有全職媽媽的小朋友的學業成績

rinarina

有全職媽媽照顧的小學生，學業成績/升中，是否比較理想？當然，吾計學習障礙的兒童。是否普遍都比較好？我見我老板個老婆搵錢多過我老板，是高層，也放棄事業睇住兩位千金，結果升中成績非常滿意。另外，我囡小學，全職媽媽揍的，也拿全級頭幾個品學兼優。

Honey

冇關係，我要返工我兩個仔小六&小一都品學兼優，雖未必係最top, 但能自己完成功課自己檢查自己温習默書小測已很足夠。

對我而言，對太多反而我會激氣，小孩又依賴。

little_yolky

rinarina 發表於 17-1-24 11:29
有全職媽媽照顧的小學生，學業成績/升中，是否比較理想？當然，吾計學習障礙的兒童。是否普遍都比較好？我 ...

老實講, 我成日覺得, 如果我係FTM, 我可以教出兩個天才出嚟！Tailor made課程俾兩個跟喎, 點講得笑。但大前題, 係要個媽媽學術水平要有返咁上下, 同埋要有工人處理家務先得。

little_yolky

Honey 發表於 17-1-24 12:17
冇關係，我要返工我兩個仔小六&小一都品學兼優，雖未必係最top, 但能自己完成功課自己檢查自己温習默書小測 ...

唔好話小孩子依賴丫, 大人壓力都好大。

今年大女發神經無端端要人幫溫書。佢舊年最差係常識, 得7X分。咁C6中英數都差, 咪幫佢溫常識囉。點知幫佢溫, 次次測考都9X, C6即刻問阿女考咁高分做乜, 搞到佢(C6自己)壓力好大, 以後幫佢溫書攞唔到9X分點算, 叫佢攞8X就得。


我大女都係自動波型, 佢自己溫成績都係中上, 都品學兼優架, 不過同佢溫, 就可以包保有9字頭囉。即係傳說中既再上一層樓。

PY-Sing

教仔唔係1+1就=2 咁簡單. 每人都要按自己情況需要安排.

brother4

不一定，還看學校程度，小朋友準備好未，小朋友的能力及家長教的方法。。。朋友看咗心理医生，最後佢孩子小四轉校。

bb鼠

我覺得要睇媽媽放幾多心機落仔女學業度.....

HappyCheerBaby

回覆 rinarina 的帖子

視乎媽媽能否配合小朋友情況，若然媽媽不懂得教，但全職留在家教導，小朋友也不會獲得好的成績。我身旁的媽媽都是全職工作，小朋友成績都是好的。

judy

我估俾阿媽玩死多。

S-Kwok

little_yolky 發表於 17-1-24 12:28
唔好話小孩子依賴丫, 大人壓力都好大。

今年大女發神經無端端要人幫溫書。佢舊年最差係常識, 得7X分。咁C6 ...

除咗因為家長明白孩子的需要，亦因為家長有經驗，知道温習嘅技巧嘛。

mianyang_99

冇關係...我返全職, 個仔全級一或二

Jane1983

亞媽有心有力，做ftm，多d時间，當然可以更仔细去執吓小朋友的學業、體艺和品行。

但不是must，我認識有ftm，自己私生活極精彩，细路都係工人凑多。

siden

如果小朋友只是中人之資又不大自律，FTM一定大有好處。

如果小朋友資質佳品性佳又自律，關係不大。

brother4

有兩手準備可一試，萬一結果相反，成績變差及反叛，可能留班踢出校，入happy school或留學，自己見有小五去留學

wan_sosin

為了小朋友成績好而去做FTM，風險比較大，因為把目標放在成績上，若小朋友達不到預期中的期望，家長同小朋友都幾大壓力!媽媽可能會咁諗，我為了你(你的成績)而放棄工作，但你竟然。。。

1998Ruby1998

如果想做全職媽媽，一定要做「忍得夫人」同「跟得夫人」。

細路仲細，唔係下下都可以自動波／生性，如果睇唔順眼就動氣，咁你日子會過得幾辛苦。

不過唔係個個家庭都需要／適合全職媽媽，有d小朋友好生性同埋已經識緊張成績，有d仲唔嗲唔吊，有d阿媽好識得教小朋友讀書，有d阿媽完全唔識。我去幫人補習都見過d阿媽唔理個仔，自己睇韓劇玩手機，口口聲聲話自己畀個仔好多支持，唔明白點解成績唔好。我第一堂就發現個仔其實資質冇問題，但係好少睇書，屋企一本字典都冇（發現通常屋企有字典的而且仔女識得查字典，成績唔會好差，父母對成績都比較著緊），好多生字都唔知道，所以上堂有一部份聽唔明跟唔到，作文又唔夠創意，所以分數唔夠高分。我呢個外人都睇到呢d問題，有心跟的話一個全職媽媽點會睇唔到？

老套d同埋不切實際一句：成績好與壞，呢個始終要睇仔女資質同努力程度，父母跟唔到咁多，但係品格好與壞，有個全職媽媽以身作則，將來成績點差，起碼個人都老老實實，肯做肯捱。如果品格好，就會知道成績重要性，會識得尊重同埋對成績負責。

judy

全職又點？半職又點？最重要睇阿媽係點！

MrBeast

wan_sosin 發表於 17-1-24 17:09
為了小朋友成績好而去做FTM，風險比較大，因為把目標放在成績上，若小朋友達不到預期中的期望，家長同小朋 ...

case 1: 小朋友跟唔上，家境ok，可以做ftm但冇，不過若轉了，可能like u said 壓力更大反而會變怪獸。
case 2: ftm 也好用心栽培但成績不太理想，小朋友自己生，都要接受，kg 還有講有笑，上到小學就感覺到有些心up

pingu_k

原帖由 siden 於 17-01-24 發表
如果小朋友只是中人之資又不大自律，FTM一定大有好處。

如果小朋友資質佳品性佳又自律，關係不大。

Yes, agree!