性格古怪係咩？

貓后

我仔仔今年4歲， 由小至大性格就係古古怪怪， 社交弱， 好多獨特見解， 做埋d野就係同人唔一樣， 普通到你問佢叫咩名， 佢都會答你「唔知/我冇名」；個個小朋友聖誕表演都好開心， 佢就話我知好悶。 有人話佢會唔會係資優， 但我又唔清楚。

細時很遲先識講野， 做左評估覺得佢只係語言發展慢， 所以一直冇咩支援， 我自己就比佢上感統/社交小組， 唔知有冇改善。

有冇人話我知可以點引導佢合群d呀？

有冇人可以話我知， 點可以引導佢合群d

CATsMOM

我仔現在4歲半，一直都係社交弱，特別驚小朋友，同大人相處好好多。有一段時間唔肯同人打招呼，依家好d但對住唔熟嘅人只肯say hello，唔會稱呼對方（叔叔、姨姨果d都唔會叫）。有時都會有d怪行為，例如：返教會唔俾我唱歌、好驚街上有人叫賣、好驚同小朋友玩追逐遊戲，但問佢點解又淨係話好驚，唔知驚咩。有懷疑過係自閉譜系，但cac評估咗話唔係，有上過一年社交班，但導師話阿仔無問題，只係欠主動。舊年k1係學校唔會主動同同學仔玩，無交流，亦唔會主動同老師講嘢，但因為一d機會下俾老師發現阿仔認知俾同學多，都有提過係唔係資優。不過最困擾嘅係佢好似投入唔到學校嘅群體生活。老師有建議多d帶佢去公園玩。不過成個k1都無咩進展。
今年k2，可能大個仔咗，係學校好似好咗少少，但都係同同學無咩交流。於是開始刻意密集式咁帶阿仔放學去公園同同學玩，不過唔係由佢放羊，而係一路陪住佢，有機會時引導阿仔同其他小朋友互動，當佢覺得驚想縮嘅時候俾佢縮下，但鼓勵佢下次再試下同小朋友玩。我覺得佢進步咗好多，依家係公園會同朋友仔一齊玩，亦會主動揾朋友仔。遇到唔識嘅小朋友，係我陪同之下可以一齊玩。
我仔嘅情況係對小朋友好有戒心，好似好驚d小朋友唔知想做咩咁，亦唔識處理衝突。佢係好需要安全感嘅人，所以要幫佢累積多d社交嘅正面經驗，慢慢建立同小朋友相處嘅信心。依家開始見到有改善，我相信如果媽媽要揾到小朋友嘅真正需要先可以幫助佢地。
不過媽媽自己都要放鬆d，明白有時小朋友表現會令人好尷尬，但媽媽一定要自己睇開d，有時都要接受自己小朋友係咁，將要求降低。

gingerm

貓后 發表於 16-12-19 07:26
我仔仔今年4歲， 由小至大性格就係古古怪怪， 社交弱， 好多獨特見解， 做埋d野就係同人唔一樣， 普通到你 ...

首先接受左自己小朋友先，雖然好多情況真係會令到父母好尷尬。

除咗教小朋友點樣識朋友，你仲要係，一定要陪小朋友去做，而且仲要係屋企多多練習。

多尐做 role play 好有用(emoji)(emoji)

piglet0529

雖然CAC評説你仔不是自閉普系, 想當年仔也是, 果刻也原本評不是, 但因為有搵學校出左封信, 說明問題, 那醫生見到後再詳問就評係, 事隔三年, 有意見可以俾你, 如果你有人手可以帶到上E位, 去私人再評排E位可能仲上到一年, 但I位應該排唔到, 如果你介意那label其實可以唔再評, 自譜光譜的一端是重症有智力問題的自閉症甚至影響自理, 另一端是高功能的輕度自閉, 以往曾叫做亜氏保加症, 如果不處理訓練其實上小學會出問題, 小兒冇上I或E位, E位當時冇人手, I位排唔到, 但K2下學期開始不斷上各式社區社交或遊戲班, 上下的訓練到感統的運動, 訓練手肌的藝術班, 多去公園玩, 之下大概追得上同齡社交對答, 但仍缺主動性, 去年上小一後都要緊密同他傾計, 鼓勵佢識朋友仔, so far 亞仔現在很受同學歡迎, 因為智力不錯, 成績唔錯的, 小二做左班長, 同時也是一種考驗, 確實會引來欺𠗕, 這類小朋友每發生一的事情便需要家長開導下, 另外我仍有帶他上社交遊戲班, 小學後他們需要學習輸贏及解難, 雖然亞仔的特別興趣仍給我他是否資優的疑惑, 但再花五六千去評既話我諗諗下又寧願用在佢其它興趣上

貓后

piglet0529 發表於 16-12-21 04:19
雖然CAC評説你仔不是自閉普系, 想當年仔也是, 果刻也原本評不是, 但因為有搵學校出左封信, 說明問題, 那醫 ...

