究竟小三TSA/BCA為咩?

Vanadium

要學校檢視自己教學成效，有N種方法，要知全港情況，用統計方法不記名抽樣檢視便可，究竟為何一定要搞小三公開試? 如果有公開試但要學校唔操，真係自欺欺人，你唔操人操(實有人操)，比較下必然死路。

只覺想攞數據果班好自私，當小朋友係被佢研究之玩物。

https://thestandnews.com/politics/%E9%A6%96%E9%A0%85%E6%95%99%E8%82%B2%E6%94%BF%E7%B6%B1%E5%8F%96%E6%B6%88tsa-%E6%9B%BE%E4%BF%8A%E8%8F%AF-%E8%AE%93%E5%AD%B8%E6%A0%A1%E5%AE%B6%E9%95%B7%E4%BC%91%E9%A4%8A%E7%94%9F%E6%81%AF-%E5%A6%82%E6%9E%9C%E7%AB%A5%E5%B9%B4%E4%B9%9F%E4%B8%8D%E5%BF%AB%E6%A8%82-%E6%89%8D%E6%98%AF%E8%BC%B8%E5%9C%A8%E8%B5%B7%E8%B7%91%E7%B7%9A/

oooray

比人插我亦要講句公道話。assessment本身是中性,不是邪惡,英國亦有好多類似assessment從小學到中學,以長期數據評核學生的發展及進度,家長亦可知道小朋友企係邊度,按年進度是否高或低於平均。
香港的問题係,唔知幾時開始,TSA變成殺校指標,D教育官僚尸位素餐,唔自我檢討那里做不夠,只簡單地入晒學校數,校多以你操死好過我死(殺校）,一邊逼學生,一邊又扮苦主,指控教育局逼學生,其實部份學校管理層皆是幫兇。

fcatherinehk

即使無TSA/BCA,學校就唔會操啦咩？咪又係要操到做靚個升英中率/Pre S1的成績。

1998Ruby1998

其實 BCA 係 TSA 以前個名，我小三考過 BCA，我都記得本練習綠色，封面中間寫 BCA。

小王子J

oooray 發表於 17-1-27 16:25
比人插我亦要講句公道話。assessment本身是中性,不是邪惡,英國亦有好多類似assessment從小學到中學,以長期 ...

同意，學校驚 banding 會影響收生，收生少又有機會殺校，咁自然學校會操班小朋友以保飯碗。

b3410

小學升中成績靚自然有人捧場，TSA再高分都無人知。
如果成績好差，的確應該檢討一下，是否教學方面的確有問題？

shadeslayer

oooray 發表於 17-1-27 16:25
比人插我亦要講句公道話。assessment本身是中性,不是邪惡,英國亦有好多類似assessment從小學到中學,以長期 ...

有那一間學校因TSA殺校？

Vanadium

要知道教育局做數，從未能真係做到criteria-referenced，即以達到某成績為滿意，而係norm-referenced，全港互相比較，從而話你比全港成績高定低。過去試卷越出越深，相信就係教育局同班測試怪學者，鎖定全港合格率只應有如70-80%，故即使普遍學校做得好左，測試多人高分，佢地唔會覺得學校做得好，而係覺得卷淺左，故就出得越深，勢要將分數壓返落去。

改良版BCA係點我唔太知，但相信一定會淺返，目標係做返TSA原意，但事實係，假以時日，好大機會走回頭路又深返，因一份淺卷，對能力唔差既學生根本無分辨能力，最終測試成績，對教育局及學校之參考價值大大降低，又或最後真係間間學校都改善到全港好多人合格，咪又會懷疑無咁既可能，而又將試卷調深，沒完沒了。

用測試去知悉教學表現，相信唔少學校都唔會介意，任何人做完一件工作，都想知做得好唔好。但問題係當純自我改善既資料，會落到教局育手上，就等同員工既野，下下老細會知，試問點會唔走樣? 明假都會做場戲比老細睇，由為學生去教學變成為個試去教學，人之常情，正常不過。

未來數年，小學人口又會因停左雙非而下降，到時又一遍殺校浪潮，老細(即教育局)會睇到既試，唔操先怪。

Baymax

TSA要把學校分級。就一定不能淺。否則全部學校都是頂級。就不是教育局要見到的。教育局不肯取消TSA，而學校卻很討厭TSA？教育局手握學校TSA成績，就可以給壓力學校對學校指指點點。其實這是教育局跟學校之間的角力。學生卻成了希牲品。

shadeslayer

小王子J 發表於 17-1-28 14:47
同意，學校驚 banding 會影響收生，收生少又有機會殺校，咁自然學校會操班小朋友以保飯碗。
...

TSA 不影響  banding

TSA 不會用來殺校

TSA 個别孩子或績不公開。

TSA 死在被有心人抹黑, 大衆又太多誤解。

shadeslayer

Vanadium 發表於 17-1-29 02:01
要知道教育局做數，從未能真係做到criteria-referenced，即以達到某成績為滿意，而係norm-referenced，全港 ...

明假都會做場戲比老細睇，由為學生去教學變成為個試去教學，人之常情，正常不過。

Xxxxcx

反對，教育不是神聖的麽，教師不是靈魂工程師嗎？ 操死學生好過（以為會）殺校，為考試不是為教育，明知有害孩子也做。父母交最寶貝的孩子給學校教，有咁嘅思想還配做教育人員？

Vanadium

回覆 shadeslayer 的帖子

講理想?

