14個月入育嬰園好嗎?

kitty331

想問有無jm知道救世軍育嬰園好唔好?

Otome

問題係你有無需要小朋友番嬰院, 如果BB實在搵唔到信任既人幫手湊, 我覺得無問題!

我小朋友1個半月大時已經開始番嬰院(朝8晚7)~ 佢番學番得好開心, 老師都好錫佢, 佢仲學到好多野, 所以我好放心我BB番嬰院, BB剛滿2歲, 學習進度理想, 學校俾BB直升N班, 唔使等下學年~

不過當然啦, 社會上有好多人一聽到"嬰院"都好抗拒... 當初我都覺得好唔捨得架, 到經歷左之後其實佢番學仲好過俾外傭或老人家湊啦~ 自己如果平日有得放假又可以請假帶BB出去玩.

利申: 我唔清楚救世軍果D機構既嬰院, 我只係講我BB番果間嬰院俾我既感覺好良好咋~

MANDYCHOI001

如果6個月前入就好, 如果1歲之後要重新適應, 我個時都係等到14-15個月左右先有位,我都唔入, 因為佢一定好驚, 反正佢過多一年可以讀n 班

hoihoima

kitty331 發表於 16-12-7 14:58
想問有無jm知道救世軍育嬰園好唔好?

我小朋友7個月大時逼不得已要去育嬰院，開始幾個星期佢好驚好唔適應，身邊的人全部唔同哂，常規完全改變，喊得好厲害，無哂安全感，育嬰院老師一走近就狂哭，消瘦了好多。習慣了以後就沒什麼了。我本來打算第二個小朋友4個月大就去育嬰院，不過要到8個月大時育嬰院才有位，我就無俾佢去了。不過我小朋友不是去救世軍

hoihoima

Otome 發表於 16-12-8 12:19
問題係你有無需要小朋友番嬰院, 如果BB實在搵唔到信任既人幫手湊, 我覺得無問題!

我小朋友1個半月大時已經 ...

我小朋友返的育嬰院我都覺得好好，老師們好專業，好有愛心，食物有營養又進食定時，又唔會俾小朋友拖好耐，地方清潔，有得隨著月齡增長玩不同的活動，又會定期有portfolio俾家長睇照片和生活情況，抵讃！

acfun

暫時聽到的育嬰院都係好評喎, 無論1個月大或1歳後入的, 包括朋友和自己的經驗.

大左入院係要長小小適應期, 只要家長明白點解佢個段時間的情緒表現, 以平常心面對就ok.

sonion

我兩個女都在嬰院大, 非常好 :)
不過佢地好BB時已入
14個月可能適應時間要長D

chupybo

我有幾位朋友BB都有返育嬰園, 都係好開心. 另外, 佢地本身成本都有返咁上下, 政府資助, 對營運育嬰園既機構有一定既要求同規管, D員工有經驗又有愛心.

chihuahuama

點解幾個月就可以排到育嬰園既?
因為我問過d育嬰園都有幾百個號碼排緊~~
係咪地區問題呢??太子個間話有6百幾人排緊
一年先走一批(大約一半人), 就算有人排到放棄, 都一定要排超過一年, 甚至二年

kitty331

我有左3個月已經開始排隊,排到呀囡14個月大先有位入! 我囡細b,最快都要出年11月先可以返n班! 其實我呀囡都好鍾意同小朋友玩,應該唔會喊好耐掛~但最擔心佢14個月就群體生活,好易病呢！我又無請工人,我同老公又要返工,到時成日病就有點接送困難...

chihuahuama

kitty331 發表於 16-12-8 16:16
我有左3個月已經開始排隊,排到呀囡14個月大先有位入! 我囡細b,最快都要出年11月先可以返n班! 其實我呀囡都 ...

係米剛剛被通知有位? 即現在BB14個月? 等左20個月
係邊個地區的育嬰園?
有位一定去, 放棄左就排唔返
咁現在邊個湊呀?
病就要預左,,,一定要有backup,,,現在湊的那個人可做backup

Otome

回覆 kitty331 的帖子

都聽聞朋友陀B到有位時BB已經一歲, 一定預時間適應, 個個小朋友唔同, 但通常生病情況一定多, 但真係就算讀到幼稚園都係易病D, 始終仲細~ 要有心理準備.

我之前都成日不停請假... 不過後來我俾BB食下魚肝油呀、靈芝蜜之類, 幫BB增強免疫力, touchwood暫時少左呢D請假既情況!

jimjimjim

最好3-4 個月大前入

kitty331

回覆 chihuahuama 的帖子

係呀,等左20個月有位了~
我係去石硤尾個間!
我之前請保母姨姨到我家照顧,剛剛姨姨話唔做,育嬰院就有位啦!

kitty331

回覆 Otome 的帖子

我想問下14個月食得魚肝油同靈芝蜜嗎?

common_cat

回覆 kitty331 的帖子

我女女又係石硤尾返緊喎，唔知係咪同一間呢？係咪'聖'開頭㗎？我個女排左4個月就有位，入讀時佢6個月大，佢都適應左幾個月，因為我返工後保姆湊左4個月，佢慣左經常有個人係身邊陪伴，學校一定唔會㗎嘛。開頭會唔捨得、心痛，我記得第一日送佢返學我喊左 ⋯⋯ 但自佢識爬就好好多，活動能力大左，無咁依賴人地。而家21個月大組喇，我感覺佢幾開心，同埋自理幾好。
係易病啲，一定要有backup，病時有人照顧，因為發燒一定唔俾返，同埋病時都想佢休息多啲。不過，越大身體越好，到時無咁易病。我本人覺得bb未識說話前，放係育嬰園放心過比工人湊。

kitty331

回覆 common_cat 的帖子

我係石硤尾救世軍呀～聽左大家咁多意見,我都會試下比呀囡去育嬰院呢！

hoihoima

chihuahuama 發表於 16-12-8 15:46
點解幾個月就可以排到育嬰園既?
因為我問過d育嬰園都有幾百個號碼排緊~~
係咪地區問題呢??太子個間話有6百 ...

一般暑假時會比較多位，因為大仔大女離開育嬰院

hoihoima

chihuahuama 發表於 16-12-8 15:46
點解幾個月就可以排到育嬰園既?
因為我問過d育嬰園都有幾百個號碼排緊~~
係咪地區問題呢??太子個間話有6百 ...

我之前家庭有突發情況，緊急需要育嬰院服務，就立刻有位

nkknkknkk

我覺得睇BB性格，我囝七個月開始返，並没有不適應，反而返之前一直唔肯食粥，育嬰園老師幫他成功轉固體。育嬰園教自理真的很好，我仔未夠兩歳已懂自己著鞋，已介片並自己除褲去wee wee,自己著返褲，這全是育嬰園的功勞。但他真的比較多病，但這是必經階段，不返育嬰園遲d返幼兒園都要面對。