請問大家小朋友每日要用幾多小時做功課？

Bigpig_2007

我的孩子小三，平時每日功課10樣！每日放學后兩個鐘頭返補習班都不可能完成功課，食完飯後又要繼續做，每日都要四個小時才能完成，仲慘過返工！佢經常都要11-12點後才可以睡覺！

我哋一般津校，知道同學校反映都冇用，因為已經有人做過，而插班學位普遍緊張，我哋又轉唔到校...... 我個仔資質一般，但其他小朋友是否都要做到咁夜？

我想幫我仔轉happy school ，但唔敢考慮寶校，因為怕同學欺凌或帶壞個仔，請問仲有什麼方法呢？

tkinwong

其他同學是否都要四小時以上完成？

你自己的判斷，是否真的要四小時？還是有其他因素而影響到做功課效率？

tkinwong

ar_mak 發表於 17-2-17 00:37
其實我都唔係好明白,既然功課咁緊,何以仲去補習班? 果2個鐘不如去"功課補習班",做哂D功課再講其他好過啦. ...

我估樓主所指的補習班，其實係功課班。

如果「專心」做要做四小時功課，那的確是過多。而每晚都成十二點睡，日頭係會唔夠清神。

問題是，樓主首先要了解下點解要四個鐘頭做功課？係咪小朋友唔知點做？找不到源頭，轉校都未必有用。

greentea000

cut 功課輔導班
改搵上門補習一對一

LeeCC

功課班秩序如何？是否好騷擾，引致不能專心做功課？如因為無人照顧需要留小朋友在功課班，考慮轉補習社

如樓上所講，十樣功課中幾多樣是改正？如果日日都要大量改正，是小朋友大意錯還是不懂得做而功課班不能協助？

小朋友本身專注力是否弱？睡眠不足是原因之一

JC_mami

回覆 Bigpig_2007 的帖子

小兒小一，每天大概5-6樣，因為學有一堂功課堂，開學到現在逢星期一至四，功課都已經在學校完成，星期五也只需做大概半小時。小兒就讀一間九龍塘出名谷的私小。我覺得要教佢時間管理，千萬唔好俾佢hae,尤其男仔，我仔坐超過半小時就開始發夢，唔專心，温書或做功課會事倍功半。亦可以利誘，例如做完功課可以睇半小時卡通，我仔很work

0030

10樣太多，正常5-6樣，所以選小學好重要～

Bigpig_2007

greentea000 發表於 17-2-17 01:54
cut 功課輔導班
改搵上門補習一對一

其實之前係搵一對一補習，不過兩個老師，一個成日放飛機，一個就係hea做... 所以之後先轉功課輔導班，幫到手，不過真係功課太多啦！

基本上每日大概有兩樣改正，主要中文抄寫多，而且每科都會有TSA練習，唔淺架...... 我仔專注力一般，同其他同學比，可能最多都係差一個小時吧！ 大部份家長覺得有問題，多數敢怒不敢言，因為怕影響小朋友嘛......

LeeCC

原來現在反得甘厲害, 仍有學校會有大量的tsa練習

Bigpig_2007

tkinwong 發表於 17-2-17 01:00
我估樓主所指的補習班，其實係功課班。

如果「專心」做要做四小時功課，那的確是過多。而每晚都成十二點 ...

我仔唔啱填鴨式教育，機械式操練對佢冇用，我自己在家都要再教......

我真係想知大家平日功課，需要幾耐時間做完？如果10至11點睡覺，我想個仔每日最多只可以接受兩個鐘頭，大家又係咪呢？

我想有個指標去幫個仔進步，或者找合適學校

Bigpig_2007

LeeCC 發表於 17-2-17 10:05
原來現在反得甘厲害, 仍有學校會有大量的tsa練習

一開學已經講明全級補課，不過唔提TSA字眼only!

CALVEN

我仔小五，每日功課三至五樣，昨日兩樣，通常做1.5小時，因為佢手腳慢(但考試又夠時間:igiveup)

晚上十點瞓至早上七點半

bb鼠

我女小五，每日每科3樣，放學3:15，我放工返到屋企6:00通常做哂
做唔哂果日多數係放學唔做功課掛住同細佬玩

wan_sosin

我小朋友都係小三，平均一日4，5樣功課，佢多數係學校先做一些，回家一小時內完成，比較花時間是數學，因為又要解題，又要寫答句，有時要寫落格仔簿，要注意格式，又要寫得細隻，唔太快得到

b3410

係改正功課方面有小小心得。因為一年級時仔仔都係粗心大意，中文，常識字詞等功課第一遍抄些幾乎全錯，第二日改正等於全部再寫過。之後繼續錯一半左右，再改。如此循環，功課越來越多，寫的辛苦亂寫就錯更多。

改善方法就係儘量第一次對。情願自己辛苦，每一次字詞都仔細check一次，保持正確。之後慢慢減少重複改錯啲時間，小朋友都肯認真完成功課，慢慢加快速度。