教育王國

標題: 點樣可以培養小孩自己閱讀 [打印本頁]

作者: 紫蘿蘭 時間: 17-1-16 12:46 標題: 點樣可以培養小孩自己閱讀

4歲，每晚都會同佢讀書，講故仔。佢會一攞起書就叫我講俾佢聽，但我都想佢自己一人都可睇下書仔，我應該點做？

作者: Monosaru 時間: 17-1-17 23:49 標題: 回覆樓主:

我仔4歲幾開始愛上淘寶點讀版ORT, 支小達人點讀筆好掂，仲可以自己錄音整廣東話版中文點讀書，自己search吓“小達人點讀筆”

作者: retriever 時間: 17-1-18 07:55

紫蘿蘭發表於 17-1-16 12:46
4歲，每晚都會同佢讀書，講故仔。佢會一攞起書就叫我講俾佢聽，但我都想佢自己一人都可睇下書仔，我應該點 ...

每個細路進度唔同。你幾時開始陪讀？

開始時細路喜歡陪伴，呢樣係佢樂趣所在。慢慢佢能力高左，譬如帶佢去圖書館，佢自己想多睇，就唔想你陪架啦。

作者: 紫蘿蘭 時間: 17-1-18 07:59 標題: 回覆：Monosaru 的帖子

謝謝。

作者: 紫蘿蘭 時間: 17-1-18 08:07 標題: 引用：Quote:紫蘿蘭+發表於+17-1-16+12:46+ 4歲，

原帖由 retriever 於 17-01-18 發表
每個細路進度唔同。你幾時開始陪讀？

開始時細路喜歡陪伴，呢樣係佢樂趣所在。慢慢佢能力高左，譬如帶佢 ...

BB 識坐就同佢一齊睇書仔喇。帶佢去圖書館佢會一本一本叫你讀俾佢聽。即係話我唔需要刻意做啲咩，佢慢慢就會自己讀？我見有啲小朋友等車又睇，食飯又睇，我就心諗點做到呢？我大仔除咗有圖有字嗰啲興趣大啲，基本上睇書都係為做功課的。

作者: retriever 時間: 17-1-18 08:28

紫蘿蘭發表於 17-1-18 08:07
BB 識坐就同佢一齊睇書仔喇。帶佢去圖書館佢會一本一本叫你讀俾佢聽。即係話我唔需要刻意做啲咩，佢慢慢就 ...

唔少人K2跟K3, 進度會快好多...等車食飯都睇, 呢D 好大癮, 我覺得要營造下...

我細路會唔去球場(佢好鍾意踢波), 寧願去書局.

除左有睇書習慣, 仲要限制其他誘惑, 直到真係愛上先得.

作者: swarovski2011 時間: 17-1-18 22:01

retriever 發表於 17-1-18 08:28
唔少人K2跟K3, 進度會快好多...等車食飯都睇, 呢D 好大癮, 我覺得要營造下...

我細路會唔去球場(佢好鍾 ...

其實點樣營造幾時都想揸住本書睇的氣氛呢？我仔(k1)唔抗拒睇書，不過亦唔覺佢愛閱讀，我都同佢睇過好多類型的書，都仲未摸到佢愛哪類

十

作者: retriever 時間: 17-1-19 07:24

swarovski2011 發表於 17-1-18 22:01
其實點樣營造幾時都想揸住本書睇的氣氛呢？我仔(k1)唔抗拒睇書，不過亦唔覺佢愛閱讀，我都同佢睇過好多類 ...

本帖最後由 retriever 於 17-1-19 07:24 編輯

K1 又唔駛咁心急既。。。

開始都係圖多字少夠生活化，ORT 係幾好既開始，因為LVL 分得細，由淺入深，人物重覆有親切感，情節亦有D 笑點位。

如果係仔活躍D ，慢慢可能睇D 攪笑既。

我講既營造，係如果做到細路寧願睇書，咁早年可真係要睇書EXCLUSIVE，因睇書既緻趣較慢，如果同時有手機，電視，打機，聲光玩具競爭, 喜歡書既機會較低。到佢真係喜歡上書中既幻想世界，就算佢一時過癮睇下電視，閒來都會搵返本書睇。

