學之園 vs St Cat 點揀好？

connieqq

Horsestar 發表於 16-11-30 20:15
3年前，我也有同樣選擇，1間海逸LH, 1間st cat 羅福道！不過2間都是收英普班，都是考入不是由pn升上k1，最 ...

當時為什麼㨂了 st cat?

Horsestar

其實我的打底是學ballet(增加斯文優雅感)，piano (可以有cert最好)，數(加強反應)，phonics， 畫畫(on and off 學下)，最重要是我每天伴讀中英文書，由K1的講故事到K2開始指着字讀故事，讓阿囡開始認字到現在，我什麼書也給她看，讓她常識豐富，當然學校好多常識學的，她回家也常問東問西！不要以為什麼也交給學校，今年考小一親眼見全部學校都是考學術，看多或少吧！伴讀認字可以打好底的，不用俾錢去補習班學的，以免小朋友辛苦！另外絕多報名時學校已問你有乜課餘activities and awards. 咁有D豬肉朗誦比賽咪報下一，二次玩下，也是我自己教不用外補，以免機械性練習苦了孩子，我是不會迫她的，喜歡就去，唔喜歡就唔去，不過有獎攞小朋友都很開心自滿的！大部份星期日去郊外或公園輕鬆下，做下農務咁，都是取平衡吧！

hilaryashley

我一定會揀SC~

始終係老牌學校, 點比都唔會差過學之園...聽聞比較活動教學及好多presentation..訓練到小朋友自信心好緊要, 學術呢d家長可以幫, 但好多性格發展真係靠環境影響。。。我相信讀st cat點都有幫助~

校舍方面, st cat 比學之園大好多, 最重要有outdoor/公園, 成個感覺開心好多~ 加上我比較鍾意st cat 座落九龍塘學校區, 整個環境都籠罩住書卷氣~

jstarry

Horsestar 發表於 16-11-30 22:33
其實我的打底是學ballet(增加斯文優雅感)，piano (可以有cert最好)，數(加強反應)，phonics， 畫畫(on and  ...

Horsestar

原帖由 connieqq 於 16-11-30 發表
當時為什麼㨂了 st cat?

考慮到歷史，課程適合，口碑，活動教學！我不太認同學深便是好，我覺得小朋友要配合年齡發展，不是你話ok, 佢地就ok, 好多時要配合大小肌肉發展，腦部發展！有些k1要寫字，跟本人類手肌未發展配合就是未配合，迫不來學不好！

Horsestar

也是，樓上已講到，我當初也是考慮到st cat 有outdoor, 對小朋友身心特別重要！我以前以健康及學術平衡為考慮點.

大豬既老婆

busydaddy 發表於 16-11-30 14:08
SC真是咁神？

Victoria KV HKPS LH 寶山 真的全比不上？

其實我唔係覺得SC好神，完全無話過其他學校比唔上。不過in general都係話SC扣門有優勢咁姐，而唔係覺得學校見到SC就會收呢個學生囉。

要拿曬全香港九龍新界既然幼稚園比較嗎，如果住大埔唔見得會報寶山或者鍾意寶山既小學，如果住北角未必會報荃灣既幼稚園同小學，邊有得咁比較？真係完全無意神化SC囉。

maxifoxy

大豬既老婆 發表於 16-12-1 06:49
其實我唔係覺得SC好神，完全無話過其他學校比唔上。不過in general都係話SC扣門有優勢咁姐，而唔係覺得學 ...

寶山收先算，諗多咗。

busydaddy

大豬既老婆 發表於 16-12-1 06:49
其實我唔係覺得SC好神，完全無話過其他學校比唔上。不過in general都係話SC扣門有優勢咁姐，而唔係覺得學 ...

其實我只是想了解一下，名氣有那麼大差距嗎?

因為在我認識的圈子中，大部份人會覺得那些學校也算很好了，學校的實際差別不會比孩子的差別大。

是因為SC的小學關係比其他好?如果計歴史，Vic KV等也是歷史較長的幼稚園，應該不會輸蝕?
LH在年資的確是蝕底一點

大豬既老婆

busydaddy 發表於 16-12-1 08:07
其實我只是想了解一下，名氣有那麼大差距嗎?

