朋友的囡囡有"大腦麻痺症"，有無其他小朋友一樣？

超級魚

Bell,

囡囡咀咀損, 有無比藥佢渣....

超級魚

BELLFOK0318

超級魚,

有呀~~ 醫生開左bonjela比佢搽~

不過佢日日間唔中都會咬~~ 比較好難先會痊癒~~

bell~~

超級魚

BELL,

我仔仔都係用bonjela, 另外耳鼻喉科醫生加多一隻比朗朗, 渣完bonjela, 後再渣另外一隻藥上面, 等佢唔係食佐d bonjela...

超級魚

BELLFOK0318

超級魚,

另一種係乜野名藥膏

BELL

超級魚

Bell,

對不起, 最近工作很忙, 所以現在才回覆....

隻藥叫 "kenalog in Orabase"
因為佢寫住 "毒藥" 所以一定要醫生開先好用, 而且一日只可以渣2次(早、晚各一次), 你可以問問醫生意見, 唔好自已用, 藥房都未必有得買...

這星期囡囡好點未? 朗朗今日跟學校去科學館參觀, 佢好開心...

超級魚

BELLFOK0318

超級魚,

唔緊要啦~~ 工作要緊~~

我會mark左個名下次問醫生開先~~ 因為我亞女間唔中僧咬自己個咀唇~~ 呢兩日我睇住佢就暫時無咬損~~~

我昨天比左亞女返中心~~~不過中心姑娘同護士都好關心亞女問亞女:點解病左甘耐呀!! 好返哂未呀!~

亞女到目前為止都有兩聲咳+少少痰聲, 不過亞女d大便仲係糊狀, 我見亞女d大便仲未靚返~~ 都唔比佢係中心住宿~~湊左佢返左屋佐~~ 到佢臨訓時又痾左一次大便不過好結身~~

我唸亞女呢個星期唔返中心~~等佢佢屋企休養下先~
  本身自己會唸心中心d姑娘唔會比自己甘留意亞女會幾時咬自己~~而去即時阻止佢~~ 同埋d姑娘都擔心亞女甘痾叉會怕佢有腸胃炎~~傳染比其他小朋友~~又怕亞女染到其他小朋友的菌~~~

唉~~ 仲好~~ 放多一個星期~~~ 我湊日返左part-time...返到差唔多7:00過去樂富湊亞女~~ ada姑娘話亞女聽到我按門鍾就喊~~~ 好似知我黎左接佢走~~ 到我係中心抱佢時~~ 佢一路喊一路撐起對腳~~ 有d忟憎~~ 點知上左的士就好安靜~~

比佢激死~~~

bell~~~

BELLFOK0318

超級魚,

亞女尋日下午六點幾又發燒38.6度~~~ 到今日早上六點有39度~! 有咳+痰~~ 睇左醫生~~ 醫生話佢傷風感冒~~可能天氣太焗~~ 醫生話到明晚會退燒~~

BELL~

BELLFOK0318

超級魚,

今日亞女全日都無發燒喇~~ 同埋下午出左亞葉醫生到傾下亞女問題~~~

傾左一個鐘~~~ 就係叫我們等埋7月中去聯合覆診睇下會唔會幫亞女做D檢查~~

如果聯合無意幫亞女做 或者D期排得太耐都可能都亞女不利~~ 如果葉醫生幫亞女係私家做內窺鏡只收$5XXX , 假設亞女食道有發炎跡象即係亞女被胃酸焯傷左 , 即時可以做埋防止胃酸倒流手術(微創)+肚臍小腸氣+左邊大脾小腸氣=$20000(係葉醫生所收費用) 醫院住院費+麻醉藥+手術室+雜費另計等等(約$5XXXX~~) 葉醫生已經計平左好多~~

今日係診所見佢都無收費~~ 佢真係好好人呀~~

**你最近真係好忙呀~~

你仔仔最近點呀~~

天氣好熱的亞BELL~~

超級魚

Bell,

好貴喎, 咁聯合覆邊科醫生? 可否將葉醫生的建議同聯合醫生講, 睇下可唔可以係醫院做?

朗朗發燒, 爸爸又有小小病, 所以我都好忙....佢又有d氣喘, 好擔心佢又會肺炎....

超級魚...

