愈補愈差

Nikki1023

請問有冇人試過補習補得愈多成績愈差，之後停晒d補習成績反而好了？

1998Ruby1998

我試過，都見過有幾個同學係咁。

Nikki1023

回覆 1998Ruby1998 的帖子

可分享下嗎？我現在很苦腦，吾知仲繼吾繼續補女子

1998Ruby1998

回覆 Nikki1023 的帖子

父母以為「越補越好，唔補越衰」，點知因為時間排得太滿，個人體力不支，成日補習／學校釣魚，因為唔夠訓脾氣仲差左。以前仲有補好串果個 Jxxxxx Li 英文，佢成日話我咁樣英文成績唔會好，但係佢教果d 生字 grammar 淺到離譜，搞到我自己好迷茫，英文成績差左，結果唔補，英文成績好返好多。
趁依家小學，成績未算好重要，試下三個月唔補，靠自己，睇下會唔會有進步？一個月起不到很大作用，太短時間。呢樣唔得，咪試第二樣，唔好獨孤一味，一定有一樣係當中裡面有最大同最好作用。就好似我地病左，食開左隻藥唔得，我地都會試下第二個醫生／藥／治療方法啦。

Gella77

Nikki1023 發表於 17-1-16 22:42
請問有冇人試過補習補得愈多成績愈差，之後停晒d補習成績反而好了？

其實越補越差系因為基礎太差，吸收唔到，所以越補越差定系因為唔想補習？！

Nikki1023

回覆 Gella77 的帖子

係基礎差，由一年級去補習功課班，當時都係科科剛合格，因太多人集中吾到，到二年級中英數全轉一對一專科班，已經改善左吾集中的問題，但老師教咩吸收吾收，今堂教完，下堂忘記了！而且補習老師係人地介紹，多人補過都有進步，我自己亦覺老師很用心，但二年級考試全部吾合格，其實知道因為佢冇興趣去讀，並不是能力問題，因佢彈琴跳舞都好出色，呢方面専注力同記憶力也很強！但不知怎樣令她對讀書有興趣！

CrabPincers

Nikki1023 發表於 17-1-17 06:59
回覆 Gella77 的帖子

係基礎差，由一年級去補習功課班，當時都係科科剛合格，因太多人集中吾到，到二年級 ...

如果是讀書無與趣，神仙補都無用

不如搵下佢點解無與趣先？是因為成績差（小一）無成功感，或是太多補習，所以討厭？定是學校程度太深，不岩佢？

Nikki1023

回覆 CrabPincers 的帖子

默書都試過幾次九十分，佢成績差時亦會吾開心（放學時果幾分鈡)，平曰叫佢溫書就吾開心，反而一話跳舞彈琴就好開心，平時全部時間用曬去補習溫書，都冇時間去練琴同練舞，每次只靠每堂上的45分鐘去學，但反而出來成績十分之好，所以我先覺得佢係讀書冇興趣先搞成咁

irenelwl

回覆 Nikki1023 的帖子

學校老師有無建議? 如果吸收唔到補習係無意思，我女當時都係咁。

Nikki1023

回覆 irenelwl 的帖子

咁你之後點幫佢？老師話如下學期都吾合格就要留級

little_yolky

Nikki1023 發表於 17-1-17 08:25
回覆 CrabPincers 的帖子

默書都試過幾次九十分，佢成績差時亦會吾開心（放學時果幾分鈡)，平曰叫佢溫書就 ...

真係弊, 好似講緊我個女咁。不過, 佢補習唔多, 上個禮拜連數研都俾我cut埋, 得番cambridge了。不過, 佢暫時都叫合格多少少, 但叫佢溫書就唔開心, 無心機。

王家爸爸

如果係大班，大部分補習都係壞處多過好處，越補越差好正常。

王家爸爸

1998Ruby1998 發表於 17-1-16 23:59
回覆 Nikki1023 的帖子

父母以為「越補越好，唔補越衰」，點知因為時間排得太滿，個人體力不支，成日補習 ...

