對坑真簡介會岑校長失望19/11 10:00-11:00

zmw1031

dreamdream081 發表於 16-11-20 09:30
其實也不一定要net教英文，一般華人老師教幼稚園英文都ok, 但K1一星期只有一堂35分鐘英文實在太少，比大部 ...

人家九真復辦嘅幼稚園就好重視英文，雙班主任其中一個係net，日日都有英文教學環節，都係收4900蚊，比坑真貴千五蚊，但想用千五蚊外補個個星期上五堂嘅英文興趣班，又要好好英文語境嘅，應該好難。

monchichipapa

alanjordan 發表於 16-11-20 12:56
想了解吓你老公去完堅真簡介會，點解會唔想in，發生咩事呀

佢話有家長問：你哋喜歡什麼類型小朋友

堅真校長答：什麼類型都歡迎，但之後補充話：經佢地教出來的學生會好乖，叫佢行右不會行左，他不喜歡這種好似將細路train成機㭜人咁

另外，佢話校長不斷強調冇參加優質幼稚園教育計劃，但依然好優質

同埋覺得校長串

yanpiglet

原帖由 littlestarccm 於 16-11-20 發表
本帖最後由 littlestarccm 於 16-11-20 01:54 編輯

今天坑真簡介會不知是否本人發問不太好!想在場家長或 ...

我有聽到你提出依個問題，都覺得你問得好好，因為我同你想法一樣，我對佢咁答法都有d失望，我唔認同佢既講法，另外如果佢認為小朋友害怕外國人對眼或者表情，因而抗拒學習外語，係應該想辦法去教佢地克服，而唔係搵方法幫助逃避。我唔知佢真係咁諗定純粹搵個理由推搪。

BTW，原先因為撞時間，我係諗住放棄培正見坑真，去左佢簡介會後，我會改變想法喇。

Wuta

yanpiglet 發表於 16-11-20 14:59
我有聽到你提出依個問題，都覺得你問得好好，因為我同你想法一樣，我對佢咁答法都有d失望，我唔認同佢既講 ...

Del

babemi

其實教英文不是一定要金髮大眼，有好多不是金髮的英文也可以很好。

利申，無報，純路過

littlestarccm

我也放棄面試，原因不是語境或课程内容，而是校長的話，校長是代表學校，基本上也是學校的靈魂，而她的想法直接影響佢的教學團隊，明白他們重品行德育，但不同種族人的特質習慣也包含在德育內，衰d講句校長有膚色歧視，我想如簡介會内有外國人家長會如何看看呢？

宮二

原帖由 babemi 於 16-11-20 發表
其實教英文不是一定要金髮大眼，有好多不是金髮的英文也可以很好。

利申，無報，純路過

樓主著眼點不是學校的英語教學，而是校長本身的目光和國際視野。

kukarma

宮二 發表於 16-11-20 19:05
樓主著眼點不是學校的英語教學，而是校長本身的目光和國際視野。

無錯，國際視野好重要。

千語mami

各位，請留意以下幾個重點：
1. 坑真唔係1星期只有35mins英文堂，佢地係一星期35 mins NET, 但每日老師都會環繞NET果個星期教嘅野而再同大家重溫
2. 樓上有人話參加免費幼稚園計劃，個分別只係$2000, 我想話，個分別係"每個學生$2000",  你知唔知坑真total有幾多學生，個total其實相差好多，而唔係你所講嘅只係$2000....
3. 一直以來，坑真傳統都係以德育為先，英文從來不是他們的重點，如果你想要語境，確實坑真唔係你杯茶
4. 其實好多龍校都無學卷(e. g. 培正，SPK, 高主教，民生，德望。。。。) ，而且連NET都無(聖心無net,  SPK,SPN都無NET),  咁代表學校質素差嗎？
5. 其實你地唔去in我仲開心，因為小女報咗今年k1, 越少人去佢越大機會，我都有去簡介會，亦親耳聽到樓主問校長，我真係忍唔住想出下聲，SPK同聖心都無NET, 佢地even無簡介會同大家解釋學校嘅方向，但大家都唔介意，其實學校嘅課程，係因應學生需要而設計，並唔係因為收咗學費定無收學費而定，如果間學校係因為無收你學費而專登教淺d, 而且因為收多返你學費而教返深D,咁呢間唔係學校，係學店，或者係補習社。
6. 祝你小朋友入到一間你滿意的學校

千語mami

原帖由 yanpiglet 於 16-11-20 發表
我有聽到你提出依個問題，都覺得你問得好好，因為我同你想法一樣，我對佢咁答法都有d失望，我唔認同佢既講 ...

