final result 公佈方式

baody2

我地都係無收到信既一個（有second in） 星期三一睇無信就打去問下係咪一次過寄曬信 巨地話係 我仲問左有無reject信 巨地話乜信都有 已經寄曬 。星期四又收唔到 又打多次去問 巨地話等多一日 如果今日仲收唔到先再打去學校問 結果今日都係收唔到 由一點開始一路打電話去學校 但係電話都係無人聽。（一直打電話既原因係今日係最後一日交留位費同報導向班）見到好多人話有second in 但係收唔到信 有d話無second in又收到信 咁即係有得second in 既人唔一定係高人一線，反而有可能係要觀察多你一次 所以先叫我地小朋友去上一個半小時既堂觀察我地既小朋友。咁好喇 我地堂又上左 家長又見埋，咁點解連一個答覆都唔俾我地，甚至今日連電話都唔聽呢？我明白呢間學校因為要俾人參加大抽獎 預左好多人會放棄個學位 所以俾好多人上定導向班先。但係學校有無考慮過我地呢d收唔到任何答覆既家長既心情？無論你係reject 我，或者係想等d正取留曬位俾曬錢，又或者等有得上導向班既人報曬名，最後有得淨先通知我地，咁唔該你出封信話俾我地聽我地係後備，要等電話通知，或者唔收我地。唔寄信， 唔聽電話，咁你點解要收我三個信封， 又話自己一次過寄曬d信。真係覺得呢間學校admin好混亂同不負責任，本來見巨地學校舉辦導向班俾小朋友上，幫巨地適應小一，覺得呢間學校好有心，有俾大抽獎，以為巨地好體諒家長，宜家完全係好失望。未聽過有一間學校係咁樣收生架，睇返forum，14年既時候又係有呢d情況出現（second in完無信，無second in又收），咁即係學校一路都係用呢個方法黎收生。完全失望至極！！！

evelyn86

電話都費事打,浪費小朋友家長一個早上的時間，連答覆都沒，學校本身好有問題。

cnineboy

baody2 發表於 16-11-18 23:52
我地都係無收到信既一個（有second in） 星期三一睇無信就打去問下係咪一次過寄曬信 巨地話係 我仲問左有無 ...

感覺同你完全一模一樣。開頭也覺得這間學校很有心，現在對她非常失望，並非因為落選，而是學校做法真的很有問題，完全不顧及家長感受。

purple3sky

cnineboy 發表於 16-11-19 11:18
感覺同你完全一模一樣。開頭也覺得這間學校很有心，現在對她非常失望，並非因為落選，而是學校做法真的很 ...

同你地一樣，完全唔明點解無2nd in反而有得上，我地有2nd in反而乜消息都無。咁究竟我地係已經reject咗?但按道理我地有得2nd in唔係應該比無2nd in大機會?

Wkf213

我都係有second in,而又收不到信的，不過豁達D諗,可能自己小朋友好叻叻呢,連導向班都唔洗上,星期一收信話收咗,不過其實我覺得最大問題係一間小學嘅校務處可以打足幾日都無人聽係好有問題囉,如果有在讀嘅學生家長有緊要事通知學校,咪通知唔到

bluigugub

我亦只能同意。我也是出席完 2nd in,  但全無消息。嘗試打電話，但從未接聽。學校說明11月 16日公佈結果，取錄與否，也應該讓家長知道。整個小一面試過程對家長和小孩已是很大挑戰，學校又可必要徒添大家的壓力呢？ 坦白說，對這次的處理方法感失望 。。。

kkcnine

當日校長係second in 個日，小朋友上去上堂時，校長同家長講，你們放心啦，對小朋友有信心，他們係千幾人揀出來的！我當下感覺係，呢班小朋友係最top 個120,但而家諗返，他呢個說話，係一個fact only,但無話係最top個120人！但有offer 既，就係呢班人中的某一部分！真唔明個玩法！

我已當自己係被reject！他幾時出信都無乜所謂！係有點無奈！

baody2

回覆 kkcnine 的帖子

我個日都聽到 所以我地小朋友有得second in係高一線個批 宜家睇黎唔係

snoopyman20

想邀請所有有2nd in 而未收到信嘅家長細讀以下嘅校長訪問，你哋嘅小朋友都係叻仔，只係學校不適合佢哋

https://iknow.hkej.com/php/article.detail.php?aid=15491
校長講<我覺得老師的責任是教學生，而不是選叻學生。我們從來不收叻學生，甚至會收有學習障礙學生。>

chansiub

其實學校的安排是真的有點怪，我也不排除書記表達能力差。學校其實會一路不停call人上堂直至下年一月。

snoopyman20

chansiub 發表於 16-11-20 10:27
其實學校的安排是真的有點怪，我也不排除書記表達能力差。學校其實會一路不停call人上堂直至下年一月。



  ...

其實校長喺導向課第一日有解釋2nd in完之後，發現有啲小朋友真係唔適合喺聖類斯，適合啲活啲嘅學校

chansiub

其他家長是不滿意不被通知。可以理解。

snoopyman20

chansiub 發表於 16-11-20 15:09
其他家長是不滿意不被通知。可以理解。

但都有好多家長不滿，其實暗地裡覺得有份2nd in 的小朋友質素肯定比沒有的高，不明為何佢哋反而有得上導向課，所以想藉此解除佢哋某些疑慮

baody2

回覆 snoopyman20 的帖子

其實開頭我真係唔明點解有second in 的反而唔收， 而收左無得second in既個d，而學校又唔肯去解答我地既疑慮。不過睇左你post既個篇校長訪問，我既疑慮已經解開左，校長要既係安靜，坐得定既學生，咁我覺得唔收都無所謂，因為可能真係唔適合。不過我地好多家長最不滿既其實係唔俾答覆我地，如果你都係仲未收到信既個個，你應該好體諒我地呢班家長既感受。

snoopyman20

baody2 發表於 16-11-20 21:07
回覆 snoopyman20 的帖子

其實開頭我真係唔明點解有second in 的反而唔收， 而收左無得second in既個d，而 ...

我成日覺得學校想留後路俾自己，可能預隨時有人唔上堂退出就即刻搵返你哋，所以係都唔出信住，之前好似真道都係死拖爛拖唔知係reject定waiting,搞勁耐先有封正式email

evelyn86

今日先收到信話係備取生，大家有沒收到信？

feifei_815

今日收到信，備取生+1，起碼都仲有機會

baody2

我昨天收到信 備取生

TallBBMa

baody2 發表於 16-11-23 18:58
我昨天收到信 備取生

我今日都未有信

cantona2001

咁最後收到信做備取生，有無得上導向班？