修/熟識va的請進

^曾小姐^

請問係咪好難讀?好難拎到高分?thanks

emmafish

http://www.edu-kingdom.com/forum.php?mod=viewthread&tid=3182952

emmafish

emmafish 發表於 16-12-11 18:14
http://www.edu-kingdom.com/forum.php?mod=viewthread&tid=3182952

可參考此舊 post

1998Ruby1998

我讀 Eng Lit，我朋友讀 VA，但係我地都覺得呢兩科拎難度一樣，花的心機比正常人多，但係高分又比其他科高，仲要死（fail）左都唔知自己死咩，我都可以明白讀 VA 的辛苦。

VA SBA 佔 DSE 成績幾高下（唔記得幾多），基本上一日有 24 小時，VA 學生用左至少 16 小時搞 SBA。重點係做完老師一句唔得就要重新做過，仲要可能老師覺得唔得，考官其實好鐘意，又或者調轉，老師覺得好，考官唔 buy。最慘係，冇一個公認高分標準，如果碰巧唔好彩，個考官唔鐘意你件作品，唔 buy 你個 idea，咁就慘啦。

考試有點麻煩，因為可以帶參考作品，但係唔可以抄襲，學生一緊張就好容易去抄＋偷 部份 idea，但係唔知考評局會唔會當 100% 抄襲，呢個真係完全考彩數。有人試過自己幅畫同參考作品 80% 相似，但係個學生解釋到幅畫個 concept 同背後意義同參考作品好唔同，考評局唔覺得係抄襲所以過關高分。

難唔難讀，睇你自己根兩幾多，有 d 人天生藝術家，唔洗上VA 堂都可以有 5** 水準。有 d 人 畫畫好，但係 VA 唔高分。

奉勸一句：畫畫同做勞作好，唔等於 VA 會高分，呢個只係代表你比其他人有優勢讀 VA，分數呢家野，睇運氣成份幾高下。如果想讀 VA，要唔怕挨夜到 3，4 點，唔怕自己作品畀老師一句唔得白費心機，唔怕分數可能同學校／期望有好大出入。呢個係我朋友放榜之後講的。

^曾小姐^

原帖由 emmafish 於 16-12-11 發表
可參考此舊 post

thanks

^曾小姐^

原帖由 1998Ruby1998 於 16-12-12 發表
我讀 Eng Lit，我朋友讀 VA，但係我地都覺得呢兩科拎難度一樣，花的心機比正常人多，但係高分又比其他科高 ...

好詳盡,我好鍾意睇你嘅post,簡直獲益良多,thanks

10396

1998Ruby1998 發表於 16-12-12 16:36
我讀 Eng Lit，我朋友讀 VA，但係我地都覺得呢兩科拎難度一樣，花的心機比正常人多，但係高分又比其他科高 ...

Tks

allennnnchan

我以前都讀視藝, 考得唔好，靠作品+ 面試入左CM 城大創意媒體. 城大近年多出電影勁人, 上年今年都係金像獎拎獎, 今年一念無明個靚仔導演同佢個靈魂咪係CM lo.

今年CM 有搞中學生workshop, 有教動畫, 裝置,電影寫故事, 沖菲林. 去城大創意媒體facebook 睇下啦.

^曾小姐^

allennnnchan 發表於 17-4-12 16:32
我以前都讀視藝, 考得唔好，靠作品+ 面試入左CM 城大創意媒體. 城大近年多出電影勁人, 上年今年都係金像獎 ...

thanks

TwinWong

^曾小姐^ 發表於 16-12-12 19:35
好詳盡,我好鍾意睇你嘅post,簡直獲益良多,thanks

我大女當年都係想修VA 但最后無修
因為出面無學畫畫 佢係慢工出細貨嘅人
平晚無咩搞10:30瞓
但做VA 功課 project research 事無大少
都搞佢几個通頂
佢同學真係 讀VA 搞得嘅辛苦
但學校選VA 嘅人 只可加多一個elective
佢地學校的VA 校本 同DSE 試比例
校本佔50%
20%研究習作 30%四件針對主題作品
DSE試佔50%
10%係藝術評賞 40%創作
我女當年有報poly design
第一次做一份測試卷
第二關对住連環圖 copy 好似揀8x人in
跟住interview 帶拍片同讀書嘅創意作品獎項和攝影獎項
最后放棄咗poly 同city creative media 嘅offer
佢決定去演藝 讀
因為對電影制作更有興趣
佢讀VA同學都入到poly design

^曾小姐^

TwinWong 發表於 17-4-13 12:57
本帖最後由 TwinWong 於 17-4-13 13:00 編輯

我大女當年都係想修VA 但最后無修

唔該晒,我就係怕va太嘥時間係畫作方面,而冇時間溫其他

TwinWong

^曾小姐^ 發表於 17-4-13 18:39
唔該晒,我就係怕va太嘥時間係畫作方面,而冇時間溫其他

我囡畢叢後 反而自費學畫畫 好滿足

^曾小姐^

TwinWong 發表於 17-4-14 12:39
我囡畢叢後 反而自費學畫畫 好滿足

同我諗法一樣,既然鍾意畫畫就應該開開心心咁畫,我女都一直外出學畫畫,我同佢分析過修va可能令佢討厭va

TwinWong

^曾小姐^ 發表於 17-4-14 17:38
同我諗法一樣,既然鍾意畫畫就應該開開心心咁畫,我女都一直外出學畫畫,我同佢分析過修va可能令佢討厭va:wah ...

