溫書做功課唔集中, 睇電視好集中, 算唔算專注力不足

wan_sosin

little_yolky 發表於 17-3-17 11:02
有無寫句子但抄漏個字，或抄抄下抄咗第二度？

就你講嘅嚟睇，細妹應該未能控制到將注意力放在那些地方，佢有專注能力，但掌握得唔好，有時應留心的地方無法留心，但小朋友專注力未成熟都好正常，要時間發展。但都可以在生活上找些方法去幫助小朋友。
上堂遊魂，有時都要睇埋老師教書悶唔悶，老師功力唔夠，都影響學生留心程度，我哋做過學生都知。

little_yolky

wan_sosin 發表於 17-3-17 11:44
就你講嘅嚟睇，細妹應該未能控制到將注意力放在那些地方，佢有專注能力，但掌握得唔好，有時應留心的地方 ...

local school上堂有乜可能唔悶。我當年中學, 上堂真係悶到暈, 尤其係食飯之後D堂, 真係離魂, 我咪用原子筆篤大脾, 等自己醒一醒神, 唔係點頂。

專注力日常生活可以訓練的嗎?

wan_sosin

little_yolky 發表於 17-3-17 12:09
local school上堂有乜可能唔悶。我當年中學, 上堂真係悶到暈, 尤其係食飯之後D堂, 真係離魂, 我咪用原子筆 ...

都係架，上堂無幾何唔悶，但老師有時比學生分組答下問題，會好過一味得個聽字。
其實好多遊戲都要用專注力，例如冚綿胎，拍7，一隻青蛙一張嘴等等。。。

Tanyafish

我細個時（現在都係）最討厭puzzle,不可能拼到超過50塊。全班36人長期考超過30名。好鍾意看電視打機（通宵果隻）。成日漏帶功課和書。

中五發力，大學1st hon（top uni, 最難那些學系之一）畢業。

上述各人提及的test一定有其參考價值, 但是每人狀況不同，敬請帶小朋友去做專業評估。

little_yolky

wan_sosin 發表於 17-3-17 13:19
都係架，上堂無幾何唔悶，但老師有時比學生分組答下問題，會好過一味得個聽字。
其實好多遊戲都要用專注力 ...

唔得架, 讀書以外所有嘢佢都好專注架, 如果唔係, 佢點上枱表演? 30分鐘成齣折子戲連唱、讀白、跟音樂、走台步, 咁多動作, 唔專注點得? 仲要接對手, 唔係自己一個。佢係做功課溫書唔掂咋, 所以同佢玩目綿胎, 佢好專心架, 彈琴、跳芭蕾舞、畫畫...全部都專心架。

1998Ruby1998

回覆 bobbob 的帖子

唔係精神科，兒科（好彩唔係精神科，如果唔係就大獲）

mimi1102

Tanyafish 發表於 17-3-17 13:23
我細個時（現在都係）最討厭puzzle,不可能拼到超過50塊。全班36人長期考超過30名。好鍾意看電視打機（通宵 ...

請問你係女網友定男網友? 我年年都等我女發力, 等左六年都未發力....

wan_sosin

little_yolky 發表於 17-3-17 13:43
唔得架, 讀書以外所有嘢佢都好專注架, 如果唔係, 佢點上枱表演? 30分鐘成齣折子戲連唱、讀白、跟音樂、走台 ...

你唔係講緊細妹咩?
單單做功課唔專心，都明顯係唔鍾意做功課，而唔係專注力問題。

little_yolky

wan_sosin 發表於 17-3-17 14:09
你唔係講緊細妹咩?
單單做功課唔專心，都明顯係唔鍾意做功課，而唔係專注力問題。
...

係講緊細妹呀, 細妺都係唱粵劇的, 係小生。

但係佢做功課真係可以揸住枝筆定咗型, 靈魂出竅, 又或者行來行去, 攞呢樣, 攞果樣咁喎。老師都話佢上堂有發夢。


家姐好專心架, 上年大考, 監考老師係咁騷擾佢哋班, 又突然响家姐後面整佢個頭, 佢都好專心繼續做卷架, 簡直係泰山崩於前而色不變, 考好個試先。

wan_sosin

little_yolky 發表於 17-3-17 14:19
係講緊細妹呀, 細妺都係唱粵劇的, 係小生。

但係佢做功課真係可以揸住枝筆定咗型, 靈魂出竅, 又或者行來行 ...

兩姊妹可以同台演出，好正!

