請教RC家長, 學校教授中文是否足夠

happyfleet

小朋友現時讀國際幼稚園, 喜愛中文書, 在家說廣東話。如果入到RC, 估計只能入pathway 2, 因為認字不是太多。如果中文底線是慢本地學校2年, 那RC中文課程是否足夠不用補習?

當初選RC是因為中文, 但如果小朋友去唔到pathway 3 而最終是要補習, 可能我會選一間近屋企的IS.

Radiomama

回覆 happyfleet 的帖子

你想小朋友的中文去到那一個程度呢?

他喜歡中文書，在家說中文，又是香港人，看來他會在pathway 3。當然，開學後會有assessment分班，每年會review學生進度。

小兒的中文在我眼中也不及格，但一直在pathway 3、升中後是chinese A，我們恨不得他可以被編到chinese B。無論如何，只跟學校進度，媽媽在家督促，小學階段沒有補習，完全可以。

小學中文程度雖然未及LOCAL SCHOOL，但上到中學，深到嚇死人。Y8 (即本地S1)讀: 一件小事(魯迅)，還有豐子愷，近日讀楊修之死、草船借箭(羅貫中原文)。RC中學部老師相當認真，不是普通補習社可比。

ethanmom2012

Radiomama 發表於 16-12-1 15:57
回覆 happyfleet 的帖子

你想小朋友的中文去到那一個程度呢?

國際學校而有如此的中文程度真的好令人滿意!

識得有朋友在St Paul Co-ed 教IB中文, 要同佢地學生一齊考同一個中文試, 相信一點也不容易!

bamalamb

RC嘅中文程度喺IS嚟講真係好高！

想藉此向其他ESF家長請教中文學習方法。請問有無QBS或者South Island School家長可以分享一下中文學習環境嗎？中文亦跟RC一樣分pathway 1,2,3嗎？是否通常香港人，中文認字正正常常(例如Y1可跟到學校認字進度，認到基本爸爸媽媽公公婆婆，學校老師書本，牛羊狗貓之類)，可講流利中文(普通話K2英普班程度)就大至上可入pathway3? 小朋友現在Y1, 中文堂暫時仍未分group, 聽說Y2先分。請問如何不外補，pathway3升上SIS係咪都會Chinese A? 其實A或B我無所謂，只怕QBS教中文無RC中文咁認真，去到中學會追唔上！

另外，請問如果有出去補中文嘅小朋友係用廣東話抑或普通話補？學繁體字抑或簡體？有朋友認為應該先用廣東話學繁體，然後等學校教佢普通話簡體。有一些人就覺得為免混亂，應該跟學校課程只用普通話學簡體。想請教大家意見！

Radiomama

bamalamb 發表於 16-12-1 17:53
RC嘅中文程度喺IS嚟講真係好高！

想藉此向其他ESF家長請教中文學習方法。請問有無QBS或者South Island Sch ...

不要誤會，中文程度高與低是課程安排而矣。IB CHINESE A 就是這程度，不遜於DSE的中文。

不同ESF 學校，能考得bilingual diploma的百分比不同，RC只是多少少，但跟其他名校無得比的。

中學家長不會追求子女留在CHINESE A，我的看法是，量力而為。補習的效用不大。

bamalamb

Radiomama 發表於 16-12-1 18:00
不要誤會，中文程度高與低是課程安排而矣。IB CHINESE A 就是這程度，不遜於DSE的中文。

不同ESF 學校，能 ...

Thanks Radiomama! 明白RC進度原本比較高，所以希望知道其他ESF中學，特別SIS是否差不多或是低一大截！我亦不鼓勵補習，但只想小朋友至少可以stay喺pathway 3，同local程度唔好天與地，程度差兩年亦可以接受...

bamalamb

Radiomama 發表於 16-12-1 18:00
不要誤會，中文程度高與低是課程安排而矣。IB CHINESE A 就是這程度，不遜於DSE的中文。

不同ESF 學校，能 ...

同埋想請教如果Y7 Chinese B係大概教啲乜嘢？Chinese B DP exam 又大概考啲乜嘢？

Radiomama

bamalamb 發表於 16-12-1 18:13
Thanks Radiomama! 明白RC進度原本比較高，所以希望知道其他ESF中學，特別SIS是否差不多或是低一大截！我 ...

所有ESF小學的中文皆以pathway 1-3去分程度，無論在那一間，pathway 3應有相同的程度，只是RC學繁體、其他ESF學簡體字。

至於中學Chinese B 還可細分phase 1-5, 內容不清楚，小兒説：好淺㗎，容易D取高分。

不過老師在家長會已清楚表明，streaming是由校方專業決定，不是學生或家長的選擇。

Activehealth

bamalamb 發表於 16-12-1 17:53
RC嘅中文程度喺IS嚟講真係好高！

想藉此向其他ESF家長請教中文學習方法。請問有無QBS或者South Island Sch ...

其實QBS 同 South Island School (SIS)中文都唔係咁差。

Year 6 pathway 3 教徐志摩作品「再別康橋」，在課堂上唱林宥嘉主唱新版「再別康橋」，學生全都可以不看歌詞整首唱出來，再分段背默, 我自己好似中一正讀。畢業全級 all pathways Year 6 唱王力宏主唱「相信自己」，外國人都可成首唔睇歌詞唱。

SIS Year 8 教「小抄寫員」、文言文「愚公移山」和 「夸文逐日」（出自《山海經.海外北經》。依稀記得我中一中文都係讀「小抄寫員」及「愚公移山」兩篇。

16-12-1 18:47 上傳

下載附件 (319.13 KB)

16-12-1 18:47 上傳

下載附件 (273.85 KB)

16-12-1 18:47 上傳

下載附件 (258.12 KB)

bamalamb

Activehealth 發表於 16-12-1 18:47
其實QBS 同 South Island School (SIS)中文都唔係咁差。

Year 6 pathway 3 教徐志摩作品「再別康橋」，在 ...

