閱讀理解

fennieng

亞仔表達能力比較差，中文同英文考試閱讀理解都比較弱，係咪應該睇多d書呢？定還是要做練習呢？

angiehouse

最好看書, 由興趣出發, 能力會在不知不覺中提高

YmOra

睇書最好,既可作為"興趣娛樂",又可增加閱讀理解能力,務求使到孩子{讀上癮}為目標呢!

王家爸爸

fennieng 發表於 17-1-25 13:42
亞仔表達能力比較差，中文同英文考試閱讀理解都比較弱，係咪應該睇多d書呢？定還是要做練習呢？
...

其實需要睇情況，唔好一刀切，因為唔同情況有唔同既解決方法。如果係初中，當然係睇多啲書好過做練習；如果已經讀到中六，已經火燒後欄，當然係做練習好過睇多啲書。如果喺中間，兩樣都做。

dativebond

王家爸爸 發表於 17-1-25 16:56
其實需要睇情況，唔好一刀切，因為唔同情況有唔同既解決方法。如果係初中，當然係睇多啲書好過做練習；如果 ...

呢樣就啱，有時間既就由個本出發，多閱讀；無時間就治下標，提下有無可能靠做練習升高一級。

fennieng

唔該晒咁多位，其實我都覺得睇書好，不過亞仔唔鐘意睇書，就算睇都好似機關槍咁橫掃就算，如果淨係叫佢睇，都唔知佢睇左幾多，但係如果佢睇完問佢內容，我又唔知應該點問同埋佢答得岩唔岩，所以又想買有埋答案既練習比佢，至少知道應該點答

dativebond

fennieng 發表於 17-1-25 17:15
唔該晒咁多位，其實我都覺得睇書好，不過亞仔唔鐘意睇書，就算睇都好似機關槍咁橫掃就算，如果淨係叫佢睇， ...

如果你個仔仲係細，閱讀應以培養興趣為目標，唔好順便借閱讀黎當學習，更加唔好諗住assess佢，否則有興趣都變無。最好佢閱讀時你都一齊讀，大家讀唔同野都得，營造閱讀氣氛。同埋，當佢自動自覺睇書，你咪鬼理佢點睇，快睇定慢睇，讚下佢，咁佢就有動機投入豐富既閱讀世界。佢享受閱讀，自然自己會睇書，唔係為成績唔係為討好你。好多人細個都會睇金庸呀，衞斯理呀，睇通宵，因為真係中意左，就唔駛人叫都會做，好似打機咁。

基本上，閱讀興趣好難量化成果，但真係有用，所以要小心呵護佢既熱情，唔好為左想閱讀理解成績短時間內提升而催谷佢。

至於治標方法，你一定想佢短時間內係閱讀理解成績有所進步，方法都係做練習，但你嘗試係旁邊指導下佢，分析下點解個答案係咁，都係練得多就有sense，好似練習射波咁。

fennieng

dativebond 發表於 17-1-25 18:08
本帖最後由 dativebond 於 17-1-25 18:12 編輯

如果你個仔仲係細，閱讀應以培養興趣為目標，唔好順便借 ...

你講得好岩，好多謝你既意見

fennieng

王家爸爸 發表於 17-1-25 16:56
其實需要睇情況，唔好一刀切，因為唔同情況有唔同既解決方法。如果係初中，當然係睇多啲書好過做練習；如果 ...

中一，佢不嬲都唔鐘意睇書，就算睇都好鬼快，佢話而家中學d閱讀理解深左好多，興趣淨係打機

王家爸爸

fennieng 發表於 17-1-26 12:22
中一，佢不嬲都唔鐘意睇書，就算睇都好鬼快，佢話而家中學d閱讀理解深左好多，興趣淨係打機
...

如果不嬲都唔鐘意睇書，可以叫佢先睇打機攻略，然後睇個遊戲有關既歷史，同佢講咁樣打機都打得叻啲、開心啲。

fennieng

王家爸爸 發表於 17-1-26 13:14
如果不嬲都唔鐘意睇書，可以叫佢先睇打機攻略，然後睇個遊戲有關既歷史，同佢講咁樣打機都打得叻啲、開心啲 ...