BELLFOK0318

超級魚,

好開心~~~收到你回應~

我今日已經麻煩左葉醫生幫我們寫封信7月返聯合外科比聯合果邊醫生...睇下佢地會點按排~~ 我都想係聯合做到~~ 真係貴呀~~ 對於我黎講都好吃力~~~

好似我甘~~~ 亞女病~~ 我老公又病~~ 唯有自己唔可以病~~ 我病左就無人照顧亞女~~~ 我真係慘呀~~

如果朗朗有d氣促要睇醫生會好d~~~ 又加上發燒怕佢會抽筋就好麻煩~~

我亞女睇開旺角中心潘錦輝醫生, 佢星期日上午都會開診~~
佢睇哮喘一流~~~肺炎都ok呀~~ 我亞女係佢到睇都得~~唔駛入院~~ 做甘多野~~ 又要抽血 ... 抽小便等等~~

我只係比較idea比你~~

希望朗朗快d痊癒~~

好累的bell~~

超級魚

Bell,

如果朗朗有事, 我地多數帶佢入院, 因為有好多好多次都係睇完西醫之後, 都要入院, 所以我會選擇有事就直接入院啦, 而且工人姐姐可以幫手照顧哥哥。

謝謝你的建議, 我都希望聯合可以幫你掛到個期早d做測試, 為你禱告。

超級魚

BELLFOK0318

超級魚 ,

你係唔係通常會入急症室睇左先會收入院呀~~

你又好啦~~ 有個工人姐姐可以幫到手~~~  如果有人可以幫到我~~我都會同亞女入院~~ 可惜自己都無能力請工人姐姐~~ 亞媽又住得遠幫唔到手~~ 雖然話同老爺奶奶一齊住 , 但係佢地要返工~ 無辦法~~~ 可以幫到手~~

亞女已經早兩日無咬咀~~ 唔知點解剛剛又咬左兩次~~ 令我對佢有d心淡~~~ 又加上佢老豆~~ 都好少可以幫輕我~~ 令我更加唔開心~~~ 因為佢唔多識照顧亞女起居飲食~~
有一個自私的老公~bell~

超級魚

Bell,

朗朗入院了....

昨日我帶他上聯合, 因為佢氣喘, 聯合好多人, 普通証要等3個半鐘, 但朗朗入急症後即時可以見醫生, 照完肺片都不用半小時就上了病房.....

兒科醫生話肺片無花(但急症話肺片話佢有少少花), 揪血驗, 報告話朗朗血色素低, 暫不知原因, 所以今日會再揪多一次血, 如果都係低的話, 就要輸血....好煩...

超級魚

BELLFOK0318

超級魚,

朗朗~~ 有無發燒呀~~ 係唔係只係氣喘??? 通常急症醫生會話肺片有少少花~~ 但上病房會有醫生話無花~~ 一個個醫生經驗~~~

點會無端端血色素低, 唔緊要啦~~ 朗朗都入左醫院 , 總比留家中安全 , 有乜野事有醫生同姑娘 , 不用太擔心~~ 為你禱告。

唉~~~ 我亞女都唔知又發生咩事~~ 又咬自己個咀~~ 又加上佢D大便又係糊狀~~ 次數為持3-5次~~ 佢已經斷斷續續3個幾月喇~~

唔知係唔係主要亞女返佢身邊呢???

有時我會唸亞女早D走~~ 係唔係對佢對我們係一種解脫呢?

真係唔想亞女時時刻刻受病魔的折磨~~ 之前已經有D醫生已經同我講左 CP 最大致命傷係肺炎引起其他併發症 , 又加上亞女仲係先天性腦部發育得唔好~~ 更加難以估計~~ 最近亞女身體一日比一日差的時候~~ 心就會好難過~~

為何上天比左一個小生命我們 , 但又要考驗我們的毅力 , 更加又要她受種種痛苦呢???

