子女的期望 vs 父母的期望

greentea000

MNIF 發表於 17-3-5 17:31
我想問吓樓主，今天你長大成人，可曾有半點想過感恩父母嘅辛勞。父母辛苦花錢把你養到今天，你還清條數未？
不要説我又沒有要求他們把我生下來！能夠活著，你才因此體會到許多美好的事物...生命中的一切感動，都是因為他們賜與你生命。
如有冒犯，請諒。

開得post就預左有各種意見。

同人補習除左要俾錢請鐘點代替自己做家務，阿媽成日扣零用錢，仲有就係既然有負親恩就幫阿媽止蝕吧！無法減少阿媽對我既期望，唯有減少阿媽投資係我身上既時間同金錢。阿媽前期投入太多，一計算沉沒成本，佢好難抽身。我比較理性，或者係狠心，唔喜歡感覺欠左阿媽。欠係一定欠，可以欠少Ｄ就少Ｄ，早Ｄ還早Ｄ清。

上中學之後，我基本可以應付自己既開支(搭車、食飯)。老豆俾書簿費，佢堅持，我接受。補習學生父母亦比較好心，佢地以為我家境好困難，好多時包我晚飯同車錢，假期加鐘會俾多些少，另有成績進步獎金，又介紹其他學生俾我。每月$500俾老豆當水電煤，成個中學都無開過冷氣。唔少得要用好多二手野，學校放暑假之前有舊物會，有校服同課本，真係大大減輕負擔。家族不成文規定，做兼職賺錢都一定要俾一部分父母，意思意思俾$500阿媽。加上暑期工，可以支持我中四至中七既堂費。除左無俾租，俾唔到。

入大學之後就無係屋企住，每月俾$2000阿媽。

做野之後，每月俾1/4人工阿媽，過年俾多1個月家用，如果有花紅再另外俾。生日有禮物，每年資助1萬蚊旅行。
暫時係咁。

我唔想美化以前同阿媽之間既鬥爭，確實係沉默又激烈既。就好似分手男女，唔講心就講金，我起碼比無心又無金好DD既。我又無做空中飛人，令阿媽血本無歸，真係自我感覺良好架。

生仔有風險，投資仔女要謹慎。生著我呢Ｄ真係嘔心瀝血，悔不當初，及早止蝕啊！


我唔只體會到歲月靜好，仲有相愛相殺，買一送一呢！

bobbob

1998Ruby1998 發表於 17-3-7 22:31
回覆 homeuser 的帖子

我同媽媽關係同好多朋友／同學相比，唔算好好，可能因爲性格同埋年紀差太遠（佢 196 ...

咁後生已經咁識諗等到幾廿歲人都唔響度先作『賽後檢討』 ，已經太遲，亦充滿遺憾。
其實照顧A仔真係好大壓力，付出多而幾乎無回報，希望你能繼續keep住體諒父母。

greentea000

hkpapa852 發表於 17-3-8 08:02
妳以前讀官校嗎？
呢D情況係官校比較常見D。

津校。
小學2間，中學3間，天主教、基督教、佛教都讀過。

5間都有精英班，放牛班係要自求多福。

bobbob

wan_sosin 發表於 17-3-8 08:08
本帖最後由 wan_sosin 於 17-3-8 08:12 編輯

我意思係原來都有這樣的學校，即是有機會出現，無講是所有 ...

見你引申到『香港教育』所以先想澄清一下，所以揀學校好重要，唔係淨係睇成績。

greentea000

IloveJJ 發表於 17-3-8 07:25
暑假作業點可以唔做呢？學校無規定既咩？

有規定，無跟隨。如果老師死追就每星期補做Ｄ，拖長做，考試測驗又唔做咁，唔追就唔做。
家族唔係太依賴學校教育，認為自己教更有針對性更有效率，去到最後係睇會考成績。

bobbob

greentea000  其他學校唔知，不過報紙都講過某Ｄ學校既人事變動頻繁。又，每年教院要實習，學校可以拒絕？當然係少數

以前學校都有老師實習，但只限初中，亦只教1、2個星期，影響不大。

greentea000

IloveJJ 發表於 17-3-8 08:26
我都覺得自己做係更有效率，但中學都自己?即係去補習?

果陣去到會考班好少無補習既，無論係一對一定雞精班。真正叻果堆係學校係應付式，精力留放學後。

不過呢個做法有相當風險，一個係學校容忍度，二係你真係勁，可以拎幾個A果種。

hkpapa852

IloveJJ 發表於 17-3-8 00:32
嘩，咁睇嚟有精英班真係唔係幾好喎!學校點可以咁架，普通班既學生，都一樣有機會變精英架!
咁你仔成績有 ...

其實有精英班既學校基本上係開宗名義會對學生有"差別待遇", 只係家長無認真去瞭解呢個潛暗示啫.