令我想到共產主義，從理念上很多人也迷上。我為人人，人人為我，不分彼此，完全同等，不為名不為利，只為人民服務。神聖的人類，不是應該這樣無私生活麼? 否則便枉為人了。然而，共產主義也算已定性為徹底失敗，主要死因是沒考慮人性特質。

不要神化教師，在資本主義下教師如所有人一樣，都是一份工作，每份工作本身都有社會意義，神化教師本身已是扭曲，亦無必要。教師只是人，絕大部份人，當有得選擇更好人工、福利、社會地位的工作，都不會當教師的。

當制度做得不行便叫人講理想，實在講不過去，甚至推缷責任，如同講共產主義本身沒問題，只是人的問題一樣。

shadeslayer

Vanadium 發表於 17-1-29 18:35
回覆 shadeslayer 的帖子

講理想?

我無神化老師, 做人道德有冇底線 ?不好的東西不强推孩子身上, 不殺雞取卵, 咁簡單, 要係神才做得到?

孩子是社會的未來, 一些過份的教育人員有沒有基本 human decency?甚麼也推到制度。甚麽制度有問題?在這些自私的人眼中, 任何評估考試也是制度不行。這些是害群之馬。

以此思維, 你以為沒有TSA, 學校不會為升 band 操學生。

希望你不是教育人員。

MMVV

如果分數底學校不單不殺校，而且教處會比更多資源改善，咁肯定學校和家長歡迎

Vanadium

回覆 shadeslayer 的帖子

如果我是教育人員，肯定就係你講神聖那種。

但若然我是教育行政人員，我不會明明自己失敗，搞一個引人操練制度，然後苦了學生，就推缷教師人性醜惡。

反正醜惡何止教師，還有家長、社會、每一個人，如EK有家長連閱讀也與英文成績掛勾，由操練練習變操練閱讀，將子女成績看成自己成就，要自己仔女看比別人強，其心態與醜陋教師有何分別?

shadeslayer

Vanadium 發表於 17-1-29 20:55
回覆 shadeslayer 的帖子

如果我是教育人員，肯定就係你講神聖那種。

你一定係神聖的那種？

Mother Teresa 就神聖！ 要求以孩子福祉為教育重點就是「神聖」？ 咁低水準要求？你係家長定教師定 both?

閱讀希望有好語文能力有乜問題？ 做練習希望有高分有乜問題？做運動希望減肥有乜問題？ Simple cause and effect.

把這些和放孩子利益到最後的自私教育人員比？背棄家長的信任？

我批評，有比理由。你東拉西扯，亂來一通，講到全世界都有問題。

自便，失陪了。

shadeslayer

MMVV 發表於 17-1-29 20:54
如果分數底學校不單不殺校，而且教處會比更多資源改善，咁肯定學校和家長歡迎



  ...

我係家長，係立稅人，我一定反對。

咁都比你諗到。某方面的配合，係可以的，例如 special needs. 但一刀切愈低水準，教學愈差就愈多資源？咁名校作育英才無數，咪要罰，減少D資源？

Vanadium

shadeslayer 發表於 17-1-29 22:23
本帖最後由 shadeslayer 於 17-1-29 22:36 編輯

名校作育英才無數

憑你呢句，就知你完全不知香港現時的教育情況，所以你認為人東拉西扯不值得討論，完全符合你既認知範圍。

Vanadium

回覆 MMVV 的帖子

分數低既學校，先要了解為何分數低。然而，係競爭式既測評，就好似參加100米比賽，唔係純睇你跑得有幾快，而係睇有無人快過你。

___________________

我係A小學校長，Fine....我有信念，點都唔操，但有日....收到成績，我地學生比全港水平低，校董會、家長代表黎問，點解會係咁? 解釋.....我地已好認真教，但成績都唔夠人好喎，唔明，唔通教得唔夠好? 調查下....啊...原來，我地做左傻仔，真係為學生而教學，但人地太多學校為份卷而教學，明功課但暗操卷，結果佢地成績好D。

家長代表....我憑咩信你地已教得好? 我地淨知你地考試成績差過人，又賴人操卷，又少功課又少測驗，日日下午話比學生健康活動，擺明老師懶，嗱...依家成績咁差，你地學校咪搞低banding害埋我仔女升唔到一線中學! 總之你地無70% band 1唔好話你地盡左力。

同教師開大會.....依家成績差左，越黎越多家長投訴，越黎越少家長揀我地學校，大家一致決定，為提高成績，放棄為理想既教學活動，再次操起來!

_______________________

我轉左去B學校，一間專收勁學生既學校，TSA/BCA無問題，一定100% pass，因此我覺得實踐理想應唔會有A學校問題，要學校全人教育，唔操卷，少功課，少測考，唔想學生咁大壓力，多身心發展活動。點知下次TSA/BCA，report雖話100% pass，但就比去年少左20% 全港top 10%學生，家長校董又質，點解成績會差左? 咁黎緊小六會唔會做唔返90% band 1? 我惟有解釋要全人發展唔操卷，係人地操卷下，難免要犧牲少少成績，90%應唔得，但70% band 1應無問題。

名校喎...得70% band 1，傻的嗎? 結果我做完果年，比人勸勉提早退休。

_______________________

以上純作故仔，如有雷同實屬巧合。

Vanadium

如果教育局能夠保証有TSA/BCA下，無學校會暗地裡為TSA/BCA操練或教學，而係只進行如同無TSA/BCA下之教學活動，令TSA/BCA能真正做到評核正常教學成果，而唔係操練成果，TSA/BCA，又或咩評核都絕對可取有益。

如教育局一發現學校有任何與TSA/BCA之教學活動、練習、操練，無論多少，立即停牌，即使私校都一樣，我會舉腳支持TSA/BCA。