考直資:培基/崇真/滙基(匯基)東九龍/赤柱聖士提反St Stephen

Bobo1210

小時了了 發表於 17-2-1 12:56
“人心籌算自己的道路，唯耶和華指引他的腳步。”呢句係阿女升中過程中令我有深刻體會。

千算萬算都唔輪 ...

個game剛剛先開始，未到最後唔知結果係點架！加油

洋蔥頭媽咪

小時了了，唔好咁激動，唔係話差，可能今期多b1生考所以妳女兒暫時未被取錄，話唔定下㧗就到呢！至於2C果個case我見該家長提到小朋友英文對答流利，面試小組討論時轉數快可能留下好印象被老師看中啫。再講，直資亦會睇小四成績/手冊同功課，多人揀學校自然多選擇，別灰心，未開學仍是有機會的。

786

小時了了 發表於 17-2-1 17:46
樓主校網北區重災區幼稚園, 小學及中學都極之唔夠學位, Band 1 好多時派去 B 2 中中. 直資 B 2 都係英中,  ...

樓主: 手冊,功課,小學名

其實唔洗太摯著, 你女輸"第一輪"既, 可能是教會... 靈恩不,靈恩, 傳統不傳統.... 又或者兩間學校校長有過節... 又或者"樣子"(媽媽?? 說笑而已, 不要太認真).

又或者, 你咁CHUR既一面在面試中(為了"第一輪"唔收寫咁長篇幅和打量) 顯露了....

成績, 真係佔好少. 唔好再摯著B1定B3....

你應該還在"第二輪" 或者"第三輪"中, 唔好再計甚麼170/700 再咩 75/550 咁, 真係嚇親人....

gracelam

原帖由 jumphigh 於 17-02-02 發表
樓主，唔好介意，睇你39樓点評所講，你囡囡兩次呈分全港排名有可能真係band2
...

其實仲有一點，荃灣一線小學嗰位入到培基考11x/160，一定唔係band 2尾band 3頭，過往佢地over 係50%band 1生， 當今年考90名都係band 1生，考11x 可能係band 2頭-band 2中。

little_yolky

總之：

謀事在人, 成事在天！

Sophie0804

little_yolky 發表於 17-2-2 14:07
總之：

謀事在人, 成事在天！

機會是留給有準備的人！

小時了了

唔好意思, 自己情緒激動咗少少, 回應大家比較燥底咗. 嗯! 不如自嘲輕鬆一下, 自己心情有葉劉酸葡萄嘅心情 --- 其實真係幾心酸!!!


聞特首讚林鄭有擔當　葉劉感觸落淚：我也有擔當


已宣布參選特首的葉劉淑儀早上在競選辦公室會見記者時，被問及行政長官梁振英稱讚林鄭月娥有擔當、有能力，她自己有甚麼優勝之處，葉太回答時一度感觸落淚。

葉劉淑儀說，自己也是有擔當的，例如在處理廿三條上，自己有表現不好的地方，並多次道歉，「亦都問咗責，我係問咗責，自動離開政府，無厚顏戀棧權力，過去10年回到曠野，各位都知我由低做起，出錢出力出心，唔通可以話我無擔當咩。」

她之後感觸哽咽，說有無擔當應該由社會評價，自己絕對有擔當，自己做錯事有承認有道歉，過去10年的選舉是一票一票「拎番來」。

有競選辦成員猜測，葉太感觸或是回想起過去10年選舉工作付出的努力，非常貼地，沒參加選舉的人難以理解。


後加:
Date: 2017/02/14: http://topick.hket.com/article/1661027/?r=mcsdfb%E3%80%80

今日係網文睇到張欣欣呢篇而有啲共鳴依家自己阿女升中境況. 我會有少少字眼改:


"上了岸的, 請不要批評在海中掙扎的人, 他/她們比起任何人, 毫不遜色. 或者你們上了岸的人, 多了那點生得逢時出生率低的運氣及學位足夠的校網"

小時了了

當大家話北區校網差, 我高估自己阿女 banding, 應該唔係 B1; 之前會錯意阿女係B1B原來可能偏向B1C,B1C第一輪其實都係有機會落空; 阿女全港排名係B2; 荃灣某小學 over 50% 都係 B1並唔係B2-B3 諸如此類意見..... 我真係有感觸有痛的.

