原校升中

ANNAFRIEND

我識一位家長女女兩次呈分都較差，呈一中(C), 英(C), 數(C),常(B),平均分大概72， 呈二中(C), 英(C),數(D)不合格，常(B), 平均分68~69，但有參與較多校內活動及服務，也有參與校際比賽拿過獎，但不是個人獎項。升讀原校中學(band 1)機會高嗎？參與校內活動及服務有用嗎？

ysnmama

就是勉強入回中學，都難讀得上。

ANNAFRIEND

明白的，但她這樣的成績難以考入其他學校，band3學校絕不是她會選擇的，以她這樣成績甚至連band 2也未必有機，所以唯一出路是原校了。沒有成績所以她問我在參與學校活動和曾經奪得團體獎有沒有機，我也不懂答她

1998Ruby1998

機會比較微吧！

學校是否一條龍，還是要與其他小學爭？一條龍可能有機會。不過升回原校，讀得到上去嗎？除非佢自己突然開竅，努力溫書。

因為學校唔止佢一個有好多校內活動服務同攞校際比賽獎，如果我係學校，我會選一個唔多「貢獻」但係成績比較好，因為至少佢留班機會比較少，學校資源唔會浪費係佢身上。

除非你果d獎係比較獨特＋好出眾，（唔係一條龍時代）以前有個同學成績超級差，除左音樂冇一科及格，但係因為佢鋼琴係攞「施坦威國際青少年鋼琴比賽」「亞洲青少年音樂比賽」「亞洲蕭邦國際鋼琴比賽」等等冠軍，先可以畀佢勉強入。不過因為真係追唔上，讀完中二就去演藝學院讀。亦都有同學係靠攞藝術體操同畫畫獎入（當然d畫畫獎唔係咩普通香港搞果d，係咩日本國際，中國公開賽果d）。

所以給個家長奉勸一句，除非你女兒有十八般武藝，攞好多國際比賽獎，否則都要考慮一下自身環境，入唔翻可以去邊？呢個問題唔可以逃避。我當年因為排 60-80名，個老師都叫我去準備 Band 2 學校。

hugub

ANNAFRIEND 發表於 16-12-28 11:12
明白的，但她這樣的成績難以考入其他學校，band3學校絕不是她會選擇的，以她這樣成績甚至連band 2也未必有 ...

呢d分真係難考入其他學校架.... 原校都要睇收返幾多%.. 有d直屬收85%就ok... 有d直屬只收7成左右就有d危啦....

brother4

朋友一樣，佢選原校升中，但學校俾佢為垃圾生，中4去留學，現是律師

ANNAFRIEND

1998Ruby1998 發表於 16-12-28 11:55
機會比較微吧！

學校是否一條龍，還是要與其他小學爭？一條龍可能有機會。不過升回原校，讀得到上去嗎？除 ...

佢冇任何特異功能，獎項都係校際團隊極碎料果d, 但佢同我講只可以靠呢d上原校，佢問我我真係唔知點回應。問心講果句，我同你一樣如果我係學校，我情願揀個冇活動冇獎項但起碼有成績的學生，起碼有個讀書底上中學唔駛輔導，如果佢上得返原校我肯定佢只可讀輔導班，甘又何必呢？不過我唔敢同佢講事實，怕得罪人

judy

佢冇任何特異功能，獎項都係校際團隊極碎料果d, 但佢同我講只可以靠呢d上原校，佢問我我真係唔知點回應。問心講果句，我同你一樣如果我係學校，我情願揀個冇活動冇獎項但起碼有成績的學生，起碼有個讀書底上中學唔駛輔導，如果佢上得返原校我肯定佢只可讀輔導班，甘又何必呢？不過我唔敢同佢講事實，怕得罪人

中學還中學，小學還小學。其實小學課程學嘅嘢好少，只要肯努力，好快追返。

ANNAFRIEND

judy 發表於 16-12-28 15:55
中學還中學，小學還小學。其實小學課程學嘅嘢好少，只要肯努力，好快追返。 ...

