05入小一的家長入9598啦~~

叮噹99

Hi 各位,
您們好! 我個囡囡都系9月入小學. 睇住她咁咁細細粒粒都知點算! 快要返學我連書包都還沒有買,我睇過好多款卡通書包總系拿不定主意!一方面好開心她長大了要上小學,但另外一方又好唔四捨得她咁快大個.

bb818

其實我都有同樣感覺，以前佢成日叫我抱我都唔抱，反而衣家咁大個就想抱佢多d。好擔心佢反小學後唔開心唔習慣!!

我見到Dr Kong有幾款書包都幾好，可以睇吓。

cslam

Hi,
我個女都係今年入小學，不過佢係大女，而且好大隻，所以無擔心佢會背唔到書包。
至於書包，我老公兩年前已經買左，等左兩年，終於用得著啦。
我都好擔心佢入小學時o既適應問題，唔單止佢，仲有我，佢傻更更咁，未必知發生咩事，好驚到時係我唔適應咋。

Teresa

我仔好你們小朋友少少，他有55lb，腰圍接近24寸，算是大碼，所以不用擔心背書包問題。

我反而最擔心的，是他的學習態度。他雖然會自己做功課，但就求求其其，而且還常常甩甩漏漏，遺失書、筆、通告。對於老師的説話（例如叫他們請家長準備什麽。。。），他毫不在意，次次都只從他同學父母口中才知道要做什麽！真擔心！

桃子

我囡囡今年都係入小學. 早排 SPI 書包大減價我巳經買左一個比佢. 不過佢比較細粒, 真係擔心佢番學時書包仲重過佢. 我都有擔心佢上小一唔知會點

clymama

Hi！各位好, 我個女都係今年讀 p1, 乜嘢都未準備呀！現在最担心佢自己係學校食飯同無得午睡嘅問題, 因為佢食得好慢, 平曰午睡最小2小時。依家己經瘦......到時咪重瘦......

Bluestar

Teresa,

Mu son is the same in "甩甩漏漏，遺失書、筆、通告', plus head-fing-fing. (sorry cannot type Chin today but you know what I mean)

This is one of the areas in which girls perform much better than boys during primary school.

gobbytse

我仔今年9月都係小一，我仔都大個子，唔擔心書包問題，係超市買8kg米，佢都攞得起，但要擔心的問題，好似好多咁！ :cry:

之前就擔心讀邊問，現在就擔心學校適唔適合佢，深又驚佢跟唔想，淺又驚佢將來差過人；返全日又驚佢下午倦，想睡覺，會發癲；幼稚園老師好like佢，小學老師唔知會唔都喜歡佢。

聽到有學校98.2的平均分都話考不到前三甲，第一名那位，唔知係咪100分平均分，perfect！ 太可怕啦！ 壓力咁大，偶一失手，都唔知點面對。

我小學時好happy架嘛！ 唔多讀書都名列前茅，上堂留心，做足功課就得，日日都有好多時間玩，呀仔就好似一入小學深似海咁，返咗成日學，放學要做功課，跟著溫書，都夜啦！ 一幻想起，就覺得佢童年只有讀書一樣 :-|

突然閙情緒添 sorry!

*Polly*

我個 King 今年都升小一啦!  真是一入小一深似海.  記得半年前他知道有兩間小學已收了他, (一間第一輪自行收生 OK咗, 一間私校) 他不知幾恨立即做小一生. 幾咁 Happy. 可惜他不大喜歡抄寫, 前幾日他同我講唔想讀小學, 因為有好多功課做呀!          我真係好想同佢講 : 呀仔! 点只好多功課呀!  仲有好多默書, 測驗, 考試呀!!!!        

你話呀! 九月点算呢......           

hopehope

我個仔九月又係小一了，亦都係幾擔心佢既學習態度同又係比較活躍多野講，都怕佢會成日比老師投訴，而且又驚佢 ---

- 小息唔去小便
- 唔敢舉手去大小便
- 唔飲水
- 亂買野食同飲，又找錯錢 (暫時或叫佢帶食物盒就算吧)

idyhk

我今年2個一齊升小一,雙重擔心,大仔重好少少,個女到而家仲朦朦地咁,而且好嗲幼稚園o的老師,小小事都喊,唔睇住佢食飯又唔多願食,真係唔知佢上小一可唔可以適應到......

cooyee

My daughter also goes to P.1 next year, the most worrying things are time for toilet and lunch hours.

Snow

我個女都係今年升小一，見好多BK媽咪都推介SPI書包，因為上次miss左佢地個sale，唔知幾時再有?

講起小一暨生活都有D擔心，最近一年心散，又唔專心。  弟時仲有多多默書、測驗、考試，好似打仗咁。

佢而家都好瘦，食野又慢，弟時叫飯盒都唔知佢有冇食，帶飯焗咁耐又唔好食。

諗落好多野要適應!

ydoris

唉,而家仲煩緊d時間.點安排返放學時間.坐校車定姐姐湊.星期六d興趣班可能要改晒d時間,但又吾知幾時先知道星期六使吾使返去活動.小童軍又要返去幼兒院上...驚佢小息吾識去操場...上堂多野講,周圍走吾舉手...上上下堂要午睡....

莎莎

hi, 各位

我仔仔都係9月升小一.  最最最擔心係在校食飯問題, 食到天一半, 地一半,衫又有飯, 地又有飯...唔知點算.  我未買書包, 多數用spi, 好似耐用d.  又未決定搭唔搭校車.

Bambi

你地講得好鬼搞野 "甩甩漏漏", 唔知我地細個呀媽有無o甘話我地呢? 而家我地咪又好地地! 計我話唔擔心得o甘多, 乜都唔好諗!
我仔今日考試, 佢話無咩格, 好似平日做果o的revision paper甘之麻! 好oY! 我就唔催你溫習, 睇你考到乜傢伙返黎! 所以話, 唔諗得o甘多, 正所謂, 人生必經階段也!

JJ1122

Bambi,
你個仔d 排有無成日唱畢業首歌... 嘩, 我覺得好傷感咁, 佢頭幾次唱, 我成鬼日眼紅紅... 大個拿佢地... 你個仔畢業會表演咩?  我個女話跳舞o咼佢.  最衰我地無得去睇啦.  

bb0917

我個仔不知幾"恨"做小一仔, 成日話唔用卡通書包, "要 DR. KONG　藍色嗰隻先靚仔喎”，　又一早選定筆盒，鞋．．我巳經默默地進行”思想洗腦”：　話佢知”家下大個仔，　小一時要同時間鬥比賽，就可以玩多ｄ．．”　佢下下都好似好明白咁，仲叫我放心喎，　真係好似佢９歲表哥咁成熟．不過見佢玩跳彈床成個癲哂，失晒控，我就好珍惜佢呢個可愛樣，佢每晚都氹我同佢爸爸，　話　”要努力．．．做個好乖乖”．　我而家都保持每星期映相，同佢晚晚玩　back-ride，　想留住佢個樣/笑容，第時好好回憶　：）

waisiuchuen

hi ! 你們好,我女兒2005年也升小一了,話時話你地覺吾覺他們試用小一的書包時由後面看,真係好似一隻可愛的小龜,只能看到手腳頭.

Bambi

有呀, 有呀! o的歌詞係幾鬼sad既又! 但阿仔最近又成日唱另一首好似係sound of the music既歌, 有埋動作頭fing fing甘喎! 佢話佢負責打搖鈴喎. 又成日話佢地係根德歌舞團喎! 等我諗起荔園...