢不會主動完成功課，都要倚頼，每日7至8様功課，都是1小時多D完成，默書中英文都是九十幾分，但是測驗和評估就不太理想，其實佢唔係好想睇D中文字，但是見到佢係想自己進步。

kayi0556

我可以分享下大囡的歷程， 佢中英文底好差， 幼稚園時冇特別俾佢上果d中英文班， 心只想佢開開心心返學，佢幼園好開心， 日日都好鐘意返學， 因為有人同佢玩， 但估都估唔到上左小一， 好多中英文字唔識， 第一次測驗讀卷， 成績都可以接受， 但之後冇讀卷就死晒， 果時同大部分家長一樣， 心慌慌， 請私補

但過程唔易， 好老師難求， 搵左好多個， 最尾搵到個超好的老師
老師由淺至深慢慢逐步教呀囡， 呀囡又跟得ok,  老師好有耐性， 好有責任感，
佢由呀囡乜都唔識， 教到佢好鐘意睇英文同中文小說， 中英文都大躍進

我同c6都唔係點睇書， 但因為老師的引導， 逐步帶佢睇， 又鼓勵佢去圖書館借書， 上年上左中大

我諗要大家去引導佢， 小朋友係需要時間適應的， 媽媽們， 加油！

洋蔥頭媽咪

kmb2015ltd 發表於 17-3-27 12:56
佢不會主動完成功課，都要倚頼，每日7至8様功課，都是1小時多D完成，默書中英文都是九十幾分，但是測驗和評 ...

有邊個小朋友唔想自己叻啲，多人錫多人讚，所以襯小朋友仲細必須培養佢責任感，自己的事要自己負責，功課要自己做，做得到要多讚賞。小朋友係須要鼓勵及得到父母認同，才會有動力再做好啲。加油。

每日媽媽

kayi0556 發表於 17-3-27 17:39
我可以分享下大囡的歷程， 佢中英文底好差， 幼稚園時冇特別俾佢上果d中英文班， 心只想佢開開心心返學，佢 ...

請問補習老師上堂嘅模式係點?

1998Ruby1998

我自己依家大學自修俄文，副修法文，文法好容易記到，熟能生巧，我上堂可以無需要聽 grammar seminar 都可以應付自如，「按單執藥」，但係講到閱讀理解同埋作文，始終要先識多 d 字。

我補習個妹妹都係典型香港學生，grammar 果 part 完全唔洗擔心，但係一講到寫文就發現句子係 grammatically correct，但係用字比較淺，睇書果陣有好多生字一抽問就「露底」。 我就同佢伴讀下，有良好嘅 input，先有更大機會有顯著  output。平日佢一個鐘頭寫唔到 100 字作文，佢最後一次堂上寫文畀我，一口氣寫左 200 字，睇落有板有眼，嚇親我。

不過普通初少英文都可以用一個暑假追返，唔需要太擔心。

SophieYan

1998Ruby1998 發表於 17-4-7 00:07
我自己依家大學自修俄文，副修法文，文法好容易記到，熟能生巧，我上堂可以無需要聽 grammar seminar 都可 ...

請問馬鞍山你會上門補習嗎？