咁樣細妹真係唔太鍾意讀書，有家姐在前對比，佢就變得更唔掂! 性格嘅野! 好難勉強! 要睇佢自己幾時開竅。

little_yolky

wan_sosin 發表於 17-3-17 14:43
兩姊妹可以同台演出，好正!

咁樣細妹真係唔太鍾意讀書，有家姐在前對比，佢就變得更唔掂! 性格嘅野! 好難 ...

樓上mimi話, 等咗六年都未發力........................

bobbob

1998Ruby1998 發表於 17-3-17 13:54
回覆 bobbob 的帖子

唔係精神科，兒科（好彩唔係精神科，如果唔係就大獲）

唔好聽到精神科就覺得大鑊（仲以為上代人先有咁嘅忌諱），adhd, asd 呢類同腦有關嘅病症全部要精神科醫生斷症同落藥, 唔係是但搵個兒科醫生就得。

1998Ruby1998

回覆 bobbob 的帖子

我一向有睇兒科，因為我生長線係 3% 以下，連第一條線都掂唔到。不過學校年年投訴我「曳」（其實只不過係上堂唔專心、討厭重重複複嘅功課、比其他同學活躍活躍少少），阿媽只係順路問下。

我唔係驚精神科，我阿哥因為自閉症年年都睇精神科所以我就冇呢個忌諱，我比起呢度好多人更常去見精神科醫生。我做出嘅所有行為同 ADHD 好相似，如果畀好多醫生，一定會斷我做 ADHD。

我學校對「唔正常」嘅學生有高度關注，往年有幾個學生診斷有 ADHD，學校就當佢地係計時炸彈咁，24 小時看守，Lunch Break、After School、Sports Meet、Swimming Gala、Open Day 等等，都要有老師看監，唔畀自由活動，同犯人一樣，去廁所都要老師看住，仲要每個禮拜去見註校社工。個社工話唔會講秘密出來，但係我試探過，佢咩都講曬畀老師聽，搞到班老師仲看得更嚴，所以之後我用唔同方式推左社工，三個月後學校先當返我正常。我唔想畀學校當我係犯人咁，雖然食藥可能會對我好，但係生理好左，心理難受，學校個個老師同學都當你炸彈咁避開，好大壓力。我好明白果種痛苦。你可以話我諱疾忌醫，但係學校咁樣嘅處理「問題學生」方法，令我唔想去對症下藥。

wan_sosin

1998Ruby1998 發表於 17-3-17 13:54
回覆 bobbob 的帖子

唔係精神科，兒科（好彩唔係精神科，如果唔係就大獲）

兒科醫生都話我個仔無事架，仲話佢幾聰明。但係，聰明唔等於無ADHD。
到最後是CP經過問卷，觀察來判斷。
真正用些時間同我仔接觸，先會感覺佢超乎平常小朋友。

wan_sosin

1998Ruby1998 發表於 17-3-17 16:27
回覆 bobbob 的帖子

我一向有睇兒科，因為我生長線係 3% 以下，連第一條線都掂唔到。不過學校年年投訴我「 ...

什麼學校咁得閒看守學生?
我最多時聽到嘅係唔夠支援，學生無人去理，我仔係學校完全同其他學生一樣，無"特別"待遇，最多係安排佢坐前少少，同交多一些責任比佢，等佢有多些事做，減少去犯事。

wan_sosin

little_yolky 發表於 17-3-17 14:53
樓上mimi話, 等咗六年都未發力........................

等幾多年都好，只要有一年開到竅就掂晒，我都係中學先真正去讀書。
到時屋企人撓埋手都得，最多如果到時仔女要求想去補習，你決定比唔比錢佢去補。

1998Ruby1998

回覆 wan_sosin 的帖子

你仔仔學校好好啊！
唔知點解我地學校覺得有問題學生就要睇到實一實，驚「出事」（聽老師講過，以前有個 ADHD 學生打過人，所以之後所有有問題學生都要看管、「收監」），唔畀佢掂任何野，唔可以擔任任何職務，要坐正老師桌面前，形同廢人，慘過坐監。所以我咁多年係學校申請入咩隊、服務組別，都唔批准。試過選班長，我夠票但係因為老師一聲令下，唔畀做。

wan_sosin

1998Ruby1998 發表於 17-3-17 17:22
回覆 wan_sosin 的帖子

你仔仔學校好好啊！

你間學校對SEN學生了解太少，唔識處理! 可能亦好怕被家長投訴!
要打交，亦唔一定係SEN學生，男仔多少都易動手動腳。