校際音樂節有感

bb630

上星期阿仔已完成校際賽事, 有感而發, 小提琴項目向來競爭激烈, 差不多每級賽事都會遇到某器樂中心的學生, 老實說, 這些小朋友真的相當利害, 水準很高! 其實我十分享受欣賞他們演出, 可惜我為了出去找伴奏, 錯過了欣賞冠軍的演出!

至於有些伴奏, 真的.....唉!

最初跟老師說想參加這項目, 只因阿仔很喜歡那首參賽曲目, 老師說這首曲目對阿仔來說有點難, 要有心理準備即使參賽, 成績可能不理想,  我說就讓他挑戰一下自己吧,  看看他能為自己所喜愛的付出多少也好

我在台下看着他演奏, 從未見過他那麼自信, 他已拿出他的水準來, 心想拿不拿奬已不重要吧!

結果, 阿仔今次越級挑戰成功, 在13歲以下小提琴拹奏曲項目能奪亞, 對他來說是相當鼓舞, 宣佈一刻, 我的手也在震...其餘得獎的都是Yips跟APA

阿仔已訂下下一個目標, 希望佢繼續努力, 作為媽媽的我, 會伴着你向着目標進發!

熊貓BB

bb630 發表於 17-3-10 14:29
上星期阿仔已完成校際賽事, 有感而發, 小提琴項目向來競爭激烈, 差不多每級賽事都會遇到某器樂中心的學生,  ...

恭喜您！在concerto under 13 得獎一點有不容易。參加這組的人也是認真的！(emoji)(emoji)(emoji)(emoji)(emoji)(emoji)

jellomama

回覆 bb630 的帖子

恭喜你同仔仔！
好奇一問，去到 concerto 組別仲有好差嘅伴奏？另外，報 13歲以下 concerto 組別係咪要 ABRSM grade 8 violin distinction 至可以報架？

bb630

jellomama 發表於 17-3-10 15:29
回覆 bb630 的帖子

恭喜你同仔仔！

或者我對伴奏有點要求吧，有接近一半的伴奏有不同程度彈甩音的情況 ，當然沒有彈不下去的情況發生，但是作為比賽的伴奏，不能流暢的彈完整首曲子，有點兒那個吧！ 是我要求過高嗎？
另外，參加呢場賽事，我唔記得需唔需要八級證書 ，我冇印像報名時有影過證書。

bb630

熊貓BB 發表於 17-3-10 15:09
恭喜您！在concerto under 13 得獎一點有不容易。參加這組的人也是認真的！(emoji)(emoji)(emoji)(emoji)( ...

真的不容易，我事後才知季軍那位小女孩跟阿仔同齡，人家預備考8級時，阿仔才初學小提琴

跟阿仔同分的另一位亞軍, 2015年已考獲ATCL, 還要是拿99/100

簡直是滴汗!

jellomama

bb630 發表於 17-3-10 16:18
真的不容易，我事後才知季軍那位小女孩跟阿仔同齡，人家預備考8級時，阿仔才初學小提琴
跟阿仔同分的另一位 ...

我實在替妳高興，你仔仔肯定表現出衆！

apap08

bb630 發表於 17-3-10 14:29
上星期阿仔已完成校際賽事, 有感而發, 小提琴項目向來競爭激烈, 差不多每級賽事都會遇到某器樂中心的學生,  ...

你仔仔好有天份，加油!

Crabtree

回覆 bb630 的帖子

Congrats! 阿女有場比賽幫同學伴奏，她回來告知伴奏好多都唔見彈得好，有d她覺得應收錢幫人彈，無乜默契，亦有覺得好似在場sight read感覺！

dingdingba

即場sight read, 好離譜!

LeeCC

我在童聲獨唱項目見過有伴奏大哥哥是入場比賽前才第一次見小朋友，未正式夾過歌

bb630

大家唔夾, 可能係夾得少, 甚至無夾, 但係伴奏最基本自己都要彈熟首歌!

四隻貓

是呀, 校際比賽中不少伴奏也會彈錯音, 更有些彈彈下甩左.  
越初級的比賽此情況就更嚴重.
大家常常忽略了伴奏的重要性, 伴奏其實是很重要很專業的一項.

