澳洲 or 英國 ？

Chanpp921

讀 health science，例如 物理治療，放射治療，澳洲定係英國會好d？請問有甚麼學校介紹？或留學中心可介紹？請PM我，謝謝。

sayhi_gigi

好似都係英國好d喔～

elbar

Chanpp921 發表於 17-3-6 21:51
讀 health science，例如 物理治療，放射治療，澳洲定係英國會好d？請問有甚麼學校介紹？或留學中心可介紹 ...

澳洲物理治療 Queensland, Sydney 兩校名氣都不錯

kkk3316

Chanpp921 發表於 17-3-6 21:51
讀 health science，例如 物理治療，放射治療，澳洲定係英國會好d？請問有甚麼學校介紹？或留學中心可介紹 ...

英國三年，澳洲四年。

daisy17772

Chanpp921 發表於 17-3-6 21:51
讀 health science，例如 物理治療，放射治療，澳洲定係英國會好d？請問有甚麼學校介紹？或留學中心可介紹 ...

Aussie

mom5354

Aussie x 2

DKmum

daisy17772 發表於 17-3-13 09:05
Aussie

Physiotherapy 是我女的興趣，可否分享多一些為何覚得澳洲比英國好，如加上理大又如何比較？

angie_ma

回覆 Chanpp921 的帖子

我曾經聽過人講,物理治療，放射治療呢D專科, 除非你係英國護照人士, 否則入讀機會好低, 是否真的? 因為其實我囝在澳洲讀緊既, 我知在澳洲讀呢類科出名而且如果成績好的話, 入讀機會也較高的. 不過都有諗過讀大學時去英國.

ricetaster

回覆 DKmum 的帖子

如果考到理大就一定理大, 1. 唔需要再攪海外回港註冊手續 、2. 慳咗好多留學費用, 夠你將來往外地深造有突、3. 澳洲有好多口音, 唔係易聽, 澳洲人(病人)體型大件, 兩樣加埋好易在clinical 被 supervisor肥你。

Activehealth

ricetaster 發表於 17-3-16 15:14
回覆 DKmum 的帖子

如果考到理大就一定理大, 1. 唔需要再攪海外回港註冊手續 、2. 慳咗好多留學費用, 夠你 ...

本人為澳洲畢業物理治療師亦曾畢業後留澳工作現正私人執業，樓上3樓曾提及我母校，多謝讚賞。

如果將來諗住留喺香港工作，留喺度讀理大唔駛諗啦。

如果將來考慮到海外工作（澳洲或其他國家），澳洲係唔錯選擇。如果口音及病人體型問題，仲應該越早去去澳洲讀，越細適應越易，澳洲物理治療課程出名合格率低，四年課程好多要讀足五六年或直情轉系或畢唔到業（本人四年準時畢業），咁都捱到，將來去邊都唔駛怕。反而理工物理治療絕少留班，畢唔到業完全未聽過。理大物理治療畢業去澳洲一定要考試才可在當地執業，在當地再深造後都要，聽講唔係咁易考。始終澳洲畢業物理治療師在澳紐搵工，比香港畢業啲易好多。

澳洲物理治療返港直接註冊，去英國、加拿大、美國也不難，返港搵工公營私營完全無難度（唔識中文除外）。中環等商業區自己掛牌，診金都可嗌貴啲，畢竟澳洲物理治療名氣比香港高。

英國物理治療大部分仲係三年制（有些已經四年），美加已經全部係second degree entry, 要讀完first degree 正可報（總共讀六年），澳洲正緊緊追隨實行， 三年制已有點與世界大氣候脱軌。加上英國就業機會麻麻，好多已講明唔收海外生或不擔保有實習機會，導致畢唔到業。

DKmum

Activehealth 發表於 17-3-16 20:00
本人為澳洲畢業物理治療師亦曾畢業後留澳工作現正私人執業，樓上3樓曾提及我母校，多謝讚賞。

如果將來諗 ...

謝謝ricetaster 同 activehealth 嘅解答，明白了！首選應是理大，去年已參加理大物理治療admission talk, 佢地只收10% non jupas, 即名額只有13個， 競爭很大，所以要考慮backup plan.  我女宜家係英國讀緊year 11, 會以Alevel 成績申請！如考慮澳洲，請問邊個website 可以搜尋學校ranking, 類似英國的 the complete university guide，另一般那一個月份開始申請，因為不太了解澳洲大學學制，宜家開始做功課了，謝謝！

retriever

DKmum 發表於 17-3-14 08:23
Physiotherapy 是我女的興趣，可否分享多一些為何覚得澳洲比英國好，如加上理大又如何比較？
...

