德望 vs 真道

JoGoMa

Everylittle 發表於 16-11-9 23:34
真心請教, 兩間有offer, 難以決擇. 女兒比較活潑, 但亦受教, 會接受規矩, 屬於較被動, 如現階段做功課要 ...

Good Hope.  始終大路啲，萬一轉出嚟都容易啲。

lovebb2

pekkle321 發表於 16-11-13 22:30
我有三個表妹在GH讀，三個由小到大都努力讀書，最後一個科大，一個去左英國讀大學，一個去左澳洲讀大學。GH ...

6x分就要轉校? 是被迫?

hosuper

pekkle321 發表於 16-11-13 22:30
我有三個表妹在GH讀，三個由小到大都努力讀書，最後一個科大，一個去左英國讀大學，一個去左澳洲讀大學。GH ...

十分同意！選擇一間適合小朋友的學生！建立自信和激發他們對學習的興趣！

bananaGi

lui 發表於 16-11-10 12:05
應該糸最啱

pekkle321

lovebb2 發表於 16-11-14 06:57
6x分就要轉校? 是被迫?

不想說人家的，現在已經夠可憐了！
我只想樓主知，朋友知小朋友未必合適該校，但因名校兩字和覺得學校選得就一定可以所以入讀，結果現在忙到c, 佢同小朋友都唔開心！
希望樓主想清楚先決定！ 能力夠，性格又啱GH當然好好，但若不是，真道也是不錯選擇！ 但要清楚真道不是後備，11年課程，5年小學6年中學，要預左5年小學並不是hea過的！ 樓主好好想清楚！

mcl203

呢間唔係易讀...果間又唔可以hea過...其實有幾大分別 ??....

cecilia.wilson

回覆 mcl203 的帖子

任何考ib 的學校，其實對小朋友自己學習能力及思考能力要求很高。在真道要hea 過,最多應該只會叫你不要讀11年最後考慮讀12年，但如果唔努力，學校未必會逼你，只會不斷鼓勵。當然成績冇保證。要考得好是需要付出很多的。
在一些傳統名校，就算你唔做學校都會要求你做。

其實好睇你小朋友現在的態度。如果佢本身是很好學的人，其實讀邊間都無所謂。讀傳統學校反而有個好處就係佢會遇到更多同佢一樣努力學習能力高的人。
如果佢本身不是很自動自覺，咁你就睇下你想學校幫手逼下，定係你想等佢慢慢建立自學態度。
有些人唔逼得，越逼越衰，學校鼓勵下佢可能佢又真係會做到。
但係又有啲人你唔逼佢佢真係唔做，白白浪費11年光陰。

兩邊都各有好成功和好失敗的例子。
所以樓主要諗清楚自己小朋友適合什麼

retriever

pekkle321 發表於 16-11-13 22:30
我有三個表妹在GH讀，三個由小到大都努力讀書，最後一個科大，一個去左英國讀大學，一個去左澳洲讀大學。GH ...

唔係話gh唔好，可能我老土，亦得罪人，去英澳讀書，唔表示真係好讀到書卦？❓


記得之前有帖計宣道昇中率，將去耀中，去英美加澳昇中，歸類為band 1A

真係奇。

retriever

uglyghost 發表於 16-11-14 00:59
認同。用入U率來比較不實際，講緊既系十年後既事，到時教育制度都唔知已經變成點，也可能選擇出國留學。況 ...

入U率僅係統計數字，純跟統計數揀校，當然唔係靠譜。但違反統計數字去做決定，亦唔理智！

但話10年後唔知咩世界，所以入U唔駛理？ 好似又唔係好通。

retriever

mcl203 發表於 16-11-14 12:08
呢間唔係易讀...果間又唔可以hea過...其實有幾大分別 ??....

咪學習過程不一樣囉。

本來細路天生係鍾意學習架，好奇心，探索就係學習既動力。

學習忙都可以愉快，睇下咩方式姐。

mcl203

retriever 發表於 16-11-14 13:22
咪學習過程不一樣囉。

本來細路天生係鍾意學習架，好奇心，探索就係學習既動力。

即係表達緊乜 ??......

飛天紅豬俠

真道測考無太大壓力，每教完一個topic便會小測一次。
4年班，數測 14條題目，每題 0.5分，滿分7分。
無名次，小朋友無壓力。

retriever

mcl203 發表於 16-11-14 13:25
即係表達緊乜 ??......

即係人生出來係鍾意學習架。
有d學習方式非常無癮。

有d雖然忙，仍然有學習動力，因為有趣。

retriever

飛天紅豬俠 發表於 16-11-14 16:18
真道測考無太大壓力，每教完一個topic便會小測一次。
4年班，數測 14條題目，每題 0.5分，滿分7分。
無名次 ...

真道既評價幾兩極既，認識唔少朋友細路緊。

正評既都係對課業昇學無太大要求既朋友，主要係學習好主動，返學極開心。

miujoey

cecilia.wilson 發表於 16-11-14 12:30
回覆 mcl203 的帖子

任何考ib 的學校，其實對小朋友自己學習能力及思考能力要求很高。在真道要hea 過,最多 ...