如果你驚鬼，你媽媽想你克服，日日逼你夜晚去鬼屋過夜，咁你覺得你會唔會因為咁而克服到？ k1小朋友，如果已經好驚，逼有何用？ 當然，如果你小朋友並唔怕外國人，真係大可以報其他多NET嘅學校，祝你小朋友入到你滿意嘅學校

Chan343

點解佢唔join 優質教育姐，好多人好失望

joeyw

我相信每個家長需要嘅學校都唔同，但係每一位小朋友最需要既學校只有一種：就係建立好良好品德嘅學校,坑真絕對係幫到小朋友建立好良好品德嘅學校，而學術上係令小朋友建立自信，懂得自學嘅一間好學校，呢啲係錢都買唔到

rinarina

回覆 千語mami 的帖子

更正: 聖心有NET, 而真幼生,我識嘅都有出外補英文。（應該話，而家邊有小朋友吾出外上英文班？）
的確真幼重點不在英普。中文認字也不多呢！小孩學得多係家長幫拖。以前有學卷，咁嘅情況好正常。不過上小學%還很高。
其實SPK 課程和真幼差不多，也是冇乜功課，少英普。（NET 也冇），而且SPK 只有80%上小學，如果sister 吾鐘意你，可以連直升小一位都冇。

千語mami

原帖由 penguin8 於 16-11-20 發表
2. 差2000係整學期嗎？
其實吾可以攞政府資助之後吾夠先收學生差额？2000/10個月=交200/月學費？



  ...

no,  下年開始政府無學卷，改咗變免費計劃，所以如果唔join,  就變咗要交學費$33xx咁上下 per month

千語mami

原帖由 Chan343 於 16-11-20 發表
點解佢唔join 優質教育姐，好多人好失望

如果join免費幼稚園計劃，學校收支不能平恒，即係要cut老師，同埋唔可以有NET,校長認為Join咗免費計劃反而令學校質素降低，所以唔join

千語mami

原帖由 rinarina 於 16-11-20 發表
本帖最後由 rinarina 於 16-11-20 21:57 編輯

回覆 千語mami 的帖子

咁聖心會join免費計劃嗎？ 如果會，一係下年開始無net,  一係佢地校舍唔係自己的，要比錢租，所以join 咗計劃都可以收取學費。( 我唔知有無理解錯，如有錯請更正)

rinarina

回覆 千語mami 的帖子

我覺得無必要用猜測來影響其他他人對某學校的觀感。不如在討論區分享事實就夠了。

zhouyier

penguin8 發表於 16-11-20 21:45
2. 差2000係整學期嗎？
其實吾可以攞政府資助之後吾夠先收學生差额？2000/10個月=交200/月學費？



  ...

我諗你冇睇過政府的優質教育政策。優質教育政策講明學校不用交租金租校園，則不能收取學費。

千語mami

原帖由 rinarina 於 16-11-20 發表
回覆 千語mami 的帖子

我覺得無必要用猜測來影響其他他人對某學校的觀感。不如在討論區分享事實就夠了。 ...

沒有猜測，純分享事實，因為我理解的是免費幼稚園計劃並不支援學校聘請NET, 因此如果學校要繼續有NET, 照理應該不能參加免費計劃，或者因為學校校舍要附租金，因此就算參加計劃還是可以繼續收取學費，並沒有任何想影响其他人選擇學校的想法。由此至終我並不覺得一間好學校會因為要交學費而令家長不去選擇它，之前亦有很多幼稚園退出學卷計劃，但亦不影响它們的收生數目。