多謝你的意見！

其實佢細時雖然冇被評自閉， 但當時我就係覺得佢有傾向， 所以我自費做言語治癒， 要求醫生比佢排E位。 到今年1月學校開始有到校服務， 而「耀能」同佢做評估時仍然覺得佢係語言發展問題， 所以安排每星期有言語治癒（我放棄左E位服務）

喺佢未夠3歲K1 開始， 我就幫佢報左社交小組， 到今年4歲就報左感統訓練。 其實睇住個仔一直有好大進步， 現在什至係太多野講， 太多自己意見， 但就係覺得佢性格總係有怪脾氣， 好多獨特見解， 唔合群咁。

而最奇怪係其實學校老師對佢意見不大的， 「耀能」做到校服務， 都有觀察到佢喺學校唔係咁差， 大家都覺得我仔係有d怪脾氣， 社交有少少弱， 唔係我睇到的咁大問題。 但每當我帶佢出去上興趣班， 佢每次都好快變得抗拒， 然後就不斷做d野出黎令人覺得佢有問題/討厭佢， 咁佢就唔需要再去啦！

piglet0529

通常幼稚園老師比較包容, 這類小朋友如不訓練, 上小學便有問題, 不過你已經安排有各種訓練

piglet0529

但你最後題及的似乎又另一問題, 我眼見上社交班有這問題的小朋友大多有專注力不足或反抗性問題, 上小一就出問題, 學校會勁投訴, 尤其傳統小學, 有小朋友需要精神科開藥, 如果你之前從没有排精神科, 那條隊可以令家長很無助, 當然如果經濟上許可, 可以看私人又另作別論, 不過就你短短兩句, 我又不是專業, 當然希望你小朋友沒問題, 你多留意一下

貓后

piglet0529 發表於 16-12-22 05:12
但你最後題及的似乎又另一問題, 我眼見上社交班有這問題的小朋友大多有專注力不足或反抗性問題, 上小一就出 ...

謝謝你的意見， 所以的確令我幾擔心

iamadc

貓后 發表於 16-12-21 22:30
多謝你的意見！

其實佢細時雖然冇被評自閉， 但當時我就係覺得佢有傾向， 所以我自費做言語治癒， 要求醫 ...

興趣班問題，媽媽都要想清楚，什麼是對他有幫助的，無必要的，就唔好上囉。但如對他有幫助，如足球幫社交或指令，媽媽要幫佢多點，要堅持。另外我會比佢選擇學乜（比幾個option 佢選擇），佢會比較接受的。

貓后

iamadc 發表於 16-12-30 14:11
興趣班問題，媽媽都要想清楚，什麼是對他有幫助的，無必要的，就唔好上囉。但如對他有幫助，如足球幫社交 ...

係， 所以我依家只比佢學畫畫， 係佢自己鐘意的就好合作， 其他佢冇興趣的就冇再上了

windytreely

貓后 發表於 16-12-21 22:30
多謝你的意見！

其實佢細時雖然冇被評自閉， 但當時我就係覺得佢有傾向， 所以我自費做言語治癒， 要求醫 ...

Hi, 想問有冇感統訓練班介紹？

貓后

windytreely 發表於 17-4-23 23:37
Hi, 想問有冇感統訓練班介紹？

我pm你

貓后

windytreely 發表於 17-4-23 23:37
Hi, 想問有冇感統訓練班介紹？

我唔知點可以pm你， 你pm我吧，thx

windytreely

貓后 發表於 17-4-24 13:08
我唔知點可以pm你， 你pm我吧，thx

已pm

964000

除了自閉，其實有時他們也可能有些奇怪的觀念要大人輔導下。
例如我女二三歲時有時又是古古怪怪的，例如如全班一起打鼓，她又不肯，老師叫小朋友著襪，她把襪穿在手上。後來我問她為何這樣做，她説「I want to be different, I don't want to be the same」 咁我同佢講，why don't you follow others first and see how it goes, if it's not good then you can try your own way. 之後她慢慢跟大隊發現life really goes easier this way, 佢而家四歲這方面好好多了。
不是要佢人云亦云，但佢起碼要知道何時要跟，何時不用。