單一性別學校好處壞處？

Jane1983

回覆 blythe_kiss 的帖子

而家大家都做左亞媽，過了去的事情後悔都於事無補。不如積極點，我們積累了的經驗，希望可以幫到小朋友，做他們的引路明燈。

964000

blythe_kiss 發表於 16-12-5 09:06
我都好後悔，小時候有問題吾識表達，可能轉校會好些都未定。

我同你相反，小學男女校都好地地，中學去了女名津，融合吾到，而且又重文輕理，但我是理科人，到大學有番D男同學一齊玩下先開心番（吾係拍拖個種), 我而家D好朋友都係男女一半，男女傾D野吾同的。

Horsestar

原帖由 mermaidmama 於 16-12-05 發表
我已極有可能會放棄德望呢間龍校

請問你揀了那一間呢？為何放棄德望？有不愉快經驗？謝謝分享先！

Nath

Jane1983 發表於 16-12-5 08:15
香港有band one直屬或聯繫中學的小學，好多都係齋校，這是現實。揀學校係綜合考慮，如果兩間差不多，就會選 ...

我小朋友嗰時就真係好彩，有機會選擇，結果就真係幫佢揀左男女校。有時候見到d 女同學母愛大發咁照顧d 男同學，都覺得好好笑

@綿羊仔

我由小學到中學都係女校, 大專又讀秘書, 都係女仔班. 自覺從來同男仔相處都冇咩問題, 可能課堂以外有結識下男仔掛~ 依家有個好老公~

dereklg

除某幾間專出 gay 佬的男校，或les/tom boy 風氣盛行的/女校，讀男校/女校/男女校大致上是冇咩所謂的，反正是各有各好。

只是做家長，必要明白，男/女相處之道，是有如打哥爾夫/打tennis 等等，是一種技巧，是需要學習過程的。

讀男校或女校，和異性相處機會只有讀男女校的10分1或更少。

一個練習得很少的球手，註定打球是沒有日日持續練習的球手那麼熟練的!

硬要說讀單性別學校對他日異性相處沒大影響，是自欺欺人的。

反而，可以想像，其實讀單性別學校而日後異性相處得還算理想的人。在其成長階段中，以讀女校為例，必有強力男性能量在她的生活之中，例如 : 她的好哥哥，和藹的父親等等。

所以，每位家長在選讀男/女校之前，應稍為注意單性能量是否有過度傾斜，如果有的話，就要好好注意了。

mermaidmama

Horsestar 發表於 16-12-5 11:01
請問你揀了那一間呢？為何放棄德望？有不愉快經驗？謝謝分享先！

只係放棄GH offer, 未讀未有任何不愉快經歷，暫時傾向SFA

宮二

原帖由 dereklg 於 16-12-05 發表
本帖最後由 dereklg 於 16-12-5 12:40 編輯

除某幾間專出 gay 佬的男校，或les/tom boy 風氣盛行的/女校 ...

當真？咁請問是哪幾間呢？

ihui

我小學男友校，中學女校，但我身邊的同學都不粗魯，與異性相處亦沒有問題，大學畢業後數年都結婚生子。我中學會為囡囡選女校，因大家都較專注學習及建立友誼。

dereklg

宮二 發表於 16-12-5 15:47
當真？咁請問是哪幾間呢？

不開名了，請自行觀察，或向已出櫃的朋友查詢

fixedstar99

ihui 發表於 16-12-5 19:38
我小學男友校，中學女校，但我身邊的同學都不粗魯，與異性相處亦沒有問題，大學畢業後數年都結婚生子。我中 ...

睇來大部分沒問題都只系小學或中學係讀齋校，如果小學甚至幼稚園就讀齋校到中學畢業，可能唔多唔少都會有d問題，除非學校以外既異性平衡相當足夠

mermaidmama

CherryCake 發表於 16-12-2 22:37
不計名氣，點解會選同一性別學校？

突發奇想，想請教女校過來人，邊類型嘅女仔係女校會受同學歡迎D呢? 樣靚身材正? 學術型? 才藝型? 男仔頭? 柔弱型? 定係冇性格冇脾氣型?

L+H

mermaidmama 發表於 16-12-6 15:55
突發奇想，想請教女校過來人，邊類型嘅女仔係女校會受歡迎D呢? 樣靚身材正? 學業成績好? 音樂運動勁? 定係 ...

我間女校受歡迎既同學通常係運動最叻或各社既committee, 即係搞活動果d。同樣無關係。通常物以類聚，多野講/搞一齊玩，靜既讀書型既自己一班。
我自己真係無les既同學，大部分宜家結婚生仔，多數都有份工，非ftm, 非常正常。自己是讀書型，但同其他style既同學相處也無問題，是非就去到邊度都有架啦。

mermaidmama

L+H 發表於 16-12-6 16:14
我間女校受歡迎既同學通常係運動最叻或各社既committee, 即係搞活動果d。同樣無關係。通常物以類聚，多野講 ...

靚女係吾係反而容易招惹是非，容易遭人排斥呢?

L+H

mermaidmama 發表於 16-12-6 16:19
靚女係吾係反而容易招惹是非，容易遭人排斥呢?

唔會。反而持靚行兇先有問題。的確有同學被人杯葛，例如作狀、雙面人、發姣不過不會欺凌

gracelam

原帖由 mermaidmama 於 16-12-06 發表
靚女係吾係反而容易招惹是非，容易遭人排斥呢?

我經驗係靚嘅被人排斥，又肥醜又比人排斥，讀書叻睇唔起人，比較受歡迎嘅係運動叻+少少男仔頭。

IMDAD

socute 發表於 16-12-4 08:14
我都是由細讀齋校讀到大，我認為不同性別不同背景的小孩一起成長好重要。若家中有年紀相若的兄弟，都可以平 ...

我剩係想講！女校在香港大多數為教會開辨！我想有申請此類學校家長也知學額難求！小朋友在小學階段求學是首要！至於放假及放學后真的冇機會接觸異性！所以看不出有什麼負面！

porporchi

我本身是co edu 畢業, 所以都想小朋友入co edu, 但最後上主安排了我個女入一名女校

我冇咩所謂, 我職業上大部份都係女校出來, 性格多是文靜些, 咁岩, 個個都婚姻好好

我想帶出既係, 呢幾年多了好多人追求單一性格學校, 我身邊既人好多都刻意咁做, 昨日朋友為了幫p6女兒找中學而煩, 因為佢話想轉去女校, 好驚個女會拍拖, 因為佢個仔中二已經拍拖, 佢心碎了...

說實話, 單一性別既學校又真係少了呢種煩惱既

Felix223

porporchi 發表於 16-12-8 13:57
我本身是co edu 畢業, 所以都想小朋友入co edu, 但最後上主安排了我個女入一名女校

我冇咩所謂, 我職業上 ...

中二就拍拖?? 真係幾頭痛..
所以讀男校/ 女校係比較好過男女校. 少份憂心. 小朋友可以專注讀書.

dereklg

Felix223 發表於 16-12-8 14:26
中二就拍拖?? 真係幾頭痛..
所以讀男校/ 女校係比較好過男女校. 少份憂心. 小朋友可以專注讀書.

人就係咁煩，初中拍拖又話太早，三十幾歲宅男宅女未有拖拍又話頭痛。
上帝見到我地都唔知點安排先好