如果小朋友好討厭做功課， 可以點解決？

洋蔥頭媽咪

wan_sosin 發表於 17-1-14 23:02
咁即是唔係怕寫字啦，這只是藉口，問題係佢無責任感!你比個小朋友帶你遊花園!
平常生活你有無要求佢盡好自 ...

同意，能力同責任感根本係兩様野黎，我覺得好多時小朋友冇乜責任感都係因為家長幫得太多，做唔倒就會找藉口係能力不足，其實根本係態度問題多於其他。
樓主其實有必要令孩子明白做功課係學生嘅責任，唔可以話討厭就唔做，如果唔襯初小培養好態度，到高小或升中就會更難攪。

洋蔥頭媽咪

mypineapple 發表於 17-1-14 19:16
Bundle 真係唔錯喎

小朋友並非為自己去做，完全沒有責任感，而要家長以等價交換先做其實好危險。你去初中教育睇個真實 case，該家長以交換方式去強迫孩子倒頭來換來何等失敗

Vanadium

回覆 洋蔥頭媽咪 的帖

以小學黎講，我相信80年代或之前既人大都係bundle大，唔覺呢代d人有責任感過上一代。

希望樓主小三既小朋友聽得明人生責任既道理。

wan_sosin

Vanadium 發表於 17-1-15 01:52
回覆 洋蔥頭媽咪 的帖

以小學黎講，我相信80年代或之前既人大都係bundle大，唔覺呢代d人有責任感過上一代 ...

唔多認同!
80年代物質豐富，才會出現所謂80後。
但70年代以前，物質短缺，生活都未必足夠，何來會經常有獎勵? 以前嘅人識得生性，肯發奮，就係因為知道唔努力唔洗生活!
現在嘅細路，只要所有生活細節都要佢哋自己負責，跌咗張糖紙都要佢自己執返去掉，只係得把口講道理事實真係無用，幼兒開始就要培養，樓主個小朋友已小三，講真已唔容易搞，不過襯未到青春期，快些捉緊這兩年教返好!

benjuli

原帖由 wan_sosin 於 17-01-15 發表
唔多認同!
80年代物質豐富，才會出現所謂80後。
但70年代以前，物質短缺，生活都未必足夠，何來會經常有獎 ...

可以㸃教,有無一些方法分享吓,謝謝!

洋蔥頭媽咪

Vanadium 發表於 17-1-15 01:52
回覆 洋蔥頭媽咪 的帖

以小學黎講，我相信80年代或之前既人大都係bundle大，唔覺呢代d人有責任感過上一代 ...

80年代以前嘅人物質根本冇咁豐富，父母都要搵食為口奔馳，5/6/7拾年代好多仲要係兄姊照顧弟妹，唔會出現父母照顧週到，衣來伸手，飯來張口，父母更唔會用物質去交換。你以為以前都係咁相信你應該好後生。

Olympian

原帖由 benjuli 於 17-01-15 發表
可以㸃教,有無一些方法分享吓,謝謝!

以前那一代最大的好處是窮養，激發一些小朋友發奮讀書。另外一些就是打和鬧！再另一些家長要搵食，打和鬧都冇時間。就係咁簡單，有人成才，有人去做飛仔飛女。

Vanadium

我係話以前家長要搵食，無讀咁多書，唔識講道理，故要仔女做功課，大都會簡單bundle左功課同一D仔女好喜愛活動，如:

睇IQ博士得，做完功課就比你睇.....
落街打波得，你做完功課比你落街打......
打卡片機得，但做完功課先准玩......

我見好多因為以上情況，都快快手手做晒D功課佢，唔係成班細路有得玩，自己就無，幾無癮。

我60年代出世架，身邊所有咁樣成長既街坊、舊同學，個個今日事業有成，做事完全無欠責任感呢個問題，仔女大都讀名校......

反而D 90後，個個"好言相勸"下成長，結果今日反而做事無咩責任感，佢幾衰好似人地都有責任包容、勸勉佢，全世界都欠左佢地咁。

只見回呢個post D家長，感覺幾怪，對住個小三講責任感唔係唔得，但佢真係明咩? 唔否定有D比較思想成熟既會明，但大都最終佢既責任感都只不過係聽從父母指示，有無責任感，大個先知，係咁"溫柔勸教"既情況，反而我見唔少失敗例子，大個左真係一D責任感都無，對學業對父母都係。

中國傳統家教方法唔需要因西方思想完全否定，其實西方D小朋友好多好鬼頑皮，勁難教，個個西方人黎香港見到D班房小朋友咁乖都會嚇一跳，亞洲家庭教育既模式其實好成功架。

babywoman

冇乜小學生鍾意做功課。無論量多或少，深或淺。

佢唔做，由佢欠交，等老師罰。
佢拖住做，限佢時間，做唔晒即收功課，熄燈訓覺。

Vanadium

其實中國人教養有句金句: 先管後教，我真係200%認同。

先管D行為，後再講道理。淨講道理但管唔掂....仲衰過唔講。

twlo

我會同小朋友講，做完功課可以做佢喜歡的事，所以佢每天好快完成，更會在校的lunch時間爭取做完。
但家長又不要當佢快完成功課而加課外練習。

MrBeast

初小或之前，小朋友是張白紙，任父母初圓dum便，唔願做大多數原因是覺得難，這情況最適合的方法是幫小朋友找出基本原因跨過困難，不要讓小朋友養成無助放棄的心態。

MrBeast

至於抄寫問題，大多都是小肌和或空間感弱

Tintin926

Vanadium 發表於 17-1-15 11:42
我係話以前家長要搵食，無讀咁多書，唔識講道理，故要仔女做功課，大都會簡單bundle左功課同一D仔女好喜愛 ...