因為在我認識的圈子中，大部份人會覺得那些學校也算很好了， ...

我覺得KV Vic絕對唔會輸蝕。
我自己覺得講到底係拼個小朋友既能力多過讀邊間幼稚園，但如果你話真係會出現兩個完全一樣能力，咁或者SC有d優勢。不過講真，好難會有一模一樣能力而又真係要收一個唔收另外一個吧？

如果LH地點方便過SC好多，其實可能俾我都會考慮LH，相反更加係。因為唔會想浪費太多時間係交通上，俾距係公園玩多30分鐘對小朋友發展更加好可能。但如果兩個差不多距離，又一樣係AM/PM offer，咁我可能揀SC。

fixedstar99

purin18 發表於 16-11-30 11:23
回覆 mcdonn 的帖子

我冇諗英文方面，因可能樓主讀LH or SC都唔會外補英文，只少LH可以唔外補普通話及上小 ...

Well said! 半年前，我都仲為小朋友非讀緊名幼而憂心忡忡，經歷完最近三個月既升小大戰，先知只要小朋友天資聰穎，家長用心栽培（栽培不等於外補），普通幼稚園既小朋友一樣可以取得好靚既升小成績（幾個一線名小offer在手）。

So, 不必太糾纏於LH和SC邊個更勝一籌，只需揀一間方便家庭安排的即可。

connieqq

fixedstar99 發表於 16-12-2 22:34
Well said! 半年前，我都仲為小朋友非讀緊名幼而憂心忡忡，經歷完最近三個月既升小大戰，先知只要小朋友天 ...

你怎樣栽培小朋友呀？

luckybaby2011

回覆 Horsestar 的帖子

即係sc都多人外補？你兩間都收、勁！如果兩間、我鍾意學之園、小一透明度高、sc就知出名但始終無咁多資料....

connieqq

luckybaby2011 發表於 16-12-3 14:43
回覆 Horsestar 的帖子

即係sc都多人外補？你兩間都收、勁！如果兩間、我鍾意學之園、小一透明度高、sc就 ...

LH的確好透明！

hoihoima

jstradmoor 發表於 16-11-30 07:52
靑衣 和 奧運 LH 有分別嗎？

兩間課程和教材一樣。青衣校長最有經驗，考小一成績歷年來都比其他分校好。不過青衣校無室外地方，凱帆有，並且聽人講青衣校同商場共用冷氣系統，所以我當年選了凱帆。凱帆校可以在室外空地玩遊戲、燒烤、玩水池等等，小朋友好開心！

agneswyng

本身是LH用家，兩個小朋友讀緊，最滿意的是語境，net全程在課室，小朋友真的很喜愛英文

HaYi

我大的SC 已畢業數年, 己讀高小, 細是SC K3生,  兩個N1分別讀不同的學校 (主要近家), K1考入SC英普, 細的K1當時只報SC,KV 同LH, 亦考到LH 英普, 最後仍選同哥哥一樣之SC英普.  

LH 我看過教材, 又識很多朋友讀, 覺得一定比SC demanding 同教材深.   如同KV, 是一間將小朋友裝備得很強的學校, 入了傳統小學會立即適應, 而且取得高分.   SC 就相對比重在整體發展, 例如語言及自學上, 因此會較受一些較活動自主的直私歡迎, SC畢業生初初未必習慣谷的傳統小學的模式, 亦未必習慣測考之類小學必要的評核.  但入對了多空間發展的小學, SC小朋友會發揮自學精神, 就會如魚得水.

SC 不是神校, 畢業生的確考到不同的神校名校, 亦抽入分配入好多神津名津.  只是如其它幼稚園, 家長的付出一定是主因, 學校提供了一個開心投入的環境去如小朋友自由學習, 家長間都很多互相幫忙, 此是我覺得SC 是其中一間好學校的主因.   

SC 在升小一方面是冇例明一些數據, 但家長群可能比校方更有一手經驗及更新資訊的share 如何佈署.