八卦插咀一下。

物理治療專業岩唔岩女仔做？

女仔唔夠力，亦有介意身體接觸。

眼見過女治療唔係咁想做，個人印象亦麻麻

Activehealth

DKmum 發表於 17-3-17 00:48
謝謝ricetaster 同 activehealth 嘅解答，明白了！首選應是理大，去年已參加理大物理治療admission talk,  ...

http://www.australianuniversities.com.au/rankings/

17-3-17 09:23 上傳

下載附件 (942.74 KB)

Activehealth

retriever 發表於 17-3-17 08:51
八卦插咀一下。

物理治療專業岩唔岩女仔做？

食得咸魚抵得渴，如果諗咁多無謂野，就一開始唔應該揀醫療呢行。

如果咁講女護士同病人有更多身體接觸，係唔係應該全部請男性？私人診所完全唔駛搬搬抬抬，香港醫院/療養院/老人院有HCA 同 artisan （physio aid)專門負責搬搬抬抬, 又有mechanical lifter, 完全唔駛擔心。

事實上男治療師跟女病人間更多顧忌，更多女性病人只會選女性治療師，尤其在私人診所。話女仔唔適合呢啲心態，喺幾十年前香港正有，果時理工物理治療生七八成男性，女仔唔揀。依家收生已差唔多男女一半一半。

香港物理治療師工作不用輪班，下班又無手尾跟（不會下班仲要睇文件、開會或應酬老闆追魂call)，市場上可以選全職/半職/每周不同時上班（好多工作係sessional base)，非常有彈性, 完全適合現代女性要兼顧事業與家庭的要求。

retriever

Activehealth 發表於 17-3-17 09:49
本帖最後由 Activehealth 於 17-3-17 10:16 編輯

食得咸魚抵得渴，如果諗咁多無謂野，就一開始唔應該揀 ...

請冷靜討論。

物理治療確實比十幾廿年前火熱了。應該係公營醫療請更多人，另外係保險範圍廣了，更多公司醫療褔利都願意包含物理治療。

但我以患者接觸所見，更多患者接受男治療師，大媽級患者亦唔介意男治療師，主要是治療比較到位。如果只係操作儀器，做下超聲波，教做下治療動作，病患好大機會唔搵返果個治療師。當然公營醫院，病患未必有呢個選擇。

Activehealth

retriever 發表於 17-3-17 10:28
本帖最後由 retriever 於 17-3-17 10:30 編輯

請冷靜討論。

I am very calm.

It's very hard to talk to a layman who doesn't understand what we do at all...

kls12

Activehealth 發表於 17-3-16 20:00
本人為澳洲畢業物理治療師亦曾畢業後留澳工作現正私人執業，樓上3樓曾提及我母校，多謝讚賞。

如果將來諗 ...

有興趣了解為什麼回流, 可否說多一些澳洲及香港在工作上及待遇的比較？

在澳洲讀書是多了一個較容易移民的好處，是嗎？
謝謝

kkk3316

kls12 發表於 17-3-17 13:33
有興趣了解為什麼回流, 可否說多一些澳洲及香港在工作上及待遇的比較？

在澳洲讀書是多了一個較容易移民 ...

我都有興趣想知，畢業後如Ielts有全7，最快要等幾耐才可申請技術移民？當地容易揾工嗎？


另外，我個女DSE只有讀Pyhsis同M2但冇Bio，佢有三個願望係物理冶療、職業冶療同醫學影像or Radiographer，哪個科目適合她讀？同哪個科目在澳洲易揾工呢？

拜托！

Activehealth

kls12 發表於 17-3-17 13:33
有興趣了解為什麼回流, 可否說多一些澳洲及香港在工作上及待遇的比較？

在澳洲讀書是多了一個較容易移民 ...

物理治療專業長期在移民澳洲occupation priority list, 尤其澳洲本土畢業生，完全不成問題。

有經驗，找物理治療工作也不難，但人工比香港低，稅又重。當年自己單身1/3人工交稅，決定回港試找工作，認識了男朋友（現在老公），他是正宗香港仔，完全無興趣移離香港，唯有留下。

以醫管局工作HA為例，香港物理治療畢業生起薪點14，至senior physiotherapist 頂薪點39 （部門經理再高些），月薪$26700至$80905。香港私人執業睇經驗、拆賬、生意額等，年薪過百萬大有人在。

澳洲年薪大概A$52000-90000, 以滙率A$1=HK$6, 折合港幣$312000至$540000， 平均月薪港幣$26000至$45000。

以上薪金全是稅前，香港薪俸稅率最高15%, 但澳洲稅率(計埋2%Medicare levy)分分鐘33%-50%.

Activehealth

kkk3316 發表於 17-3-17 13:45
我都有興趣想知，畢業後如Ielts有全7，最快要等幾耐才可申請技術移民？當地容易揾工嗎？

最初以 Australian government sponsor overseas student 身分去澳洲讀中學，大學畢業那年家人以投資移民身分來澳，畢業後直接在澳工作，所以申請技術移民詳程不知道。只知有香港同學畢業回港一年，即申請到澳洲技術移民（那時overseas student 技術移民一定要離澳才可申請）。 現在聽說若在當地找到工作僱主肯擔保，就可畢業後申請成為PR（有錯請指正）。

本人中學已在澳洲，沒有考過香港中學會考/DSE, 沒有這方面資料。自己本身Year 11-12 都沒有修Biology.
當年澳洲報health sciences/ medicine/ dentistry/pharmacy 等Biology  不是必修科，Chemistry 才是，唔知現在是否仍一樣。

澳洲PT/OT 較易搵工，radiographer 較難，有朋友radiography 畢業移民去澳洲都找不到工作。