嗯! 剛才我想起葉劉, 連葉劉咁硬淨聽到特首讚林鄭有什麼什麼優勝之處, 而葉劉覺得林鄭所有優勝之處佢都有嘅喎, 葉劉聽到特首咁樣讚林鄭而有感觸情緒波動時刻, 我當我係葉劉算了.




Remarks:
我女B1B, 網友硬要講我女係B1C 什或是B2, 又硬要提高另一網友女唔係B2C-B3A 應該係B2A-B. 講真, 大家都覺得B1B 培基唔收而收 B2C-B3A 呢件事有啲唔合常理. 大家都好自然地本能反應想方法及理由諗其他原因解釋, 將件事變得更合理及更正常,呢點我明, 因為我呢排都係不斷諗不同理由同自己講阿女有咩野咩野缺點, 其他人有咩野咩野優點所以唔收我女

如果好似大家所講, 我女係B1C-B2A 而另一網友女係 B2A-B, 兩者差距唔遠, 培基唔收我女而收另一網友個女, 咁樣, 成件事就完全唔同晒, 並且變得非常合情合理.

但事實就真係唔係咁麻, 所以我先至要學習順服, 忍耐, 等候嘅功課. 我要克服及處理唔好再問 why, 要安安靜靜去學習 why not 嘅功課.

當美國總統競選希拉里 vs 特朗普, 最後竟然係狂人特朗普當選總統; 當去年大家覺得梁振英會連任特首, 但突然有一日毫無先兆下佢竟然公開宣佈唔再角逐連任特首. 引用周星馳名句: "真係估你唔到". 世界上發生唔合理的事多的是啊

萬事萬物都有主宰, 萬事都有定期, 一切只有信靠, 順服

為食仔

其實北區一線小學一般可有50%以上入讀B1中學，最好的辦法就是看看之前師兄師姐之往績，banding 便可心中有數。
在神(emoji)面，叫我們學習的就是學懂順服、交託、放手！

vvmon

回覆 小時了了 的帖子

小時，唔好介意我咁講，會唔會係女面試時出了什麼問題？我見你的回覆，講的女都能答對老師的問題，理應機會都大！反而不如了解下女女在面試時對答老師問題的技巧！我見女女應該還要考匯基的！明白你的心情，但培基還有第二和第三輪發信的！
其實我女不是什麼精英，在九龍城二線小學考頭三分一，但佢考直資問題不大，每間都有offer比佢，我反而覺得成績只係有少許關系，『講真，學校揀得小朋友面試，成績都應該不相怕仲』！而我女佢性格不錯，為人開朗，eq很高，反應很快！記得上次考其中一間直資，面試老師係咁『插』佢，佢無怯場之餘，還禮貌地應對如流！這只是我分享下，希望你唔好介意，無意冒犯，作為媽媽，很明白你的心情！

小時了了

為食仔 發表於 17-2-2 15:30
實北區一線小學一般可有50%以上入讀B1中學，最好的辦法就是看看之前師兄師姐之往績，banding 便可心中有數。
在神(emoji)面，叫我們學習的就是學懂順服、交託、放手！

就係前年係 EK 識嘅同阿女同校嘅網友PM同我講佢仔仔全級約50名培基最後階段通知佢收佢. 而阿女講佢學校舊年B1A級頭幾名師姐有1個考到女拔, 另外差少少B1B嘅有1個都考入赤柱聖士提反




順服、交託、放手 ---- 正在學習中

bearbear2003

唔駛太緊張，我地神校B1B 都没收到培基offer. 佢揀學生有佢準則。

AndyQ

小時了了 發表於 17-2-2 15:38
就係前年係 EK 識嘅同阿女同校嘅網友PM同我講佢仔仔全級約50名培基最後階段通知佢收佢. 而阿女講佢學校舊年 ...