佢問題係個底差，上到高小d成績甘差，同個底有關，特別數學，基礎打得唔穩，舊既唔明新既又唔明，學校又教得好快，好快又呈三，睇怕佢都好難追

judy

佢問題係個底差，上到高小d成績甘差，同個底有關，特別數學，基礎打得唔穩，舊既唔明新既又唔明，學校又教得好快，好快又呈三，睇怕佢都好難追

數學教得仲少，要追好快追到。

香港教育最不好的是将學生强分三等，打擊其自信，制造一堆失敗者。

Jane1983

回覆 ANNAFRIEND 的帖子

間間龍校都有d唔同，之前睇過有分析，即使成績差都有好彩入得番band 1原校的。但講到要好彩，你就唔好比意見了，邊個話得埋。
講到追成績，係睇家長和小朋友的努力和決心。一個暑假，肯出力，追到突，超前都有。

ANNAFRIEND

Jane1983 發表於 16-12-28 17:13
回覆 ANNAFRIEND 的帖子

間間龍校都有d唔同，之前睇過有分析，即使成績差都有好彩入得番band 1原校的。但 ...

其實學校講左Band3一定唔收，但係咪真，到時先知。因成績標青的一群實走，甘如果有位剩都會收。要睇最後多唔多人唔選原校。最後一次呈分試黎緊，冇暑假甘長去追了

ANNAFRIEND

judy 發表於 16-12-28 16:32
數學教得仲少，要追好快追到。

香港教育最不好的是将學生强分三等，打擊其自信，制造一堆失敗者。 ...

我地學校係考埋已有知識，如果個底唔好上到高小真係好難追。教改既失敗，誰要負最大責任？而家學生英文水平每況愈下，咪就母語教學累事，以為band2 band3學校轉中中對學生好，呢班學生英語水平不足，考DSE陪跑，上不到大學，可以有甚麼出路？

gracelam

原帖由 ANNAFRIEND 於 16-12-28 發表
我識一位家長女女兩次呈分都較差，呈一中(C), 英(C), 數(C),常(B),平均分大概72， 呈二中(C), 英(C),數(D) ...

試下報band 2直資中學。

cmchang0927

單看成績不能ㄧ概而論。最好問吓歷界家長甚麼成績才能入番原校中學。以前我女小學有人主科ㄧ兩科不合格也能升番原校中學的，而且中學是band 1B的，所以真係間間不一樣。

little_yolky

ANNAFRIEND 發表於 16-12-28 17:23
其實學校講左Band3一定唔收，但係咪真，到時先知。因成績標青的一群實走，甘如果有位剩都會收。要睇最後多 ...

1. 如果中學唔係官津學校, 就算話係龍校都可以唔收。因為一條龍既規定只適用於官津學校。直資係自行收生的。
2. 如果係官津學校, 又係龍校, 咁就B3都照收。但係, 見你話學校講明B3唔收, 咁, 即係可能係直屬/聯繫? 咁可以同你朋友講, 一定唔收！因為直屬同聯繫位只適用於B1-B2學生, 就算有位剩, 都唔會俾B3學生而會收外校生。就算小朋友識飛都無用。


3. 其實如果底唔好, 去試下啲直資得唔得, 另外, 有D B2尾B3頭學校辦學都可以的, 勉強入B1只係死路一條。

ANNAFRIEND

little_yolky 發表於 16-12-29 12:23
1. 如果中學唔係官津學校, 就算話係龍校都可以唔收。因為一條龍既規定只適用於官津學校。直資係自行收生的 ...

我地係津小，中學係直屬。政府規定直屬要收一定人數的小學部學生，甘如果top20學生考其他學校而又成功，甘直屬位多左20個位出來，根據政府收生規定，甘係唔係就算band3學生都要照收。其實我都覺得勉強冇幸福，不過每個家長都唔想自己子女讀band 3學校，我知果位學生成績真係差左d, band2直資都未必有機。

little_yolky

ANNAFRIEND 發表於 16-12-30 12:20
我地係津小，中學係直屬。政府規定直屬要收一定人數的小學部學生，甘如果top20學生考其他學校而又成功，甘 ...

唔係, 直屬同聯繫位只適用於B1-B2學生, 所以, 叫你朋友死心吧。中學當然可以收, 但收係人情唔收係道理, 如果佢哋成日收B3生, 教育局會迫佢改一條龍, 咁中學一定唔想, 所以, 無乜學校會俾埋D位B3生, 留返俾外校生抽好過。

ANNAFRIEND

little_yolky 發表於 16-12-30 12:28
唔係, 直屬同聯繫位只適用於B1-B2學生, 所以, 叫你朋友死心吧。中學當然可以收, 但收係人情唔收係道理, 如 ...

明白哂，謝謝！不過我都希望佢能上返中學，可以同我小朋友一起繼續做同學。