U13 能獲獎, 真的非常叻! 今年的曲目實在有難度呀.

ak1020

伴奏同參賽者唔夾，或甚至似無夾過，有時係因為個家長唔捨得花錢夾琴，諗住求其搵個人彈琴就得，所以要求伴奏當日先出現，咁就可以慳錢，呢啲case聽唔少

有人到比賽都無搵伴奏都不少啦....可能佢地不求名次，只求comment吧

dingdingba

除了伴奏質素參差， 琴老師 的質素 也很大落差， 小女今年參加一級鋼琴， 彈奏莫札特曲目，  因小女學琴不足一年，本來也沒有太大期望， 結果分數不太差， 但評判批評有些音 和協會的樂譜不一致，比賽完才醒覺， 這曲目有很多版本， 這個比賽要求用協會的版本。 但我們不是專業， 都是靠琴老師選曲和給予樂譜的， 沒有想到他沒有確認， 隨便給予一份坊間的樂譜給小女彈， 對此很失望

Gina11

ak1020 發表於 17-3-13 12:04
伴奏同參賽者唔夾，或甚至似無夾過，有時係因為個家長唔捨得花錢夾琴，諗住求其搵個人彈琴就得，所以要求伴 ...

終於都有人講出真相。我琴學生無找我伴小提琴，因為他的小提琴老師要求伴奏要一齊上堂夾 （但音樂節比賽只夾45分鐘一堂，共一次，3次比賽都係，但無大問題）
我有另一老師請我伴她的學生（考ABRSM，4-5月）但想只夾2堂各半小時，包埋上AURAL （2級，aural 佢曾考過琴，所以問題不大）2月尾只夾了一次，因我都明家長唔想多花錢，我只叫佢出了準考証再安排點上。
所以呢 ～～～～不要全賴在伴奏老師身上，考過試＋比過賽既，可能有點經驗，否則唔係老師彈錯，係好難夾。

bb630

Gina11 發表於 17-3-13 21:44
終於都有人講出真相。我琴學生無找我伴小提琴，因為他的小提琴老師要求伴奏要一齊上堂夾 （但音樂節比賽只 ...

violin concerto 通常都會有段長少少嘅piano solo, 以我所見, 部分伴奏連呢part 都會彈錯/甩, 好明顯未彈熟, 雖然未必影響到參賽者, 但感覺好唔專業

Gina11

唉～我唔係果位伴奏，你也不是果位家長。我地無人知幾時通知同比譜老師練。我試過伴5級考試，練得4堂。某D節奏佢根本做唔到太快，建議佢慢返少少。死唔肯。我個伴奏譜無旋律可言，上網也找不到參考recording  ，又難彈，＝鋼琴考7-8級程度，我專業都不見得一個月一首8級我彈完仲要夾得好，4堂就足夠吧 。我全職，只得早上練，我當時真係練幾個鐘。我都要犧牲好多私人時間，但深覺收得幾堂學費＋當日考試伴奏費 ，不等於我所花的練琴時間。我真係不喜歡因為家長既輕視（覺幾堂就OK），比不到足夠時間我練，又覺我係專業，應該得到。最後，苦練成個月我真係勁到無錯音，連我都讚自己。（但以後我情願不接高級組，吃苦是自己，我不是超人。彈錯就是我錯，我不專業？？？？

bb630

回覆 Gina11 的帖子

其實我也算是其中的一位家長， 校際時間表一出我已通知伴奏， 譜他亦一早已有，誰知比賽前一個多星期準備跟他夾時，他說他不在香港， 只餘三日給我跟他夾琴，  但因他說他曾伴過這首歌， 我相信對他來說也應該不太難， 誰知跟他正式夾，他還未熟這首歌， 結果比賽時他solo那段真的彈錯音， 幸好不影響阿仔演出（因為阿仔其實都好熟鋼琴個part， 所以夾嗰方面冇乜大問題)。 所以我覺得如果伴奏沒有信心或認為家長給予足夠時間， 又或者覺得自己付出跟收入不成正比， 應該拒絕這個job! 如果應承了，最起碼自己嗰part都要做好自己本份吧。

四隻貓

bb630 發表於 17-3-14 09:31
回覆 Gina11 的帖子

其實我也算是其中的一位家長， 校際時間表一出我已通知伴奏， 譜他亦一早已有，誰知比 ...

要換伴奏了. 找過另一位理想的伴奏吧.

有次去睇高級組賽事, 其中有位家長見某位伴奏非常好, 中場立即去問她取聯絡資料.好的伴奏很搶手呀!

前年我女比賽同場有參加者找了某出名的鋼琴名人來伴奏, 彈是彈得很好, 但伴奏來說是不太理想...佢搶晒聲, 鋼琴成了主角小提琴反而被蓋起來...

bb630

我也試過找八級小提琴考試伴奏， 她們一聽到某些曲目， 立即說太難了，不接。 我覺得沒有問題， 沒有信心彈好， 就不應嘥大家時間， 對大家也好。
但是如果應承了， 事後就不能說: 太難， 我不是超人 ，家長 能說彈錯就是我的錯。