語言障礙

Amy092

我囝囝下個月3歲，到而家都仲係講單字同bb話多。係兩歲半既時候都開始發覺佢講野唔得，一直都有留意個情況，同健康院講過，佢哋又話我個仔冇問題唔需要轉介。但我有次去睇兒科，醫生話我個仔講嘢方面有d問題，叫我穩陣起見去檢查下！於是寫咗轉介信俾我去尤德夫人智力評估中心，我地上年9月份見咗姑娘，姑娘話叫我大約半年後再打黎問排睇邊類型評估。10月份自己太過擔心所以自己去睇語言治療師做評估，治療師評估我個仔只有歲半語言能力，要做語言治療。語言治療因為要排waiting所以一直等...等咗幾個月今日終於第一堂。
其實呢段時間，我真係好擔心，根本冇一晚訓得好過！因為我唔知自己個仔究竟發生咩事，點解會咁樣！尤徳夫人乜嘢期都冇俾我所以我唔再等落去，我約咗3月15日去養和醫院做兒童成長及發展評估，但我真係好驚。自己睇開個兒科話就咁睇我個仔唔似有自閉症，尤德夫人姑娘都話唔似。今日上咗第一堂語言治療訓練，治療師話我個仔下顎肌肉好弱每日要做咬牙膠訓練。我想請問語言障礙係咪一定有其他問題衍生出來？例如智力同自閉症？我個仔會明白人哋講嘢意思，有眼神接觸會同人玩好痴人。唯一性格有啲固執，一有新嘗試就會好驚但如果佢見到其他人嘗試過冇問題，佢就會試。所以我都唔肯定我個仔有冇自閉症，但我真係好擔心唔知點算好

Yukiruirui888

Amy092 發表於 17-2-21 05:06
我囝囝下個月3歲，到而家都仲係講單字同bb話多。係兩歲半既時候都開始發覺佢講野唔得，一直都有留意個情況 ...

自閉就應該唔係，因無社交問題，又有好的眼神。
有無唸下聽覺問題？

Amy092

Yukiruirui888 發表於 17-2-21 15:20
自閉就應該唔係，因無社交問題，又有好的眼神。
有無唸下聽覺問題？

聽力bb嗰陣做咗，無事。

貝珠

語言慢未必和智力或自閉有關。有冇train 口肌？例如歲幾已經可以吃大人食物，食物冇必要打碎，我女兒13個月，揸住雞脾食。有冇吹泡泡train 口肌？互動夠唔夠？自己湊定工人湊？有冇鼓勵小朋友當你説話時望住你口型？看電視多or 有很多互動的活動呢？

mama.olive

3歲已經可以去做自閉症評估架啦，雖然語言障礙唔一定同其他問題有關，但係去做下assessment安心D既，唔洗估估下嘛

Amy092

貝珠 發表於 17-2-22 00:28
語言慢未必和智力或自閉有關。有冇train 口肌？例如歲幾已經可以吃大人食物，食物冇必要打碎，我女兒13個月 ...

我真係成日剪碎d野比佢食，呢幾日開始無。

piglet0529

原帖由 Amy092 於 17-02-21 發表
本帖最後由 Amy092 於 17-2-21 05:07 編輯

我囝囝下個月3歲，到而家都仲係講單字同bb話多。係兩歲半既時 ...

協康會出左有本書訓練口肌的, 好有用!

mgl

Amy092 發表於 17-2-21 05:06
我囝囝下個月3歲，到而家都仲係講單字同bb話多。係兩歲半既時候都開始發覺佢講野唔得，一直都有留意個情況 ...

遲講嘢唔一定係自閉症或智力有問題。。。

yaubb2014

Amy092 發表於 17-2-21 05:06
我囝囝下個月3歲，到而家都仲係講單字同bb話多。係兩歲半既時候都開始發覺佢講野唔得，一直都有留意個情況 ...

政府可以打去催下佢会快好多……不過可能只refer你排医院，又係一年半等，所以無乜用……