我又覺得一本通書不能到老，時代唔同總需改變。 你父母果代冇書讀要早d出來做嘢養家，到你果代你父母都想你多讀兩年書啦！
但我都認同依家d父母太溫柔體貼，一味勸教說理是不行的。我絶對支持適當體罰，講唔聽，警告後一定揪，揪得就要狠，打仔莫摸頭。但不能像以前父母只鬧和打，鼓勵係好重要，打亦不能像以前見肉就打，我只打pat pat和手

我係樓主，早就打佢N鍋

wan_sosin

benjuli 發表於 17-1-15 09:21
可以㸃教,有無一些方法分享吓,謝謝!

我是在一個自己唔理自己,就無人會理我的家庭長大! 我自己好認為人必須要學懂獨立,我從好細個就教我小朋友,舉一個例,我仔讀幼稚園時,試過帶了功課返學校,但掛住玩,沒有交給老師,放學回家後我發現了,我帶我仔回學校交給老師,還要佢向老師道歉!其實只係幼稚園,連老師也說遲一日交也沒問題的,但我也跟老師說,必須要知道自己有責任的!

在生活上舉些例,如果佢自己玩到成身泥,我要佢自己洗一次,我才幫佢再洗;佢選了一樣食物,如果發現唔好食,點都要自己食埋佢!例子太多,好難數得晒!而這些都是幼兒時已開始的教道.

道理我會講,但都會在有事情作根據才講,我會話佢聽,你係你自己,媽媽點都幫唔到你去過你自己的生命,你冷你熱,我係感覺唔到!你自己先知,有需要時你要自己出聲,你開聲我唔會唔幫.

我仔現在小三,有時屋企不知那個弄污弄亂了,佢最初會話,唔關佢事,唔係佢做成的,我話,屋企你有份,就算唔係你做成的,見到有需要,也應該幫下手,一家人唔可以分你定我,我問佢,你嘅衫係你著,點解我又幫你洗,每個人都應該做一些自己可以做的事情.

快要過年,佢呢兩日提出要執屋,還分配好誰人負責那個部份,佢自己也安排了佢負責的部份.我好開心見到佢有成長!

所以,功課,執書包等最基本的事情,佢都無大問題,我無check佢齊唔齊功課,但佢小三上學期沒有欠交一份功課,不過書就試過漏帶幾次,但都已是很理想的了!

Tintin926

wan_sosin 發表於 17-1-15 23:06
我是在一個自己唔理自己,就無人會理我的家庭長大! 我自己好認為人必須要學懂獨立,我從好細個就教我小朋友, ...

教得好，能認清和懂承擔自己責任比什麼學業成績頂呱呱、閱讀能力有幾棒對整個人生更重要
但現今父母與孩子也不易做到

MrBeast

wan_sosin 發表於 17-1-15 23:06
我是在一個自己唔理自己,就無人會理我的家庭長大! 我自己好認為人必須要學懂獨立,我從好細個就教我小朋友, ...

有時我小朋友埋怨功課多唔想做，首先當然要paraphrase 佢感受，但之後我都係話老師係罰佢唔係我。
究竟係態度唔好/貪玩而唔做，還是因為覺得難抗拒而發脾氣？chicken n egg question.

wan_sosin

MrBeast 發表於 17-1-16 06:54
有時我小朋友埋怨功課多唔想做，首先當然要paraphrase 佢感受，但之後我都係話老師係罰佢唔係我。
究竟係態 ...

人一定會有感受，有感受唔係錯，覺得辛苦，困難，係每個人都好熟識的，小朋友有這些感受，我都明白同接受，我仔都當然經過好多爭扎，話唔想做，好悶等等...我會認同佢真係覺得唔容易，但呢d時間亦是好好鼓勵小朋友，同教佢哋，唔會有一個人，可以只做開心輕鬆的事，跟住舉些例子(大把例子可以講)，最後也要強調媽媽是明白的，真係有不懂的，也一定會幫助，唔會一唔識就怪責是一定係無聽書啦!小朋友要坐足大半日，好幾個老師講唔同嘅課，加上仍是低年班，間中有聽漏，有唔明，都唔係什麼錯得咁緊要嘅事!教還教，嚴厲還要加上支持同鼓勵!小朋友還小，做得好時，要錫下抱下!當然擺明做得衰，我都唔會留情地去責備!

retriever

mypineapple 發表於 17-1-13 19:52
有無方法？謝謝

請佢食薯片同雪糕一定肯做!