作者: swarovski2011 時間: 17-1-19 08:46

retriever 發表於 17-1-19 07:24
本帖最後由 retriever 於 17-1-19 07:24 編輯

K1 又唔駛咁心急既。。。

請問這句是什麼意思呀？「咁早年可真係要睇書EXCLUSIVE」

作者: retriever 時間: 17-1-19 08:52

swarovski2011 發表於 17-1-19 08:46
請問這句是什麼意思呀？「咁早年可真係要睇書EXCLUSIVE」

即係早年主要睇書，避免接觸其他更誘惑又方便既玩意，如電視，手機。

作者: swarovski2011 時間: 17-1-19 08:59

retriever 發表於 17-1-19 08:52
即係早年主要睇書，避免接觸其他更誘惑又方便既玩意，如電視，手機。

其實都少俾佢玩機、睇電視嗰d，不過玩玩具就多囉....寧願玩玩具先，咁可以點呢？真係要減少玩具的數目？出街帶書都唔帶玩具？

作者: swarovski2011 時間: 17-1-19 09:03

retriever 發表於 17-1-19 08:52
即係早年主要睇書，避免接觸其他更誘惑又方便既玩意，如電視，手機。

其實會否有小朋友天生不愛睇書嘅呢？又或者即使點營造氣氛，都係沒有興趣，但會為讀書而睇呢？

作者: retriever 時間: 17-1-19 09:39

swarovski2011 發表於 17-1-19 09:03
其實會否有小朋友天生不愛睇書嘅呢？又或者即使點營造氣氛，都係沒有興趣，但會為讀書而睇呢？
...

你想咁諗都無辦法...

老人家都有類似既想法, 譬如: "唔好管佢, 大大下會乖", 到大左就跟人話:"佢生出來就係咁唔聽話..."

個人覺得, 細路有天生既部份, 但係唔會好細緻既分別, 外向, 內向, 膽小, 愛冒險(冒失)...., 真正對某些東西既興趣要培養, 唔少活潑仔係可以坐下來看書的...

作者: retriever 時間: 17-1-19 09:47

本帖最後由 retriever 於 17-1-19 09:50 編輯

swarovski2011 發表於 17-1-19 08:59
其實都少俾佢玩機、睇電視嗰d，不過玩玩具就多囉....寧願玩玩具先，咁可以點呢？真係要減少玩具的數目？出 ...

我屋企真係無物現具架, 除左書....

個屋企你管架嘛, 唔知點解, D 玩具一件件慢慢失蹤.....

佢帶開玩具出街, 你點可能突然帶書?!!!

題外話, 話說某小學校2ND IN, 在禮堂等既時候, 眼見有細路帶埋一架玩具電單車來面試, 要係地下卒, 成隻大龍蝦咁大架.....

作者: swarovski2011 時間: 17-1-19 09:51

retriever 發表於 17-1-19 09:39
你想咁諗都無辦法...

老人家都有類似既想法, 譬如: "唔好管佢, 大大下會乖", 到大左就跟人話:"佢生出來就 ...

哈哈....好的，明白

因為細仔2歲，現在睇書都只睇1-2分鐘左右就走左去了，哥哥2歲都可以完成一本書，所以先諗係咪有天生呢個因素

作者: retriever 時間: 17-1-19 09:59

swarovski2011 發表於 17-1-19 09:51
哈哈....好的，明白因為細仔2歲，現在睇書都只睇1-2分鐘左右就走左去了，哥哥2歲都可以完成一本 ...

呵呵...

問你一個發人心醒的問題...

你都知, 有D 細路食飯幾分鐘就走開攪其他野...

你估..... 有無細路天生唔鍾意食飯?!

作者: swarovski2011 時間: 17-1-19 10:50

retriever 發表於 17-1-19 09:59
呵呵...

問你一個發人心醒的問題...

thank you very much for your advice

作者: Forgetmenot999 時間: 17-1-19 13:13

retriever 發表於 17-1-19 09:59
呵呵...

問你一個發人心醒的問題...

這個例子不太好，因我識得一位朋友真的天生不愛吃飯或其他東西，她認為填滿肚子便算，他常覺得吃完又要排淹出來很麻煩，一點都不懂欣賞食物，味覺好像麻卑了一樣

作者: vpo0615 時間: 17-1-19 14:44

我屋企响當眼處擺咗個小書櫃, 只放阿囡D書, 有中英文圖書, 同埋學校PN嘅書, 阿囡都會自己一個去嗰度攞書睇...我諗, 搵一個方便小朋友自己攞書嘅位置嚟擺書, 或者可以提昇吓佢攞書睇嘅興趣啩.

作者: swarovski2011 時間: 17-1-19 21:16

Forgetmenot999 發表於 17-1-19 13:13
這個例子不太好，因我識得一位朋友真的天生不愛吃飯或其他東西，她認為填滿肚子便算，他常覺得吃完又要排 ...

其實我大仔都不愛食飯，好像不會肚餓，玩永遠行先，每次叫佢食飯（明明剛才叫肚餓）都話等陣先，唔想食住，似乎都是被迫咁

作者: Forgetmenot999 時間: 17-1-19 22:24

retriever 發表於 17-1-19 09:59
呵呵...

