中文小學升英文中學？

kubbrick

是否很難適應？

NeoMom

回覆 kubbrick 的帖子

睇個小朋友英文底好不好及中學英文的要求, 有D英文中學真係全英文上課(包括閒科)如小朋友聽講唔得便好麻煩, 但又好多所謂英文中學大部份科目都係用廣東話上堂(只係用英文教科書), 咁只要小朋友英文不是太差也不難適應

大貓媽媽

kubbrick 發表於 16-11-22 17:40
是否很難適應？

基本上香港大部分都是中文小學，大多數BAND 1學生都要面對這個問題。如上面的朋友所言，是否適應要視乎學生本身水平和學校要求。
有好些學校連早會、所有宣佈、通告都用英文；
有的除了課堂外，其餘都以粵語溝通；
有的會按中一生的水平，用較淺易的英文上課和溝通；
也有的根本是「偽英中」，讀英文書、考試語言是英文，但上課用粵語。

我覺得最初一定要花點時間適應，
但學生在全英語環境的浸沉下，
應該很快會適應。
我女是中文小學的學生，升上英中，我本來也擔心她是否聽得明白；
但觀乎目前的情況，她上課沒有太大的問題，
我甚至發覺她的英文口語比以前進步了很多。
有時候「逼到埋身」他們就會想辦法去學好的了。

optman88

kubbrick 發表於 16-11-22 17:40
是否很難適應？

其實係睇小朋友。我仔仔睇起上黎冇問題。

ms.aeroplane

kubbrick 發表於 16-11-22 17:40
是否很難適應？

其實好多中學都明白大部份小學都係中文小學，所以都有套for升中一生的適應課程。日日聽，其實好快會適應到。

Honey

自己中一時咪又係中文小學升英中，真係全英，聽聽吓就習慣，現在的孩子比我當時仲多機會接觸英文，起碼有NET，我唔擔心。

KenixSoSum

其實真係要有時間適應,  我個女初初都傻下傻下, 但現在看來適應了英文溝通, 有時候要迫下迫下才學到的。當然成績都一樣,與小學兩回事, 可能科科都唔合格。家長都要時間去適應接受D分數。

妹妹頭

回覆 kubbrick 的帖子

其實, 依家好多小學, 到小五/小六時都係全英文上堂, 以我個女為例, 依家小五, 佢英文老師都已經係一個"竹星仔", 雖然係中國人, 但唔識講中文, 初時阿女都唔慣, 依家上左3個月堂, 佢已經好習慣全英文上堂, 連講笑都係用"英文"

chesswin

去得英中都係B1生多, 學習及適應力都OK的, 我認為不用擔心

YmOra

kubbrick 發表於 16-11-22 17:40
是否很難適應？

小孩子的學習能力遠超大人所想的,在很多機會接觸英文的"語境"下,學校尤如一個小"外國"似的地方,孩子能夠在此成長,務必(事半功倍)呢!有的Band1生可能不用逼亦能自動好快適應到,就算Band2生在如此"語境"成長,只要在孩子可接受可逼的情況下亦能成功的,致於"可逼性"有多強,不要小看孩子們呢!時不時總是會偶爾聽到的例子,孩子無心學習,成績差不在話下,好像長極都唔大咁!父母當然擔心非常啦!唯一出路往往聯想到外國留學,成功畢業回來,能操一口流利英語和學有所成不在話下,那份[長大了],孩子氣盡消的感覺完全令人以為係另外一個人呢!這份""可逼性""就大大彰顯孩子所[[能]]的遠超大人所想的,亦遠遠超過英中的英語適應.

相信我們的孩子,亦相信我們相信的.