長沙灣祟真面試完成, 等有冇OFFER

HamoBaby

各位小朋友， 加油！ 祝大家有適合的學校！

wongkaka

各位小朋友， 加油！ 祝大家有適合的學校！x2

Mayyuen18

回覆 HamoBaby 的帖子

Thank you!

Mayyuen18

回覆 wongkaka 的帖子

Thank you!

cheuklokmom

我仔是第一批申请, 可惜 2nd in 完要waiting list, 吾知仲有冇機會?  我同仔都好喜欢崇基

wongkaka

我女也是第一ROUND的WAITING LIST, 仍未有任何消息
不要靜待, 忡有冇考其他?

hugub

小時了了同你講下題外話我記得我仔當年係星期五收offer letter既，當晚我要去教會小組。。而今年我囡又係星期五收offer letter , 當晚又係要返教會小組。。所以我相信係神的恩典，當你學習到順服神必有獎賞多於你所想所求。。。

Mayyuen18

回覆 hugub 的帖子

咁你囝囝及囡囡最後簡左讀邊間，可以分享下囝囝讀成點

hugub

Mayyuen18 發表於 17-2-4 15:23
回覆 hugub 的帖子

咁你囝囝及囡囡最後簡左讀邊間，可以分享下囝囝讀成點

囝讀緊TTCA讀得幾好，明年考DSE啦

Mayyuen18

回覆 hugub 的帖子

TTCA轉了校長後，有沒有影響，例如行政，老師流失率。

hugub

Mayyuen18 發表於 17-2-4 15:31
回覆 hugub 的帖子

TTCA轉了校長後，有沒有影響，例如行政，老師流失率。

我個人覺得冇突別影響，老師都冇太大流失。。。

Mayyuen18

回覆 hugub 的帖子

小時了了

Mayyuen18 發表於 17-2-4 15:31
回覆 hugub 的帖子

TTCA轉了校長後，有沒有影響，例如行政，老師流失率。

嗯！大家都知我對另外幾間直資比較心儀及上心，但為了安心我之前都是註冊住崇真先，最後阿女讀邊間，我依家平常心了，真心交由上天安排。

1月我註冊崇真前都有 Mayyuen18 呢啲問題的憂慮及擔心，不竟一間中學十幾年內換了3個校長始終唔係咁理想，3任校長真擔心改朝換代新人事新作風，學校唔能夠有長遠穩定及堅定的信念落實及實踐教育理念，受害的是學生。

上個月我自己花了一段時間在網上搜尋現任校長的資料，當時只片面知道現任校長只在崇真做了校長2年，因為我對她一無所知， EK 好少人談論讀崇真嘅情況及EK 好少崇真資料參考，為了俾自己多啲資料了解崇真及現任關校長情況，我搵到以下的資料後我對現任校長及學校管理層管理學校好安心及好放心了，點解？

1) 現任關校長，原來崇真創校時已在崇真做助理校長，即是她在崇真中學並不是短短 2年時間，而係創校開荒時她已在崇真，她在崇真超過十幾年了，她同崇真一起開始，一起成長，一齊面對及經歷崇真過去十數載的風風雨雨，流言蜚語，她對崇真非常了解。即是她咁多年來深徹了解崇真辦校理念及教學方向，她十數年來都一直有參予及落力實踐。咁即係我唔需要擔心她接任新校長會完全改晒學校所有野了，我亦都唔會咁擔心她會將崇真有翻天覆地嘅大改革。。Pls refer to: 第一屆家長教師會執行委員會 http://ttca-pta.hk/pdf/Circular_2009_2010_01.pdf (關愛珠助理校長)


2) 崇真今年 Brochure http://www.ttca.edu.hk/wp-content/uploads/2016/08/TTCABrochure1617_Web.pdf P.2 有學校現任顧問丘頌云先生 Consultant Joshua Yau, 原來他是崇真創校校長 refer to this web: http://std.stheadline.com/archive/fullstory.asp?year1=2004&month1=12&day1=31&month2=12&day2=31&id=20041231g02


3) 現任校長 Ms. Kwan Oi Chu, Jenny （關愛珠女士）如果我無理解錯及誤會，她與顧問丘頌云先生之前相識及共事超過廿年，關校長與顧問丘先生三十年前已在大埔沐恩中學共事了，純推論，之後二人一齊由沐恩中學跳槽過來崇真中學創校開荒。Refer to these webs: http://www.ilc.edu.hk/ComitWeb/PTA_web/A_schnewsletter/issue/09_200402/html/index.htm ; http://www.ilc.edu.hk/ComitWeb/PTA_web/A_schnewsletter/issue/09_200402/pdf/pg0506.pdf
【服務二十年教師】丘頌云校長/楊永傑副校長/劉仰山助理校長/趙汝儉老師/何順鑽老師/孔雪兒老師/關愛珠老師/伍焯佳老師/鄧萬成老師/容艷玲老師/

