本帖最後由 se6b03 於 17-2-21 13:05 編輯
看過大部分留言後，讓我作一個概括性回應。首先，部分家長認為我既做法無賴，輸打贏要。這個根本就係我既原意，正正要用呢種無賴方法，去對付教育局果種無恥。我自己多年來同教育局入面班官員多次書信及電話往來投訴，打交道無數，了解到教育局入面既官僚文化原來好嚴重，只感到入面d人個個尸位素餐，不同員工之間互相推卸責任。你同呢班人講規程，講守則。但好多時係佢地自己不遵守遊戲規矩在先。一早講明小一學位自行及大抽獎各佔一半，到世襲超收，又係大抽獎度借位，攪到大抽獎唔夠位。校網跨區借位，只係用以滿足本區學額不足問題，但事前完全無諮詢過廣大家長既意見，沒有考慮過交通問題，同埋被借位既校網本身會少左位，點樣補償返本區家長呢？
再講返今次派位後注冊問題，拒絕注冊只係作為一種姿態。要先攪清楚，點解教育局每年派位後都只有一日時間讓家長考慮？通常星期六日公佈派位結果，星期二三就要家長去注冊。各位有冇留意過每年都有家長反映話自己明明無填過有關學校，但點解最後會被派去果間呢？專家經常叫人填滿該區所有學校，但有d學校本身就係不為家長所接受，所以根本填不下手，家長自己唔接受既野，你教育局問都無問，就派位比人，最後氹人注冊，注冊後就話家長已接受派位。想問當局有何法理依據呢 ? 人地無填，你派比人，人唔去注冊，表示不同意你所派既位，要求重派，理所當然。
要知道，小一學位唔係施捨，唔係福利。係兒童權利，家長亦有權為自己小朋友選擇一間心儀學校。
教育局係熱門學位唔夠既情況下，隨意派一d不受歡迎既學位比其他家長，以為可以隨便敷衍一下就算，家長如果咁樣都走去注冊，接受學位，表示當局派位責任完結，咁樣同迫人接受政改831果個爛方案有咩分別？如想轉校可以叩門面試，但點解要我地小朋友犧牲同面對如此壓力呢？教育局入面既人會知道叩門面試幾大壓力嗎？
人地政改方案都要拎出黎大家一齊傾，一齊討論，講唔掂數，我寧願唔袋，政制原地踏步。同樣道理，派到學校唔滿意，唔去注冊，咪最多原地踏步，要求教育局重新派過，針唔拮到肉唔知痛，上面指責我果d 家長，到時如果你自己小朋友被派到寶校，睇下到時你自己既反應先講啦。
所以做家長的不能輕易跟教育局入面既人妥協，過完今次小一入學戰場，下一個戰場會係小三TSA/BCA。 | 
發表於 17-2-20 23:59