問你一個發人心醒的問題...

回覆你的問題，我相信結果都是一樣，那位朋友沒甚麼特別喜歡的食物，食物的作用在她的定義裡只是填滿肚子，甚至她認為吃東西時浪費在餐桌上的時間。有次她對我説某國的科學家發明飽肚丸是很令人驚喜的新事物呢！

作者: hoihoima 時間: 17-2-2 18:36

swarovski2011 發表於 17-1-19 09:03
其實會否有小朋友天生不愛睇書嘅呢？又或者即使點營造氣氛，都係沒有興趣，但會為讀書而睇呢？
...

我兩個小朋友看書的興趣就差天共地。同樣是一屋都是書，同樣是無電視手機游戲機，哥哥一歲多未識字就已經不停自己取書看，一頁一頁看圖畫，閲讀能力發展得很快，天文地理歷史故事中文英文什麽書都喜歡看，一去圖書館、書店就有入無出，由三歲起，每年的生日禮物就是要一本書，不折不扣的書癡。弟弟對書的熱情卻低得多，在書櫃前成日話無一本書中意，他比較喜歡玩游戲，就算看書都會選漫畫或者好簡單的文字書。他們倆的强烈對比讓我覺得是有”書緣“這回事的。

其實就算我和我姐姐，同樣的成長環境，小時候家裏沒有課外書，同樣每星期去圖書館，對看書的興趣也是差天共地的。

作者: swarovski2011 時間: 17-2-4 00:29

Monosaru 發表於 17-1-17 23:49
我仔4歲幾開始愛上淘寶點讀版ORT, 支小達人點讀筆好掂，仲可以自己錄音整廣東話版中文點讀書，自己search吓 ...

想問我可以經常伴讀，係咪唔需要買點讀筆呢？點讀筆是俾在職父母，未必能常常有那麼多時間伴讀而買嗎？我諗緊需唔需要買，不過最近同阿仔睇ORT level 1，好似見d對白經常跳來跳去，諗緊點讀筆係咪會讀返啱的sequence

點讀筆係一把聲的？還是唔同人講會播返嗰把聲？唔好意思...唔太清楚運作，所以問多了少許

作者: Monosaru 時間: 17-2-4 01:50

swarovski2011 發表於 17-2-4 00:29
想問我可以經常伴讀，係咪唔需要買點讀筆呢？點讀筆是俾在職父母，未必能常常有那麼多時間伴讀而買嗎？我 ...

我用緊淘寶版ORT stage 3-9, 有幾把不同native speaker閱讀故事，我會伴讀完，再有1小時小朋友私人時間閱讀，用點讀筆重覆地閱讀故事學識好多生字，而且腔音比我更標準

作者: swarovski2011 時間: 17-2-4 07:53

Monosaru 發表於 17-2-4 01:50
我用緊淘寶版ORT stage 3-9, 有幾把不同native speaker閱讀故事，我會伴讀完，再有1小時小朋友私人時間閱 ...

是否已適合由ORT 1開始？係咪一買回來就用得架喇？

作者: phyllislau 時間: 17-2-7 11:35

hoihoima 發表於 17-2-2 18:36
我兩個小朋友看書的興趣就差天共地。同樣是一屋都是書，同樣是無電視手機游戲機，哥哥一歲多未識字就已經不 ...

我兩位公主都係咁，但我又好想佢喜歡睇書，以架無書緣的K3，我只好嘗試堅持讀比佢聽，希望有一天佢能愛上閲讀

作者: sinpop 時間: 17-2-9 11:51

swarovski2011 發表於 17-2-4 00:29
想問我可以經常伴讀，係咪唔需要買點讀筆呢？點讀筆是俾在職父母，未必能常常有那麼多時間伴讀而買嗎？我 ...

我想問下用點讀書會不會影響認字？我擔心阿女點點下就有聲，會skip左看字，始終閱讀習慣基本要有閱讀能力。定係K1不用咁快考慮認字？

另外，應該由stage1開始買，還是stage3?平時已在圖書館借stage1+及stage2, 好少字，買一套應該之後唔會重睇，但一開stage3就更加認唔到咁多字

作者: Elenalan 時間: 17-2-9 12:18

sinpop 發表於 17-2-9 11:51
我想問下用點讀書會不會影響認字？我擔心阿女點點下就有聲，會skip左看字，始終閱讀習慣基本要有閱讀能力 ...