真係純個人推論 （唔知係咪真係咁呀，我係咁諗咋），學校管理層顧問丘先生與關校長相識共事超過三十年，佢哋兩個溝通及默契我估無問題，佢哋兩個應該彼此了解亦深，純我個人見解咋，佢哋呢個密切及緊密關係對管理學校非常好及非常重要，因為佢哋可以好一致及好同心咁落實教學方向。如果佢哋關係好似特首梁振英與前財爺曾俊華咁樣不咬絃就不敢想像啊！

4) 以下所講嘅呢點真係純粹個人私人感情原因呀！去年12月尾崇真第一輪取錄時阿女落空，當時自己拿拿淋即刻填寫2間自行中學，其中一間就係大埔沐恩中學。後來崇真來電通知取錄阿女及我係網上搜尋資料時發現創校校長丘頌云校長及現任校長關愛珠校長係來自大埔沐恩中學，感覺好似好親切及有無咁橋呀嘅感覺。

聰明的人

回覆 小時了了 的帖子

Thanks!  :)

Mayyuen18

回覆 小時了了 的帖子

利害，咁都比你揾到。

simbafelix

小時了了返來了！真心佩服！

小時了了

Mayyuen18 發表於 17-2-5 00:40
回覆 小時了了 的帖子
利害，咁都比你揾到。

嗯！再分享多少少我2014年時有關崇真的一啲資料搜集，當年我做呢啲資料搜集時從心底相信崇真係好有 HEART 及堅決心去提升學校的收生素質, 從而希望提升崇真的學術水平。 真心相信崇真堅有 HEART 去辦校，真係未必只睇 ＄＄＄，呢樣野我本人相信以世人眼光去諗真係唔係咁多學校會咁勇氣及勇敢會落實去咁做，因為咁樣做嘅代價係學校每年學費收入少咗超過一百萬以上。不為五抖米折腰我個人認為及相信真係唔係好多間學校有呢個勇氣及決心去咁做。真心堅相信。




雖然崇真係直資需要收學費，有＄＄＄的需要及壓力，但崇真唔會為咗 ＄＄＄ 而勉強收太差學生 e.g Band 3，如果收生時無達標嘅學生，崇真堅有勇氣及落實執行 "寧缺勿濫"，真係唔收的，唔收唔係1個半個，係唔收2班50人嘅中一生，以＄＄＄來衡量以當年學費計算＄＄＄係少了百萬計一年，而學校這樣自動縮2班唔單止係一年的，但持續幾多年我唔係家長唔太清楚喇。我好記得3年前係崇真簡介會，當時校長（即是依家現任匯基東九龍校長鄭建德博士）好堅決咁同在座聽簡介會嘅人(包括我) 講教育局批准崇真開5班，如果學生水平唔達標崇真寧願少收學生都唔勉強咁濫竽充數而勉強開5班,嗰時嗰校長好堅定咁講。因為當年我第一次及第一間中學聽簡介會，鄭校長咁講我以為佢好似 Sales 咁Sales 崇真咋，無諗過鄭校長唔係講咁簡單，係堅真係咁樣做。


以下呢3點資料係 EK 有關崇真討論搵返來的，當年（2014年）這討論我亦在場熱烈討論過崇真，網友唔好問我呢啲資料係 EK 邊度，如果你哋真係好想知道我嘅資料真偽，網友自己花啲時間係 EK 搜尋崇真逐個帖去睇一定搵到以下的資料的。


1) 基崇2008/2009年度 有學生850人，F1學生153人，其中37人來自崇小。http://www.ttca.edu.hk/wp-pages/plan_n_report/School/report_08-09.pdf （已過時，條LINK睇唔到了）
2) 基崇2009/2010年度 有學生814人，F1學生127人，其中29人來自崇小。http://www.ttca.edu.hk/wp-pages/plan_n_report/School/report_09-10.pdf （已過時，條LINK睇唔到了）
3) 基崇2010/2011年度 有學生723人，F1學生107人，其中32人來自崇小。http://www.ttca.edu.hk/wp-pages/plan_n_report/School/report_10-11.pdf （已過時，條LINK睇唔到了）


崇真係艱難時候現任關校長亦在崇真做助理校長，相信崇真面對及克服逆境時關校長身在風暴中。依家她升任校長，純個人意見，相信關校長有心有力去管理好崇真, 我個人意見及感覺係咁諗咋！

Mayyuen18

回覆 小時了了 的帖子

佩服你為女兒做很多預備工作，仔細分析😊

wongkaka

小時了了,
好仔細!!! 勁呀!!!

busyant

阿仔係B2A，試水溫基祟收了，仍在考慮是否參加派位。

基祟成績是B2，究竟等派位好還是把學費用來補習和課外活動。