聖保羅書院小學 vs 九龍塘宣道小學

IYY

回覆 monodad 的帖子

承你貴言, 多謝多謝。

lovelinda

BB_hung 發表於 17-3-2 12:20
係(emoji)，講成績，又冇神校叻（好似冇狀元，有錯請指教），講運動，學界比賽又好似好少得冠軍。但喜歡D ...

「喜歡它的家長，應該都好似。」
好認同這句
我亦相信喜歡不同學校的家長，有其獨特的性格和取向

monodad

IYY 發表於 17-3-2 12:47
回覆 monodad 的帖子

承你貴言, 多謝多謝。

係呢，貴公子喺APS讀咗咁多年，你覺得呢間學校點呢？有咩優點同缺點？我地D外人只係知道APS嘅升B1率超過90%，音樂，排球同足球都好出色，雖然當年兩間都無選擇入讀，但其他方面都好想了解下。

IYY

其實以前我冇留意St Paul College, 直至最近搞升中一先去搜集資料。查實SPC 在數十年前的確是一間十分風光的一級名校 (唔好意思, 又用級數去形容學校添), 情況類似當年大苯象股價去到$400 咁, 人人講起都會豎起大拇指讚好。但世事難料. 在時間的洪流中, 難免有上落。近年最低潮時曾一度被坊間疑惑是否要跌落 BAND 2。轉了直資後, 經過數載經營, 已見起色, 當然坦白講仍未復當年勇, 未回到BAND 1 TOP 那批神校水平, 可是百年名牌老校基石穩固, 他依然保存住一些很有價值的學校文化, 我仍然欣賞他的核心價值: SPC 出來的學生有大將之風, 內歛, 不亢不卑, 有正能量, helpful。

能入一所如此好校風又成績不俗的學校, 我相信是不錯的選擇。

P.S 我不知道是否我好運, 遇到 SPC 的男生都是高質素孩子, 但 SPC 男生給我的印象真的不錯 (唔係講樣, 唔係靚仔    )

hench222

我女兒在宣小讀小五，阿仔宣小小一second in, 我會為阿仔揀SPC
每個小孩也獨特，好難話那間學校好唔好，只可話適合與否
宣小是傳統學校，小孩乖，家長也很好，老師有愛心，校長好有熱誠
叻的學生會轉走入更叻的學校，成積差的也會轉校
每名學生從小一要學一种樂器，但小二可以選聲樂組，管樂組，弦樂組，音樂堂分不同樂器組上，考試也按各樂器比分，好多時小六已達八級程度
功課除了隔天交，也有很多預定日期內交的，例如報書報告，週記，中文26週，數書等，所以加起來變得多，如果孩子做得快就ok的
運動方面会選入校隊，要經常操練，樂團也經常操練
全年有三學段考試，第三學段決定升班或留班，如果fail 中英數其中一科或其他科兩科，看老師決定能否補考，如補考完合格才可升班，一至六年班只得一次補考機會，所以都很大壓力
如果成績唔太好，真怕派唔到好的中學，所以我會為阿仔揀間有中學的小學呢！

IYY

回覆 monodad 的帖子

請問令郎當年選了哪間學校就讀??

兒子有幸在 APS 過了 6 年愉快又忙碌的學校生活。到今日我們除了感恩之外還是感恩能入讀這間優質小學。

校舍一般, 全世界都知, 但沒有影響她在學界獲得佳績和認同, 全靠學校多年經驗, 老師用心, well organized  團隊的安排及努力。 感恩做家長的我只需簽張通告讓孩子参加活動就可以。