我女都有用ORT Stage 1 - 9, K1時由Stage 1 - 2睇起, 冇用點讀, 因為好少字+d字成日重複, 佢好快認到d成日見的sight words。
到Stage 3, 佢就自己讀一次本書(遇到唔識我先教佢, 用phonics去拼讀), 然後佢會用點讀筆, 自己睇番d睇過o既書, 作用好似係溫一次咁(有時佢鍾意重複睇舊書多次)。

我o既「伴讀」, 係陪住聽佢讀, 而唔係我讀。
現在K2, 佢自己讀到ORT Stage 6, 但一樣會用點讀筆睇番d舊書。

作者: sinpop 時間: 17-2-9 12:33

Elenalan 發表於 17-2-9 12:18
我女都有用ORT Stage 1 - 9, K1時由Stage 1 - 2睇起, 冇用點讀, 因為好少字+d字成日重複, 佢好快認到d成日 ...

你女女好叻呀！咁我由stage3開始買，謝謝！

作者: anna.mak 時間: 17-9-30 23:43

Elenalan 發表於 17-2-9 12:18
我女都有用ORT Stage 1 - 9, K1時由Stage 1 - 2睇起, 冇用點讀, 因為好少字+d字成日重複, 佢好快認到d成日 ...

咁點讀筆是英國口音？thx. 有沒有分version? Thanks.

作者: Potato001 時間: 17-10-7 19:44

swarovski2011 發表於 17-1-18 22:01
其實點樣營造幾時都想揸住本書睇的氣氛呢？我仔(k1)唔抗拒睇書，不過亦唔覺佢愛閱讀，我都同佢睇過好多類 ...

小朋友2-3歲時，我主要伴讀中文書，用口語講，選書以內容有趣和圖畫靚為原則，好多日本作家的繪本都很有趣，如宮西達也，五味太郎，長谷川義史都幾好睇。男仔通常喜歡看火車和車的書，竹下文子有幾本講火車，公車和快遞的，另外，工藤紀子的小雞系列，野貓軍團和小企鵝系列都好睇。本地出版社的，小樹苗莎莎系列內容較貼近日常生活，新雅的幼兒生活安全/德育/禮貌叢書也是這類，小朋友看會較有共鳴。

2-3歲看書，目的是培養閱讀的習慣和興趣，不為認字。除非小朋友本身好有興趣，否則太細個認字，或者用書面語講故事，都會覺得悶。

英文書Usbrone的機關書幾吸引，Piggie and Elephant, Five Little Monkeys 系列，Spot 小狗系列都幾好睇，可引起閱讀興趣。

我主要去圖書館借書給小朋友看，書多種類多，但很少帶小朋友去圖書館，因為不是走來走去，就是選那些之前看過的書，有些已借過兩三次都會再借。

作者: chanchan0920 時間: 17-10-12 14:33

回覆 Elenalan 的帖子

請問女女是出去學PHONICS 嗎??學幾耐可以自己併到??

作者: Elenalan 時間: 17-10-14 15:43

chanchan0920 發表於 17-10-12 14:33
回覆 Elenalan 的帖子

請問女女是出去學PHONICS 嗎??學幾耐可以自己併到??

Phonics我自己教, 用Oxford Phonics World, 冇出去學。
其實只係play隻碟俾佢睇, 有songs有games...

但學blending最重要係practice, 佢平時睇得多書, 認到多d字, 會更容易掌握blending, 就係所謂自然拼讀。
當然唔係次次都拼得o岩,但大部份都拼到近似, 會再糾正佢讀音。

作者: ChocoMilk33 時間: 17-10-25 10:48

本帖最後由 ChocoMilk33 於 17-10-25 10:55 編輯

hoihoima 發表於 17-2-2 18:36
我兩個小朋友看書的興趣就差天共地。同樣是一屋都是書，同樣是無電視手機游戲機，哥哥一歲多未識字就已經不 ...

同意。

我都是照很多家長及專家的建議，伴讀、在家中擺放很多隨手可拿到書、放不同種類科目的書、收起玩具等都做足了，但是小兒也是不愛閱讀，從來不會主動拿起書來看，叫佢看書，也只會用5分鐘由第一頁揭到最後一頁，只看圖畫便算；去圖書館只會行來行去，甚至不會去拿書來揭一揭。

可能小兒天性懶散，真是沒有辦法。

求高人指點，還有甚麼可以做?

作者: pollywcw 時間: 17-10-25 13:22

有冇淘寶點讀筆link推介

作者: pinkyc104 時間: 17-11-1 18:22

BB歲半已經比佢坐定定睇書，續本書講故事佢聽，唔開電視唔比玩電話，到3歲仲試過比佢話番轉頭，話"媽媽，唔好玩電話啦，陪我睇書啦！" 真係令我好開心。

歡迎光臨教育王國 (/)