子女的期望 vs 父母的期望

homeuser

1998Ruby1998 發表於 17-3-7 22:31
回覆 homeuser 的帖子

我同媽媽關係同好多朋友／同學相比，唔算好好，可能因爲性格同埋年紀差太遠（佢 196 ...

你很懂事， 也很體貼，真替你媽媽高興， 有個心腸這麼柔軟的女兒， 最難得是年紀輕輕已這麼懂得體諒及欣賞別人

greentea000

回覆 IloveJJ 的帖子

精英班係天天向上，不進則退，永遠有更高更遠大目標。如果要繼續留係精英班唯有被逼進步，直到跟唔上被淘汰，又換新血入黎。

homeuser

greentea000 發表於 17-3-7 22:00
過份聚焦反而失焦，距離產生美同樣適用於親子關係！

加油！

謝謝， 我覺得你睇事情很透徹，很有洞察力，相信你一家都是高智慧的一群， 如果少一點執着，少一點偏激， 相信你既人生會更完滿快樂

brother4

greentea000 發表於 17-3-7 21:55
何止不笨，簡直聰明到逆天，只係唔識/唔想表達，父母又無察覺。

越極端既家長，仔女越早熟，未使出社會已 ...

遺傳DNA給孩子，自己知自己事，要求很低，父母要求自己升班，自己也孩子升班就好。。。哈哈! 小學叻，不等於中學一樣，因有其它影響如拍拖，反叛，打機等，相反小學唔叻，不等於中學一樣，同孩子要鬥智鬥力。另成績差，不是孩子的世界未日，EK正好有很多好的方法家長提供，非常有用的。

wan_sosin

IloveJJ 發表於 17-3-7 22:37
純粹好奇：你話分數同開心，你揀開心。
咁即係轉返普通班，分數就真係會差啲嗎？即係話同一個人，讀精英班 ...

唔比較唔知，在有得比較之下，精英班同其他班嘅老師，是有分別，我仔今年經常有老師因種種原因無上堂，放產假，帶隊比賽等等，代課老師唔會點教書，一係睇ETV.
測驗考試，可以唔派返晒所有功課練習比學生温，老師也不會提學生考試温習的重點，老師唔太會幫學生，可能覺得普通班，點幫都作用唔大。
今年係英文老師好好，雖然惡，但佢有為學生著想，教得認真，有提學生課程重點，上次考試，呀仔Writing寫得字數多，額外比加bonus分比佢。
普通班如要keep成績，要自己落多些功夫，老師靠唔過，要自己執生。
不過，我仍然覺得決定權係自己度，好過比老師捻到實。
當然，我都只係講我仔學校，其他學校點樣我唔清楚。
亦可能只係咁啱我仔今年遇著嘅老師比較一般，我知學校教高小嘅老師會比初小的好。

wan_sosin

IloveJJ 發表於 17-3-8 00:32
嘩，咁睇嚟有精英班真係唔係幾好喎!學校點可以咁架，普通班既學生，都一樣有機會變精英架!
咁你仔成績有 ...

唔只我仔跌，連同呀仔一起離開精英班個同學都跌咗，嗰位同學仲要係上年考級十以內，我會睇下下學期情況如何。
我又唔太擔心，不過要掌握點樣在普通班學習，我仔現在其實玩嘅時間好多，如果到關鍵時刻，其實仍有空間可以努力。要知精英班其實唔少學生外補。都有好熟嘅家長同我講，唔洗補習都已經算唔錯。

greentea000

我中四、中五非精英班，兩年都有老師進修/不明原因消失一段時間，代課老師本身仲唔係讀果科既，e.g.讀中史既代課化學，實驗堂完全無法上，其他時間叫我地自修。一係就有教育學院學生黎實習，真係好慘！

greentea000

wan_sosin 發表於 17-3-8 01:04
唔只我仔跌，連同呀仔一起離開精英班個同學都跌咗，嗰位同學仲要係上年考級十以內，我會睇下下學期情況如 ...

其他人係咩原因唔讀精英班？

wan_sosin

greentea000 發表於 17-3-8 01:16
我中四、中五非精英班，兩年都有老師進修/不明原因消失一段時間，代課老師本身仲唔係讀果科既，e.g.讀中史 ...