講得啱，好多父母都有呢啲誤解。

tkinwong

我小朋友剛讀了四個月小一，我悟出的道理是，家長是最好的補習老師。

初時我都很繄張要搵補習，但因為沒有找到好的，就自己跟。自己跟的好處是小朋友那裡不識，那裡要強化，有什麼學習問題，我可以貼身跟進。在預備考試前，我會重點溫習和一起做練習。就算是一對一的補習，都無可能會有父母咁上心。

irenelwl

回覆 Nikki1023 的帖子

你讀私校?津校好小講留級。我女小四個年我見佢都係咁，人辛苦，咁我就同補習老師講，佢功課能主動做完就比佢回家，係補習社佢好難讀到入腦。上年5月我開始轉左半日，但因要幫仔訓練，上小一準備，個女無乜理。小四自己申請重讀，而家留小四，我無幫佢，只係佢而家放學回家，時間多左，輕鬆左。第1次測驗全部合格，佢都好開心，咁多年第1次。我女小三評估左有讀寫障。

Nikki1023

官立小學，比其他吾算深

irenelwl

回覆 Nikki1023 的帖子

幾大?我自己無時間落手落腳教咁多, 但我有比女去上訓練堂, 唔係補習, 係教SKILL
另外, 我覺得女無自信, 所以同學學校社工係D方面比好多資源佢, 而家連學校主任都話佢留班後個人精靈左.

我仔啱小一, 我自己親自跟功課, 溫默書, 暫時成績OK, 除左中文語文卷的閱讀理解唔掂, 一份卷佔左60分, 該卷不合格, 而我仔的OT,同讀寫導師都話佢有讀寫特徵, 而家等學校開大會, 睇下比唔比佢評估.但我已經堅持我仔有相關問題.
.

Nikki1023

回覆 irenelwl 的帖子

小二，其實我吾介意留級，只怕小朋友自己難受，現在一係佢面前講留級呢2字已經哭了，想坐底同她慢慢傾話佢知留級可能對佢有幫助叫佢打好個底先上三年級會冇甘辛苦，但佢都吾聽，只係哭

irenelwl

回覆 Nikki1023 的帖子

會的. 因我女小三我己想佢留, 佢又係唔想, 唔開心, 咁我見佢本來自信已差, 所以由佢.1年後, 佢知道讀得辛苦, 個人唔知做乜開明左, 自己話留班都好, 多D時間追, 咁我先去申請留班
如果你覺得個女有花時間讀書, 但入唔到腦, 去上一D讀寫的課程或可以幫到佢, 每個小孩學習情況都唔同, 佢可能未掌握到.

王家爸爸

首先需要知道「基礎差」係點練成既：其實「基礎差」同「無興趣」係互為因果既。家長應該要做既係諗下點導致小朋友對學習無興趣，從而知道點解解決「基礎差」既問題，而唔係花時間諗搵邊間補習好。講真，大部分補習老師無接受過兒童心理學訓練；加上大部分家長只係睇老師用唔用心、勤唔勤力（即係睇投入），而唔係睇佢教得好唔好（即係睇產出）。
小朋友集中唔到精神、専注力差、入唔到腦、善忘，呢啲全部都係無興趣既結果，所以無興趣先至係引起成績差既原因。集中唔到精神、専注力差、入唔到腦、善忘，呢啲全部都只係mediating factors，要解決問題，應該從根本原因落手，而唔係喺mediating factors上糾纏。
解決辦法其實好多，大部分都好簡單，例如如果小朋友英文差，但係對表演有興趣，可以揾啲英文戲劇班，等小朋友用間接既方法，打好英文基礎。又例如如果小朋友數學差，下次去超級市場買餸既時候帶埋佢去，同佢一齊計下要俾幾多錢，等佢練習之餘又可以更「接地氣」咁去學數學，增加佢對數學既興趣。方法好多，各師各法，但係只有家長先可能知道邊種方法對自己小朋友最有效。