我唔介意學校講明自己有精英班, 反而對個D表面話對所有學生一視同仁, 但暗地裡為學生分組分級既學校好反感.

hkpapa852

greentea000 發表於 17-3-8 08:23
有規定，無跟隨。如果老師死追就每星期補做Ｄ，拖長做，考試測驗又唔做咁，唔追就唔做。
家族唔係太依賴學 ...

做暑期作業其實好少事啫, 以前我永遠係派番嚟頭2-3日KO咗, 跟住hea足一個暑假.

不過近年先知, 依家有D學校, 連暑期作業既內容都話係測驗範圍, 真係慌死D小朋友唔認真去做

greentea000

回覆 hkpapa852 的帖子

好大堆頭，除左中英數各1本，仲有幾本讀書報告，另2、3個group project，再加2、3個個人成長計劃(例如學左新樂器，或者參加左咩青少年暑假體驗)，煩到嘔！

greentea000

hkpapa852 發表於 17-3-8 08:44
其實有精英班既學校基本上係開宗名義會對學生有"差別待遇", 只係家長無認真去瞭解呢個潛暗示啫.

我唔介意學校講明自己有精英班, 反而對個D表面話對所有學生一視同仁, 但暗地裡為學生分組分級既學校.

獨具慧眼！

Jane1983

樓主的帖真係一石激起千重浪，引來唔少網友的分享，我自己都想起唔少童年往事。只可以說，一個人到中年，可以講父母恩重如山，好感激父母，佢係一個幸福的人，但唔係人人都有咁既運氣。

little_yolky

MNIF 發表於 17-3-8 11:02
你未為人父母，係體驗唔倒做父母嘅艱難。金錢物質背後嘅心力同掛慮，甚至乎犠生自己生命也在所不惜。父母恩 ...

放心, 睇樓主情況, 佢應該唔會生小朋友, 所以唔會輪迴, 會止蝕於佢。

little_yolky

Jane1983 發表於 17-3-8 11:24
樓主的帖真係一石激起千重浪，引來唔少網友的分享，我自己都想起唔少童年往事。只可以說，一個人到中年，可 ...

我都有咁既感慨。之前都有睇到D帖, 好多JM都遇過不好既老師, 所以對老師好反感。

我回想都真係好幸福, 雖然幼年喪母, 但阿爸咬緊牙關同阿女麻一齊帶大班馬騮, 唔係一兩個喎, 係七個喎, 其中有四個在學, 最細得3歲, 無在學果D都一兩年內嫁晒, 走得就走。我阿女麻成日叫阿爸娶番個, 始終佢當時四十多, 後生又靚仔, 但阿爸驚後母虐待小朋友(可能睇白雪公主太多), 所以堅持唔娶, 努力自己養家, 咁你話, 咁既阿爸點可以令人唔尊敬先? 不過, 响我屋企, 都唔係個個鐘意阿爸架, 好多意見, 好多批評。既係客觀既事係咁, 睇既人解讀又唔一樣, 結果可以好極端。


我父母又好, 老師又好, 老公又好, 阿女又好, 其實我都真係幾幸福了。不過, 相同既事, 有人可能會覺得唔好, 唔幸福, 真係要睇下自己點睇。樓主阿爸咁man咁好, 在我嚟睇, 我會覺得好幸福了。

brother4

輪迴不一定做人的，哈哈...有欠有還，總要一世要的，好似三生三世xxx一樣，欠情還情，欠眼還眼(煲太多劇)

little_yolky

greentea000 發表於 17-3-8 09:01
獨具慧眼！

greentea000  無錯，同阿媽不至於斷絕來往都係靠老豆拉扯，可以話替我保留左一個機會。



有陣時上一輩既人做嘢over咗, 佢哋有自己既經歷造成佢當時既行為。但我哋長大咗, 過咗去既就過去, 唔係話原唔原諒, 寬唔寬恕既問題, 而係你已經可以掌握自己既人生, 唔好因為佢既經歷影響咗你既經歷。讀歷史就係咁, 知道以前發生咩事, 自己唔好重蹈覆轍就得, 因為有過去, 先會造就到現在既你, 環環緊扣, 反正, 你要盡力讓自己過得幸福就可以了。






我們都有一位了不起既父親。

little_yolky

greentea000  老實，為自己我無意願修補，為老豆或者仲有可能，不過唔會係近期既事。


係, 為咗阿爸。要阿爸開開心心。

wan_sosin

hkpapa852 發表於 17-3-8 08:44
其實有精英班既學校基本上係開宗名義會對學生有"差別待遇", 只係家長無認真去瞭解呢個潛暗示啫.

我唔介意 ...

精英班有特別待遇，呢點好明白。
但"做低"普通班，唔想佢哋太高分令到精英班的學生同老師無面子，卻是這樣去"差別".
我姨甥早前讀葵涌B1中，中一時讀普通班，入唔到精英班，但佢同另一個同學在中一考到全級十名內，於是，因為佢哋這兩個學生，令精英班比老師狂"丙"!令佢哋有失面子。