成日欠功課....

hwl2b

keep4life 發表於 18-1-17 16:23
太耐冇上黎，超有同感!!!!!!! 我大仔中一，又係ＡＤＤ唔肯寫手冊，成日欠功課，睇完覺得自己唔係孤軍作戰:c ...

係呀, 真係一點都不孤單呀, 我仔FORM 1 時已唔寫手冊, 勁欠交功課, 班主任打電話來同我反映, 我都覺得勁样衰, 啞口無言...日話夜話個仔, 但佢都係咁... 最終F1 已因欠功課, 記左1個小過+2缺點, 學校可以做剪報來抵硝缺點 ( 10篇剪報可抵硝1缺點), 好不容易, 迫佢做左50篇剪報, 諗住可以抵硝晒佢啦, 點知佢可以唔記得交剪報, 做左都唔記得交, 最終F1 成績表上有2缺點... 真係激死人

今年FORM 2 好小小, 雖然都仲係KEEP 住唔寫手冊, 欠功課, 但明顯比上年進步左, 欠交情況小左小小... 今年班主任打電話來反映時, 都話睇返上年RECORD, 佢係冇咁嚴重, 叫我比多點時間佢...

時間我梗係比佢啦, 不過佢真係超級甩漏, 煩死人 !!!

我仔以邊緣人身份升上1B中學, 讀得吃力, F1 時全級考尾十, 中文數學永遠唔合格, 我都要陪太子讀書,
不停係隔離迫佢做數 (仲要遇著佢唔識的題目, 陪佢一起研究) , 溫中文, 好辛苦, 需知道我地放低書本咁多年, 要重拾返真係唔係易事.  佢仲要唔自律, 考試期間 打機多過溫書, 由於我要返工, 只可以放工返來, 用幾個鐘時間陪佢溫, 但幾個鐘裡面, 又要食飯, 一陣又話去廁所, 溫書的時間唔夠2個鐘, 真係人都癲

今年中二, 佢開始好小小, 雖然都係要迫, 但自律性係比中一時好左, 我仍然要陪佢溫書, 但佢 終於願意背下書, 成績都有明顯進步, 咁我都叫安慰小小!!

希望大家唔夠自律的仔女, 都能一邊成長, 一邊改善. 咁我地就可以放心了

Jasmine-4711

中一，家長要放手了。她可能不怕記缺点，她未必覺得重要。“I couldn't care less”個種, i.e..盤pae.

可否請班主任罰d佢怕的野，eg.罰抄。為左唔想罰抄，她才有動力去改習慣。中一改唔倒，以後仲難。

hwl2b

keep4life 發表於 18-1-18 12:38
我個仔比1個鐘佢都溫唔到一課! 激死! 希望佢中2好似你個仔咁生性D

上年我個仔都係架, 攞住本書, 叫佢背重點, 佢背來背去都背唔到, 仲要有點發脾氣.
溫左2個鐘, 同冇溫過冇分別, 佢攞住本書發呆, 因為中學同小學溫書的方式實在係有點不同,
佢可能未適應?

到今年中二, 佢叫做適應到小小, 叫佢背書, 佢終於肯用心記下...
都係果句, 比多D時間, 比多D耐性... 唉!! 冇計

好多人都話中一啦, 家長放手啦!! 佢應該識諗架啦, 如果佢自己唔識諗, 唔努力,
你點迫佢都冇用.

但呢個諗法真係唔適用係我仔身上. 其實佢升中一, 我係完全放晒手, 完全冇理佢, 冇睇佢功課, 冇陪佢溫書,
但只係一兩個月, 已收到班主任來電, 又見佢喪欠交功課, 勁罰留堂, 勁記缺點, 我唯有好慘咁, 又重拾返佢D 功課, 同埋同佢溫書. 旁人眼中我可能係怪獸家長, 但係我一邊同佢CHECK 功課 (其實都只係CHECK佢有冇做齊) 有時陪下佢溫書
慢慢的我覺得佢做功課同溫書的習慣都改善左, 到中二雖然都係有欠交, 但情況真係有明顯改善,
每個小朋友, 都有唔同的方法, 家長要搵一個岩自己同岩小朋友的方式, 令大家一齊進步

CheungAA

朋友個仔在小學名列前茅(父母從來無理), 中學順理成章入讀名津中,
中學階段, 做功課做到兩三點, 吾識吾問漏空吾交, 夜訓, 起吾到身返學, 被記缺點都吾理, 當然學校電話到, 父母吾理都吾得, 而家自己放工後跟功課外, 仲要跟埋課程進度先頂得住. 小學已放手, 但中學階段, 課程又深, 功課又係思考題多, 真係吾可以吾理佢架!

egg.plant

hwl2b 發表於 18-1-19 10:53
上年我個仔都係架, 攞住本書, 叫佢背重點, 佢背來背去都背唔到, 仲要有點發脾氣.
溫左2個鐘, 同冇溫過冇分 ...

我好少留言，不過你講既，同我個F1仔exactly一模一樣，唔同既，係我老公陪太子讀書，我負責個女。你話你仔F2後有改善，真係絕望裏的一點點曙光！

hwl2b

keep4life 發表於 18-1-19 12:38
回覆 hwl2b 的帖子

我同你真係一樣!!!!! " 完全放晒手, 完全冇理佢, 冇睇佢功課, 冇陪佢溫書,

希望佢地真係會慢慢識諗啦,
現在仲要正值青春期, 佢地好多時脾氣又唔多好,
剛上中學, 仲要學埋唔少壞習慣,
真係要比好多心機同耐性,
一齊努力啦~~  

hwl2b

egg.plant 發表於 18-1-19 16:31
我好少留言，不過你講既，同我個F1仔exactly一模一樣，唔同既，係我老公陪太子讀書，我負責個女。你話你仔 ...

係, 真係希望佢地自己慢慢識諗,
你都好, 有老公幫手分担個仔,
我就鬧完個仔, 仲要顧埋個女,
個仔就懶同甩漏,
個女仲大鑊, 教極唔識, 成績差到無朋友,
我現在唯有成日同自己講, 睇開D.. 放鬆D

大家努力, 加油, 希望小朋友早日識諗

hi_baby

keep4life 發表於 18-1-22 16:33
報喜: 剛出左幾科成績, 暫時未有唔合格

恭喜晒呀！我個女應該炒剩一兩科，不敢想像。