Chole

^曾小姐^ 發表於 17-4-14 17:38
同我諗法一樣,既然鍾意畫畫就應該開開心心咁畫,我女都一直外出學畫畫,我同佢分析過修va可能令佢討厭va:wah ...

Exactly!  亞女好鍾意畫畫，好憎做portfolio.  考完IGCSE 就唔再讀落去，不過自己繼續畫。

小木偶媽咪

1998Ruby1998 發表於 16-12-12 16:36
我讀 Eng Lit，我朋友讀 VA，但係我地都覺得呢兩科拎難度一樣，花的心機比正常人多，但係高分又比其他科高 ...

可否分享一下讀Eng Lit的經驗/技巧？

1998Ruby1998

回覆 小木偶媽咪 的帖子

我係 EK 網誌都有提及讀 Eng Lit 的辛酸 （記得應該係「選修科」果篇）
讀 Eng Lit 同 VA 一樣，啞巴吃黃蓮，有苦自己知，旁人不能理解嘅開心同痛苦。

我自己讀得唔算好，雖然英文好讀 Eng Lit 有優勢，但係咁樣唔代表讀 Eng Lit 就會讀得好好。技巧就因人而異，各有各法，不過萬變不離其宗，背句子、上網睇論文（好似讀大學咁）、每一個地方名、人名，有得分析就要分析，冇得話「個作者覺得呢個名好用／個作者臨時搵個名塞落去」（雖然我覺得好多作者都係隨便搵名），例如讀哈利波特咁，要分析點解作者要用 Harry 呢個名，要寫個名由 Henry 演變，意思解「統治者」，所以解釋到點解哈利最尾可以打贏佛地魔，而佛地魔個名 Tom 由 Thomas 演變，意思係「twin」，所以解釋到點解佢同哈利 XXXXX。由例如點解作家要選擇蘇格蘭呢個地方做 Hogwarts 個地址，點解要寫搭火車要係 King‘s Cross 而唔係 London Euston 站或者其他交通工具，Draco、Ron 同 Hermione、鄧不利多、石內卜等人代表人性格嘅邊一方面等等（唔講咁多，我太沈迷 Harry Potter ，寫五版都唔夠用）你以為作者真係隨便搵個名？其實係架，不過無論點你都要照樣分析，過猶不及都死。

讀 Eng Lit 同 VA 一樣，就要預期隨時跌到焦頭爛額、死唔眼閉、躺著也中槍、死得壯烈同不明不白。因為同樣，買 Past Paper 做係完全冇用，睇 Marking Scheme 都係三幅被，講黎講去都係「言之有理」就有分，但係點樣先可以被考官認為「言之有理」？個個考官把尺都唔同，次次題目都層出不窮。最慘係邊度搵補習？有得補都貴。市面選擇唔多，邊個老師先可以令你及時開竅發力？考天才同運氣嘅成分好高，所以唔好期望仔女讀呢科能夠保證考到一定水平，讀呢科係冇保證，老師臨放 Study Leave 都係一句 Good Luck，講多都冇用。

我唔係背書嘅材料，靠語感成份高，所以中文同英文作文，我都會寫抒情文（我早前係高中教育帖 post 左今年中文作文 DSE 題目「足印」嘅作文分享，有興趣可以睇下）同 Short Story。旁人成日覺得我踩鋼線，其實呢種題材我先跌得冇咁痛，畢竟有好多學生係讀中西歷史、補習社背例子，以我資質寫議論文一定會唔夠表現突出。所以 Eng Lit Portfolio （其實等同 SBA），要寫 3000 字，可以選擇寫 Comparative Analysis、Theatre Play Appreciation 同 Short Story，我就寫左 Short Story（好多人都唔睇好，畢竟真係好冒險），結果兩個考官畀 30/33 同 24/33（Eng Lit 有 65% 以上就已經有 5*），救返我一命，成就左我今日得來不易嘅學位。

但係讀 Eng Lit 如果要讀得好，真係要擺好多心機，雖然冇 VA 咁浪費時間，但係要花時間搜集資料（例如名字同行為分析），做初步分析，背書，練習寫論文，都好耗費光陰，如果你讀 3 科 Elective，仲要其他科都係需要大量練習同埋背書而你唔係背書材料，就祝你好運，不如考慮 drop 其中一科。

小木偶媽咪

1998Ruby1998 發表於 17-4-17 11:00
回覆 小木偶媽咪 的帖子

我係 EK 網誌都有提及讀 Eng Lit 的辛酸 （記得應該係「選修科」果篇）

Thank you我會將你咁有用既分享比囡囡睇，佢今年要選科，Eng Lit 係其中一科會揀的，你講Harry Potter仲岩，佢都好沈迷