多謝兩位！對於ESF有如此程度真的很驚喜！想問問ActiveHealth, 你的小朋友有校外上中文堂嗎？用普通話學簡體嗎？其實學校程度已經超越我嘅期望，如果完全校外不補習是否仍可跟上進度呢？

貝珠

我又聽聞Esf （不是RC)分pathway 考普通話，即普通話聽說冇問題才可以入pathway 3. 是否Esf 用普教中？

Activehealth

貝珠 發表於 16-12-1 19:13
我又聽聞Esf （不是RC)分pathway 考普通話，即普通話聽說冇問題才可以入pathway 3. 是否Esf 用普教中？



  ...

ESF 是普教中，普通話聽與說全不懂只能去pathway 1跟老外一起由頭學起。

很多香港人孩子家裏說廣東話都在pathway 2，一部分是由於普通話問題，但其實讀寫能力才是上pathway 3 的關鍵。

happyfleet

原帖由 Activehealth 於 16-12-01 發表
ESF 是普教中，普通話聽與說全不懂只能去pathway 1跟老外一起由頭學起。

很多香港人孩子家裏說廣東話都在 ...

請問如何可以入到pathway 3? 會以什麼方式評估? 如果入到pathway 3, 我想應該可以保持中文不致太落後本地學校。

貝珠

原帖由 Activehealth 於 16-12-01 發表
ESF 是普教中，普通話聽與說全不懂只能去pathway 1跟老外一起由頭學起。

很多香港人孩子家裏說廣東話都在 ...

但Esf primary 大部分都係由Esf kinder 升上去，中文讀寫真係唔掂喎，咁要自己在家教，才可以入pathway 3 ?

bamalamb

Activehealth 發表於 16-12-1 19:42
ESF 是普教中，普通話聽與說全不懂只能去pathway 1跟老外一起由頭學起。

很多香港人孩子家裏說廣東話都在 ...

我女幼稚園讀英普班至K2，所以普通話未致於零，基本對答還可以。但問題在於繁簡轉換！佢之前一直認字都係繁體，老師如果用簡體去assess佢佢一定唔識答，可能就咁無辜辜上唔到pathway3

happyfleet

原帖由 bamalamb 於 16-12-01 發表
我女幼稚園讀英普班至K2，所以普通話未致於零，基本對答還可以。但問題在於繁簡轉換！佢之前一直認字都係 ...

肯問你女現在是QBS year 1嗎? 老師有提及如何評估嗎?

Activehealth

happyfleet 發表於 16-12-1 20:24
請問如何可以入到pathway 3? 會以什麼方式評估? 如果入到pathway 3, 我想應該可以保持中文不致太落後本地學 ...

ESF 小學（RC & DC唔清楚）Year 1 中文無分pathway, Year 2 才開始分, 靠老師平時上課觀察及評核。每年亦會有機會轉pathway.

阿仔Year 2 中文入pathway 2a,  a 係兩個pathway 中間預備班，睇果年學生情況需要，未必年年有1a, 2a 班，有時有1a, 無2a or vice versa, 有時淨得pathway 1,2&3.

阿仔細個有語言發展遲緩，不能同時學中英文。考慮過我家文化背景及將來出路，選了英語為他母語，所以唯有選IS 有幸入了ESF.

阿仔Year 3 入咗pathway 3, 之後中文到依家Year 8都係最高果班。佢自己在YouTube 不停看普通話卡通片學中文，初時看有英文subtitle 的，之後選中文簡體字subtitle, 最後完全唔要subtitle 靠齋聽同睇。

經過小時語言問題，家裡全家都習慣講英文（每人家的背景不同，不喜勿插！），一直對佢嘅中文無乜期望，跟校內不同的中文老師溝通過，他們都很驚訝一個在家說英語的學生竟能在中文上最高班。但阿仔係完美主義者，一定要做到最好，搵補習老師補中文係佢自己嘅決定，千祈唔好話我迫佢。其實同佢ESF 小學升上來pathway 3 中文嘅同學都唔係個個有補中文，我個仔只係特殊例子，佢自己知道中文係佢弱項，要求我幫佢揾中文補習老師。。

Activehealth

ESF Year 7 & 8 學生除中英文外，還要加修西班牙文或法文。明年Year 9 開始，除了小數將來主修語言的學生會修三個語言外，大部分學生只會在校內修英文，中文/西班牙文/法文三揀一。尤其好似阿仔將來想讀science 為主的學生，學校時間表根本fit 唔落三科science 加三科language阿仔想繼續讀三個語言，可能在校內選西班牙文（他很喜歡但不想在校外學），校外老師繼續補中文（既然已補開），報IGCSE自修生中文，現在還未決定。

Activehealth

bamalamb 發表於 16-12-1 21:01
我女幼稚園讀英普班至K2，所以普通話未致於零，基本對答還可以。但問題在於繁簡轉換！佢之前一直認字都係 ...

老師唔會咁執著繁簡，只要寫得啱，繁簡都可以。

見過唔少QBS 貼堂中文作文，一篇文中繁簡都有，無問題！

happyfleet

原帖由 Activehealth 於 16-12-01 發表
ESF 小學（RC & DC唔清楚）Year 1 中文無分pathway, Year 2 才開始分, 靠老師平時上課觀察及評核。每年亦 ...

非常多謝你的詳細解釋! 生活在香港, 我當然希望小朋友學繁體字, 但明白大部份國際學校中文以簡體為主。。。根據你多年的經驗, 你覺得學繁體/簡體到最後(對中文的認識, 生活上)有分別嗎?