好大壓力

MCCChan

好大壓力，希望借個位嚟呻下!  每一兩星期就收學校投訴電話，話阿仔情況越來越差，上堂時完全不專心，情緒太高漲，影響學習。阿仔四歲半，讀K2。由兩個月前第一次收學校電話，我已經好著緊，帶去評估，報告有寫疑似ADHD，但始終年紀少，心理醫生唔會確實話係ADHD。去到社工、CAC姑娘度，阿仔非常正常，其實平日响屋企都唔係太差，但唯獨响學校就亂哂籠。我已經安排阿仔上專注力班，暫未見效果，我仲有什麼可以做?  

wan_sosin

幼稚園是那種學校，是否老師唔夠功力應付較好動學生?

MCCChan

活動教學型。我老公都有質疑過，點解只係响學校先有問題。但老師就針對住話係小朋友的問題

MCCChan

有時我會混淆他是真的ADHD? 還是上課時貪玩的小孩?  ADHD是否會在任何時間任何地點都活躍呢? 會選擇性在某地點的嗎?

chowqv

學校明顯應付唔到。以前阿仔有同學都係咁，當時既幼稚園，係有一個助教，坐係個小朋友後面，必要時夾住佢坐，or陪佢出課室冷靜。

ethanmom2012

我個仔同你既小朋友一樣, 唯獨係學校就亂哂籠, 你可以睇我之前係國際學校出既帖. 我去左做ADHD 評估, 結果同你一樣, 太細個診斷唔到.

我估我個仔係marginal case . 我近排睇左ADHD既書, 佢話ADHD 既小朋友對別人既情緒好敏感, 面對一個唔鐘意佢既老師, 佢會感受到, 並且作出相對反應, 行為會更差. 我估呢個係我個仔係學校唔聽話既原因.

而且, ADHD 多數係group 之中先出事, 一對一, 係睇唔出的(正如我個仔).

最後我轉左校, 而家老師都話佢專注力弱架, 不過只係覺得佢需要別人提醒同鼓勵, 起碼無投訴, 無標籤佢. 老師亦都話, 專注力弱既, 一定要小班教學, 一大班30人, 佢個魂都唔知遊左去邊. 或者你可以試下搵小班d 既學校.

MCCChan

多謝指引

mama.olive

ethanmom2012 發表於 17-2-21 16:34
我個仔同你既小朋友一樣, 唯獨係學校就亂哂籠, 你可以睇我之前係國際學校出既帖. 我去左做ADHD 評估, 結果 ...

非常認同呀，其實依家咁細個好難確認係咪ADHD，但係坦白講唔係個個小朋友都適合大班教學既，有D小朋友天生專注力比較差、容易分心，唔代表就係ADHD架，作為家長我地只可以盡力搵間適合小朋友既學校

ethanmom2012

mama.olive 發表於 17-2-27 17:51
非常認同呀，其實依家咁細個好難確認係咪ADHD，但係坦白講唔係個個小朋友都適合大班教學既，有D小朋友天生 ...

合唔合適好個人, 家長可以去下school tour, 同老師傾下偈, 睇下佢既理念同家長夾唔夾.

小朋友大個少少又會控制到自己專注力多D, 就睇下佢願唔願意去做.溝通係雙向既, 佢鐘意個老師, 佢自己都會盡力想做好D, 想老師讚下佢架!咁樣先係良性循環, 佢做好D, 老師又讚下佢, 令佢又有動力再做好D.

msLamip

如果小朋友還細，我想可以從教佢情緒控制方法入手，或者會有幫助。
睇書看到以下幾個方法，真可以試下。

bestwish

msLamip 發表於 17-4-23 21:45
如果小朋友還細，我想可以從教佢情緒控制方法入手，或者會有幫助。
睇書看到以下幾個方法，真可以試下。

多謝分享。 同靜觀練習好相似

我仔間唔中都有做靜觀及身體掃瞄練習。


樓主, 你可以同學校要求轉班, 如果唔得建議轉校。 可能會有改善。

longlongpochuma

msLamip 發表於 17-4-23 21:45
如果小朋友還細，我想可以從教佢情緒控制方法入手，或者會有幫助。
睇書看到以下幾個方法，真可以試下。

你本書很好呀, 可否請你分享書名?謝謝!

msLamip

longlongpochuma 發表於 17-4-26 23:45
你本書很好呀, 可否請你分享書名?謝謝!

專心一點2

Eva_mummy

我仔仔間學校都係差唔多日日call我，學校好多古怪行為，甚至打或咬同學，但學校以外完全唔覺。現在只能上1.5小時。幼稚園已經係活動教學，但我知道其實都係要坐定定。現在考慮去國際學校....my son is also on marginal case ADHD, the doctors said he seems fine. Really stress and confused!

BeBe媽媽

其實好多幼稚園都說自己活動教學。
但總有啲時候需 要小朋友坐定定學。
我朋友個Case不是活躍，而是不夠精靈，聰明，
於是被個校長多次要求佢轉校(那時K2)，
那間的校長，好喜歡叫學生留班或轉校。

因為北區太難求學位....但最後都找到。
點知轉校後，個小朋友仲開心左，又被老師點名栽培，
又攞奬又做小司儀。
舊那間幼稚園係因為不收雙非而出名的。
是基督教，還被傳是愛心學校....
事實係點真係只有問那間啲家長就知道。我不多說

所以我覺得小朋友讀得唔開心，又不被重視的話

媽媽真的要考慮一下，是否需要轉校。