關於學術, 見人見智, 我個人覺得學校唔谷, 特別係同其他一線小學相比, 不過家長就有d谷。呢個現象唔難理解, 大部分入一線學校的家長都有要求, 要求高D 咪谷D 囉。因此谷唔谷係家長選擇, 一念天堂, 一念地獄。我自己就選擇跟學校步伐, 冇 EXTRA WORK 同補習, 讓孩子在低壓下愉快學習, 盡力做好自己就夠。(拿拿拿, 放得咁鬆有代價ga, 開頭跟唔上時d 成績會忽高忽低, 家長要AQ 同EQ 高d, 包容度大d, 勿苛責。孩子上軌道後, 忽高忽低的波幅會慢慢收窄, 令你放心。)  萬一唔好彩, 成績略遜, 學校有強悍補底措施, 在高小時跟成績分組因材施教外, 第4組學生分成兩小班, 由最強導師指導。學校團隊的努力同策略有力地提升孩子的能力, 這可能是APS band 1 學生比例高的原因。

校隊操練多數係一星期一次, 我不是太知詳情, 因兒子不是運動校隊成員, 只係在水運會參加下, 攞到獎牌就當BONUS 的ENJOY 型。不參加校隊, 還是可以參加各種興趣班: 乒乓球, 足球, 籃球, 游水等等。想參加都可以玩。校舍細, 活動都係外借(租)場地, 但無損氣氛。課外活動都好多人參加, 有時要抽簽先有得玩。

樂團一星期玩一次, 水平高, 指揮要求高。但不是全人類都要玩樂團。不過返樂團能帶動團隊精神同自律訓練, 我見d 小朋友真係好投入, 以樂團為榮。

十隻手指有長短, 唔會盲目話個個學生都乖。但大部分學生都有自信, 有鬥心, 有禮貌, 見得人。

hench222

我阿仔今屆考小一，宣小有second in, SPC 收了

monodad

hench222 發表於 17-3-2 17:02
我阿仔今屆考小一，宣小有second in, SPC 收了

原來而家宣小要2nd in？

monodad

IYY 發表於 17-3-2 16:49
回覆 monodad 的帖子

請問令郎當年選了哪間學校就讀??

我地選擇喺叩門階段入讀津校，但SPB都好好，好快速同好合作咁幫我地喺退位信上endorsed。等我地可以順利地去EDB攞返張派位證去完成註冊。

ccfa_hp

monodad 發表於 17-3-2 17:27
我地選擇喺叩門階段入讀津校，但SPB都好好，好快速同好合作咁幫我地喺退位信上endorsed。等我地可以順利地 ...

八掛ㄧ問, 最後選擇了那間津校?

monodad

ccfa_hp 發表於 17-3-2 17:31
八掛ㄧ問, 最後選擇了那間津校?

有直屬中學嘅英小男津校

monodad

monodad 發表於 17-3-2 17:27
我地選擇喺叩門階段入讀津校，但SPB都好好，好快速同好合作咁幫我地喺退位信上endorsed。等我地可以順利地 ...

相反英華就搞得比較時間長

Danrice

回覆 hench222 的帖子

if got SPB, no need to go APS 2nd in la :D, congru

monodad

Danrice 發表於 17-3-2 17:39
回覆 hench222 的帖子

if got SPB, no need to go APS 2nd in la :D, congru

我都覺得係

KK07

聖保羅 vs 九龍宣道

俾我揀一定係聖保羅，原因除了以上家長講嗰D，對我來講仲有一個：這是一間全最老的學校！創校於1851年.  So cool..... 唔好閙我膚淺，我真係覺得有吸引力

hench222

咁又係，多謝

hkpapa852

唔想俾12年學費, 選APS.

係APS只要係小五小六保持Top 50%, 基本上即使升中唔考任何中學, 係中一統一派位都有超過90%機會(其實近年都係B1生一定派到入B1中學, 不過6年後學生人數多咗D, 保守少少啦!)可以派到免費既B1官津中學

magtam0520

回覆 hkpapa852 的帖子

作為宣小畢業生家長，我想只要成績在top 70%，升band 1中學應不用擔心

宣小的各項支援，小五小六時與一線中學的學習銜接，關校長的經驗和投入，令人佩服

bubuG

IYY 發表於 17-3-2 16:49
回覆 monodad 的帖子

請問令郎當年選了哪間學校就讀??

高級別樂團也是一星期一次集訓？？？聽聞APS校際之前也練得好甘（為校際練得好甘係好正常）。只有不出賽的樂團才可以休閒一點。