我覺得，可能佢地feel到你個囡唔會讀，所以冇比offer你住，下一round 好快到！

little_yolky

小時了了 發表於 17-2-2 15:38
就係前年係 EK 識嘅同阿女同校嘅網友PM同我講佢仔仔全級約50名培基最後階段通知佢收佢. 而阿女講佢學校舊年 ...

前年同舊年, 學童少, 呢點係重中之重, 要計算入內。到我女既時候, 真係in都無得in。

再者, 你睇下培基分得咁多輪收生, 即係有唔少人唔要offer, 機會仍然存在。如果阿女好鐘意, 叫佢唔好咁hea, 要繼續努力, 考好呈三同畢業試, 去叩門。個心散咗好難收得返。依家有一鳥在手, 要努力但無壓力, 放鬆心情去衝, 至係最高境界既表現。


要睇阿女肯唔肯去努力, 要睇佢有幾鐘意培基！都係果句, 謀事在人, 成事在天！

小時了了

vvmon 發表於 17-2-2 15:37
回覆 小時了了 的帖子

小時，唔好介意我咁講，會唔會係女面試時出了什麼問題？我見你的回覆，講的女都能答 ...

我唔介意.


呢樣咪就係我第一個帖講我領悟到考直資唔單止睇成績收生, 仲有一籃子唔知咩野原因取錄又或者不被取錄囉, 依家大家估估下咋喎. 好多時 EK 網友俾意見時講你係B1 生, 間直資B1C-B2XXX咋喎, 唔難考應該考得入, 又話如果我女真B1 崇真都唔好報, 只報培基及李國寶算啦, 但事實原來未必係咁麻. 情況就好似行政會議成員點解唔批電視牌俾王維基魔童？一般法例及財務條件都符合，但事實就係說不出來的一籃子原因, 原因未明。


面試, 阿女除咗崇真面試自評 IN 得差, 赤柱聖士提反慘不忍睹外, 其他幾間佢話 IN 得好好, 咁多間佢話 IN 培基最淺最好及最有信心. 但事實反而係崇真有 OFFER, 其他仍未有.


我平常心咗少少. 匯基俾阿女自己現場執生考了, 我都費事再為阿女寫什麼英文講稿 why do you choose our school 之類問題, 費時又好似講到我俾好大壓力阿女去考直資.

vvmon

回覆 小時了了 的帖子

傻豬，咁快就話培基唔收你女，世事無絕對，可能唔係這一批啫！不過又閒聊一下，你住北區，女返培基會唔會好遠呀！之前有朋友同我講，佢住大埔，返培基要一個鐘！

hugub

小時了了我曾經聽過有真光校長講等待既過程並唔好受，但我地要在等待的過程中學會忍耐。。。 不要氣餒

弟兄們，我不是以為自己已經取得了，我只有一件事，就是忘記背後，努力面前的，向著標竿竭力追求，要得神在基督耶穌裡，召我向上去得的獎賞。（腓立比書三13~14）

Do your best and let god do the rest

bobbob

小時了了 發表於 17-2-2 15:12
當大家話北區校網差, 之前會錯意阿女係B1B原來可能偏向B1C, 阿女全港係B2呀, 荃灣某小學 over 50% 都係 B1 ...

唔好太介意人哋講乜，最緊要問心無愧。學我仔話齋，sticks and stones may break my bones, but words will never harm me, 有時小朋友反而有啲智慧。

AABBCCabcabc123

小時了了, 我囡囡呈一級23, 呈二滑落至級45, 但老師仍舊評我囡囡是band 1生. 我有申請培基, 但是沒有面試機會. 再多幾輪我囡囡都沒有機會. 我其實都有很多為什麼, 她有面過試, 只是等待下一輪, 所以你囡囡有機會的, 放心, 不用灰心. 而我現在只好等待其他直資結果. 我應該很明白你的心情, 我何嘗不是天天為女兒升中煩惱, 担心, 我天天都失眠. 而偏偏這教育制度下, 得要多受半年的折磨時間才到7月11日.