原來上到中學都會有咁嘅情況，香港教育質素都真是十分之高！！！

wan_sosin

greentea000 發表於 17-3-8 01:17
其他人係咩原因唔讀精英班？

上年連埋呀仔，有三個唔讀，當中一個同我個仔原因相近，融入唔到個班，不過其實佢幾乖，唔明點解無乜同學鍾意佢。另一個就因為覺得壓力太大，成績又緊緊嗰種，老師有些微言。
做成這個情況，班主任有責任，今年佢無再做精英班班主任，落咗去教小一。
我亦知道有同學收到通告，但最後家長揀唔入。
聽聞校長話會對精英班作出檢討。

greentea000

October.  果然係虎母無犬女，你根本係資優生，難怪你媽媽對你要求咁高，佢都係想你成材，不過手法過咗火   [color=rgb(153, 153, 153) !important]發表於 昨天 23:43

當年無資優生既講法，而我又唔係電視、報紙上果種神童(心算加減乘除快過計數機)。阿媽亦無帶我做過咩測試，成績好父母係歸功於勤力，功夫做足。

不過家族教育有一條重要原則：笨鳥先飛。

先飛到咩程度呢？暑假粗略讀左新學年既課本，做埋練習，基本上KO七七八八內容。到開學老師教就已經係重溫，同埋重點攻克一Ｄ難題。所以暑假無咩旅行啊、暑假活動啊，全部係讀書。一般係上午讀書，下午課外精進(包括去圖書館)，夜晚有電視睇(國家地理、時事節目、英文電影)。抖氣就係期末考完到放暑假之間要返學又無所事事果一、兩個星期，同埋開學前一星期。

暑期作業呢？唔做。

好在我小學係最後實施呢個做法，新一代已經取消。

wan_sosin

IloveJJ 發表於 17-3-8 07:24
咁不過如果唔讀精英班，時間多咗，用來溫習，可能成績會仲好。我仔就係功課做得慢，成日都唔夠時間溫。
...

今年是比上年多了時間，玩多咗，睇書多咗，温習時間可以自己控制，但功課係局任要做，功課少有好多好處

bobbob

wan_sosin 發表於 17-3-8 01:29
本帖最後由 wan_sosin 於 17-3-8 07:41 編輯

原來上到中學都會有咁嘅情況，香港教育質素都真是十分之高 ...

相信只有少部分學校會咁極端，我以前中小學都無精英班，我啲後輩都無，頂多係個別科目按能力分組，唔好一竹篙打一船人。

hkpapa852

greentea000 發表於 17-3-8 01:16
我中四、中五非精英班，兩年都有老師進修/不明原因消失一段時間，代課老師本身仲唔係讀果科既，e.g.讀中史 ...

妳以前讀官校嗎？
呢D情況係官校比較常見D。

wan_sosin

greentea000 發表於 17-3-7 22:23
我跳級之後都係無朋友，阿媽認為無問題，返學係讀書，玩到就一齊玩，無就自己玩。

開學果兩個月我好似吉 ...

又是家長同小朋友的分歧，有些家長覺得返學成績大晒，其他事可以不理，但真正在學校的是小朋友，校園生活唔開心，係好痛苦嘅事，我知仔其實運動比讀書拿手，上年同學同老師反而偏唔欣賞佢，同學可能直情唔抵得，試過當住我在場，佢同學問佢，你真係跑過三公里比賽？我忍唔住答個同學，你咁講，是覺得係姨姨我講大話！
小二學生，可以彼此咁唔信任，我明我仔有幾唔開心。
我哋係頭32名入精英班，真正有實力唔知有幾個？加上有些學生揀唔入，但後補的學生入到去其實唔易過，都幾難追，但有些家長覺得入到去自然成績會好D.

wan_sosin

bobbob 發表於 17-3-8 07:58
相信只有少部分學校會咁極端，我以前中小學都無精英班，我啲後輩都無，頂多係個別科目按能力分組，唔好一竹 ...

我意思係原來都有這樣的學校，即是有機會出現，無講是所有或好多學校。不過現在都有唔少家長之間有分歧，有些家長好支持EDB.每個人角度唔同。如何衡量一間好的學校都唔同，樓主媽媽同樓主就有好唔一樣的睇法。
我應該加上是我個人的睇法。
還有，我仔間學校另外亦有好的一方面，只係我攞咗唔太好嘅地方出嚟講，一間學校總有好有唔好。