幾歲人仔, 未試過唔知屬於邊類形, 考到名考不防一試, 唔係好大機會後悔,  因為真道家長真是要十分了解及認同學校理念才適合入讀,如對學校沒有足夠信心,會一路讀一路好多疑慮, [size=18.018px]見議你選good hope , 留番個位比d真係好想入讀真道的家長, 需然我囡都是讀真道的.

cecilia.wilson

我自己是名校出生，我贊成傳統名校好多經驗是一般學校比唔到的。
所以一般家長如有傳統名校收，我一定支持。因為這些機會不是人人有，係一般學校可以入大學，但學校不只是令你大學，仲會俾咗好多無形的野你。
只不過我睇返我以前的同學，現在個個出嚟做嘢，又不見得一定會比其他普通學校的人叻好多。
反而身邊好多好成功的朋友，都未必係名校出身。
名校會將你提供到一定水平，但很多名女校反而限制左學生嘅潛能。
（當然神校另計，因為好多讀神學的朋友，講返學校為佢哋嘅安排，我覺得佢比佢哋嘅體驗和思考段練一定唔會比讀國際學校/ib 的少）

cecilia.wilson

回覆 miujoey 的帖子

如果樓主冇心理準備用真道方式去教導小朋友，可能傳統學校更適合你。
但這裏加插一啲題外話，2000年教改後，其實就係針對住香港教育模式本身限制了小朋友思考的機會。
因為世界變得太快，無人擔保到名校畢業生一定生存到，所以所有新派教育，全部都係敎學生能力，不是教知識。

近幾年ib 在全世界的認受咁高，就係因為這是一個考能力的制度。（當然每個國家的接受度不一樣）
我大女時，我只報ib學校，奬都冇抽，就係覺得世界趨勢之後會變得仲快。唔想迫小朋友在傳統學校讀左10幾年之後發現同世界需求的能力有差距。

各方面我都喜歡真道，唯一樣會令我15，16的，是我會選擇埋學校同學的質素。因為學習是互相影響的。
這一方面好明顯，GH會比較優勝。
真道有些家長是不明白真道理念，以為學校是happy school, 所以白白浪費了光陰。身邊有朋友的朋友便是讀得很差的例子。父母現在非常後悔當初的抉擇

mcdonn

cecilia.wilson 發表於 16-11-14 18:16
回覆 miujoey 的帖子

如果樓主冇心理準備用真道方式去教導小朋友，可能傳統學校更適合你。

題外話請教，見你有替細女報傳統小學，因為細女較適合傳統小學？IB 較適合某類小朋友讀？想學下嘢，謝。

poonseelai

cecilia.wilson 發表於 16-11-14 18:16
回覆 miujoey 的帖子

如果樓主冇心理準備用真道方式去教導小朋友，可能傳統學校更適合你。

十分同意世界變得太快，學習的模式亦要改變。以往知識由老師傳授，今日google一秒已可找到，現在反而是資訊泛濫，如何選擇有用資訊和作出分析等变得更重要。芬蘭教育一直獲高評價，它將會是全球第一個國家先由高中開始取消subject, 用 interdisciplinary approach 去分析事物，分析二次大戰可由地理，歷史和數學角度去學習。芬蘭教育水平高仍持續改進去適應世界改變，有時我唔明為何香港有不少學校仍十分着重背書，默書等。

cecilia.wilson

回覆 mcdonn 的帖子

大女讀啟思，我喜歡佢係ib (pyp), 加上生命教育做得好好。因為大女細個經歷左我離婚嘅階段，大女好多心理需要，要搵一間可以照顧到佢心理需要的學校，同時間又唔可以限制小朋友發展潛能，所以我覺得啓思好適合。（啓思第一屆已經有滿分，今年都好似有個入咗牛津，雖然平均分唔夠其他學校好，但係咁係因為佢哋有教無類，好同唔好嘅學生都不斷鼓勵）同埋我識有d大學教授也專登比小朋友也在裏面讀，所以我對學校完全信任。
但係今年經濟好差，啟思雖然收咗細女，但係兩個加埋學費我頂唔順，所以細女只好幾線發展睇吓最後有乜揀。
如果唔係讀ib 學校，傳統學校我個人選擇是有能力培養高階思考的學校。我會比較喜歡一條龍校，因為學校唔需要谷小朋友找好嘅中學。我唔知道GH中學同小學有幾大關係，但真道就完全可以唔使跟考中學遊戲去玩，變咗學校可以做佢哋本身想做嘅嘢。
當然還有一些個人因素，如地點，學費，同埋學校重點。
所以我都會報宣小，因為喺啟思隔離，加上重音樂。
我又有音小，（因為是音樂+情緒品德一定好）。
另外有報cky, 價錢上比啟思平少少，但學校資源比啟思多。加上有gcse.
仲有dgjs, 因為嗰啲女仔高階思考發展能力好好。

所以冇話邊間好邊間唔好，每個人的需要不一樣。如果係大女，就算神效收我都唔會俾佢讀，因為佢一定underachieve. 情緒心智都未成熟就要出去同人爭，一定死梗。啓思各方面支援真的很好，這兩年幫我解決好多問題，令佢可以係各方面發揮得好好。
這些全是個人分享，沒有對錯。講咁多只係希望大家好好分析自己現有情況