BELL
~~~

超級魚

Bell,

醫生未找到朗朗血色素低的原因, 而家佢係醫院輸緊血, 下午會有外科醫生同佢做評估, 之後盡快安排做內規鏡手術, 睇下係咪胃出血引致血色素低的濟....好彩朗朗的主診陳醫生到病房探佢, 並即時幫佢安排盡快做內規鏡...有機會今晚就做...

其實, 無人可以預計小朋友或大人有任何問題, 每個人都會有佢自己的問題, 只是在那方面, 我都唔明白神為何要朗朗如此, 但是, 最重要的是我在祂裡面有盼望, 佢已經為我安排佐好多好好並且好高級的醫生為朗朗診斷, 而且, 朗朗的每一日都係賺返黎, 我會好珍惜佢...

超級魚

BELLFOK0318

超級魚,

朗朗係唔係今晚有得做內規鏡呀!!!. 希望早d搵到原因就可以對症下藥喇~~~

神會倦顧朗朗~~~ 不用太擔心~~~

bell~~

fan-fan

超級魚 & Bell
你知道嗎? 從四月起一直有留意你們的messages, 你們這份照顧子女的愛心及堅持, 令我很佩服, 而且亦是我的精神支柱!!

我的BB現在個多月大, 是一名早產BB仔, 醫生已証實BB腦組織於出生前已嚴重破壞(多數因為由我高血壓引起), 加上曾經腦出血令腦部積水, 於上週已做了手術, 醫生說BB將來會好大機會講唔到, 睇唔見, 聽唔到, 手腳都會不能移動, 他現在依然在醫院....

我個心依然好痛....好怪責自己        

fan-fan

超級魚 & Bell
你知道嗎? 從四月起一直有留意你們的messages, 你們這份照顧子女的愛心及堅持, 令我很佩服, 而且亦是我的精神支柱!!

我的BB現在個多月大, 是一名早產BB仔, 醫生已証實BB腦組織於出生前已嚴重破壞(多數因為由我高血壓引起), 加上曾經腦出血令腦部積水, 於上週已做了手術, 醫生說BB將來會好大機會講唔到, 睇唔見, 聽唔到, 手腳都會不能移動, 他現在依然在醫院....

我個心依然好痛....好怪責自己        

超級魚

Bell,

真係一波三折....

昨天外科醫生已於2時多見了朗朗, 朗朗可以先食野(佢已2日無食野, 溗係吊鹽水...佢又得番7.幾kg), 但係工人姐姐於5點幾餵佢食野時, 佢緊張得濟, 咬碎佐條膠匙羹, 醫生怕佢吞佐落肚, 要立刻照x光, 仲要佢留醫多一晚, 好心痛.....

外科醫生話佢的失血情況並不正常, 因為無理由上次入院(10月)到今次入院血色素由12跌到得番6....外科醫生懷疑因為腸的部份增生了一個結膜, 以致佢慢慢滲血, 而滲血的情況是人肉眼看不到的, 所以我們不能察覺....如果化驗結果真是這樣, 就要做手術切除, 仲要全身麻醉, 如果不是結膜增生, 就要再想辦法查清楚, 是什麼原因引致失血....而失血情況會令佢氣喘, 所以要盡快解決....

心煩煩
超級魚

BELLFOK0318

fan-fan,

好多謝你有睇呢個topic~~ 又更加多謝你讚我同朗朗媽咪~~ 其實有好多野都係時間同環境迫出黎的~~ 又加上母愛係與生俱來的~

你都不要自責自己 , 當你決定要左一個小生命開始 , 到佢臨盤生果一刻 , 都無人可以預計到之後會發生乜野事~~ 就算本身自己有高血壓 .... 或者其他病 .... 你的婦科醫生都會話比你知要左呢個小生命會唔會影響佢長來發展~~ 因為呢d野無一個醫生可以百分百保證~~~

請你現在不要追究是否自己的責任令到你bb甘樣~~~ 你e+唯一就係要好好照顧你bb , 就算你bb將來會好大機會講唔到, 睇唔見, 聽唔到, 手腳都會不能移動 , 都不要放棄佢~~~ 如果連自己父母都放棄佢 , 佢就會好慘~~

好似我亞女甘~~ 到e+3歲都講唔到, 睇唔見, 聽唔到, 手腳都會不能移動 , 又加上佢最近成日會咬自己咀 , 咬到流哂血依然唔放~~ 睇到佢一來會好忟 , 二來會好心痛~~ 有時都會唸過放棄佢~~ 但係唸一唸 .... 佢自己都唔想~~ 又可能神比自己兩公婆一個考驗~~~

不過作為媽媽真係好辛苦照顧一個甘樣的小朋友~~~ 每個月都會有不同的覆診 .... 佢得幾個月時自己一個人仲可以帶住佢周圍去睇~~ 當佢有2-3歲就會辛苦d就會一定帶bb車~~

而家你唯一可以做就係點樣令到自己接受自己bb係一個永遠不會長大而要媽咪長期照顧的小寶貝~~

不懂開解人的bell~~~