成績好嘅小朋友，究竟如何使用時間？

tkinwong

jadenhayden 發表於 17-1-16 12:14
乜叻嗰啲真係唔需要溫書架？我仲覺得佢地屋企應該好谷架添！
升左小一之後，時間成日都好唔見駛！
所以好 ...

叻人當然都要讀書，但佢地溫半小時，已可等如普通人溫一小時。

當然，勤力也是有回報的。在小學求學，不是特別叻但肯用心讀書，入頭三分之一，應可以達至。但你話長期入到級十以內，一定要有天資。

喜歡與否，人的學習和解難能力，始終是有差別的。

scyauchris

回覆 IloveJJ 的帖子

你後最尾那段似話我女。

Miss_Parker

自身經驗：平時上堂專心聽書，番屋企做功課溫書要專注唔好分心，用的時間少之餘知識自然會記到入腦。點樣可以高效學習？充足睡眠很重要 我同身邊成績唔錯的同學共通點都係早訓

nobletree

還有就是大多數都喜愛閱讀

Tintin926

成績中上，我覺得天資佔8成，勤力佔2成
成績上上，天資勤力各5成

我中學讀名男校，有個好友給我印象最深刻，阿爸係黑社會，阿爸阿媽生佢時都未到15歲，阿嫲帶大，升中係自己填表選校，我中一識佢時已食煙，中四上堂瞓足8堂或氹同學賭錢，會考7A1C，學校的跳遠、足球、籃球和排球校隊，中六開始跟阿爸去嫖妓，高考3A1B1C，入左港大醫科，現在是出名醫生，家住半山

其他同學只知他聰明絕頂，只有好友才知他其實專注力一流，佢少時住3百尺公屋，阿嫲在打牌，阿爸在賭馬，佢可以一邊聽住discman一邊食住煙溫書，佢上堂瞓覺係因為晚晚等家人睡了讀通宵，同埋因為阿sir太廢
作為一個理科生，當你日做3小時純數仍遇到的難題給他用5分鐘就拆解了的時候，你就會明白天資的無敵了

順帶一提：他是不喜歡閱讀課外書的

yovin

原帖由 Tintin926 於 17-01-17 發表
本帖最後由 Tintin926 於 17-1-17 01:31 編輯

成績中上，我覺得天資佔8成，勤力佔2成

實在係 一命二運三風水 四積陰德五讀書，落地哭三聲，好醜命生成……命裡有一個讀書慨腦袋就是好成績了、師父話齋勤力不勤力都是命中注定的。雖然好玄，但我都參透左好耐才開始明白。

Tintin926

yovin 發表於 17-1-17 01:42
實在係 一命二運三風水 四積陰德五讀書，落地哭三聲，好醜命生成……命裡有一個讀書慨腦袋就是好成績了、師 ...

説得好，但為人父母也沒選擇，盡了力也無憾
我當年也一樣，明白怎努力也不及我朋友，但我唯一選擇就是勤力，佢pure maths A1, 我都有B3，只不過我情願攞B4囉！哈哈！

Tintin926

yovin 發表於 17-1-17 01:42
實在係 一命二運三風水 四積陰德五讀書，落地哭三聲，好醜命生成……命裡有一個讀書慨腦袋就是好成績了、師 ...

我仲好記得佢當年會考前講笑又好串，佢話佢只需要Maths and AMaths 拿A1，其他6科A2就夠，如果唔係會好蝕和費事我唔開心，結果佢真係maths and amaths A1, 其餘5科A2，中文C6
無語！！！

retriever

小曳人 發表於 17-1-16 09:58
我只知，越係成績好嗰d，越係花時間响課外
成績唔係咁理想嗰d，就成日花時間响功課上面
...

你講果個係結果喎，原因係物？

上課留心，明哂。返屋企做功課快手？

retriever

Tintin926 發表於 17-1-17 02:20
説得好，但為人父母也沒選擇，盡了力也無憾
我當年也一樣，明白怎努力也不及我朋友，但我唯一選擇就是勤力 ...

HKAL？ 唔係A3, B4 咩？

retriever

Tintin926 發表於 17-1-17 01:14
成績中上，我覺得天資佔8成，勤力佔2成
成績上上，天資勤力各5成

我識有位師兄都係老黑出身，而家都好似係皮膚科，哈哈，不過應唔係你朋友。

你朋友唔睇課外書，段估個C 係英文。

三A 應該係兩科數加物理？

jadenhayden

IloveJJ 發表於 17-1-16 22:34
唔係呀！唔好咁諗啦！仲細啫，仲有好多變數。

通常啲成績，幾年班會定落黎？
好多人都話，小一未見真章
但又好多人話，其實年年上台頭十名，來來去去都係同一班人！

jadenhayden

Tintin926 發表於 17-1-17 01:14
成績中上，我覺得天資佔8成，勤力佔2成
成績上上，天資勤力各5成

深感佩服！嗰個年代啲人就係咁！憑自己努力可以讀得好好！
不過佢似乎學習態度都好好！而且都好努力溫習！佢嘅成功我諗天資+良好學習態度+努力溫習

小曳人

retriever 發表於 17-1-17 07:59
你講果個係結果喎，原因係物？

上課留心，明哂。返屋企做功課快手？

本身識哂，唔一定留心聽書，但都有部份係留心聽書嘅，特點係吸收快，記性好
當然，我都認同有一批中上成績嘅，真係好勤力，好乖...

suzuki12

小曳人 發表於 17-1-17 09:20
本身識哂，唔一定留心聽書，但都有部份係留心聽書嘅，特點係吸收快，記性好
當然，我都認同有一批中上成績 ...

大家認為怎為之天資好？ 專注力、記性、仔細、分析力、應變？

huba

retriever 發表於 17-1-17 08:00
本帖最後由 retriever 於 17-1-17 08:01 編輯

HKAL？ 唔係A3, B4 咩？

相信他是在2002年或之後考A Level, 當時已改為一級分二等即A1, A2, B3, B4 ...

山海兒女

回覆 jadenhayden 的帖子

估計你小朋友只係小一，現在不要太著眼成績和分數。
派卷後應睇佢錯的原因，係唔識就敎返佢，唔小心就提醒佢。

每個成績好的小朋友也有唔同的讀書方法。小兒似Daddy那邊的人，要早睡才吸收，小兒堂兄現在大四，也要十二點前睡覺，他說考DSE時最夜十一點要瞓。之於小女，就似我，早上發夢，晚上就愈讀愈精神，但考試係早上，所以唯有慢慢改變佢。

Tintin926

retriever 發表於 17-1-17 08:08
我識有位師兄都係老黑出身，而家都好似係皮膚科，哈哈，不過應唔係你朋友。

你朋友唔睇課外書，段估個C  ...

我忘記了他C了什麼，他物理失手揸B3，但A左Chem, 因入醫最緊要科化學

佢唔睇書，但看當時流行的South China Morning Post

Tintin926

suzuki12 發表於 17-1-17 09:51
大家認為怎為之天資好？ 專注力、記性、仔細、分析力、應變？

我覺得
小學：記性、專注力已夠殺
高中：以上全部，但仍是記性、專注力最緊要