想考私校

OnHo

好驚２００６年派位唔理想, 所以想幫幫仔仔考私校打底,但佢除左怕醜D, 所參加既課外活動亦不多(學校的舞蹈班(已停), 畫班同珠心算班, 仲有就係新近學既跆拳道班)佢英文會話同普通話亦不太好, 只係數學方面好醒(已曉九因歌&負數概念），　想問下各位媽咪：可否指點迷津?有無好提議供我去參考一下？
多謝多謝!

Teresa

OnHo,

其實不一定要你仔仔上各類琴棋書畫課程來增加入讀私校機會。(這些都是家長付錢就得到的活動）

雖然這些課程“可能”有幫助，但私校多數會用作“參考”，不會特別重視在個別課程上的“成就”（除非是全港、海外認可的證書）。你的仔仔只有四五歲，你能期望他有怎樣的成就？

如果你想在報私校時有把握一點，你倒不如去做些資料搜集，看看有哪些私校是你“心儀”的，再集中“研究”一下這些私校的style，了解一下他們希望收什麽特質的學生（例如：academic strong? Outgoing personal character? Good in music/sports?)，然後再加以針對性訓練仔仔，令他的面試表現好些。

我想以你仔仔的情況，要加強訓練他面對陌生人開口説話，加強自信心才是！

OnHo

Dear Teresa,

首先多謝你既回應!
此外, 請問你可否建議我用D"甚麼"方法去訓練仔仔去面對陌生人或陌生環境?   

Teresa

OnHo 寫道:
Dear Teresa,

首先多謝你既回應!
此外, 請問你可否建議我用D"甚麼"方法去訓練仔仔去面對陌生人或陌生環境?   

你仔仔可以上一些學講故事的課程、小司儀訓練班、合唱團或話劇團、小童軍。又或者向幼稚園老師提議，要求給他參加學校的小型講故事比賽或表演活動（縱使那只是一個閑角色！）。

自己平日多鼓勵仔仔和鄰居/看更/街坊打招呼，給他機會“幫你”買東西、落order叫野食（因爲他要自己面對陌生人説話和表達）。

nc2000

OnHo
我囝囝又係比較怕醜+慢熱+被動, 為左訓練佢呢方面, 我今年暑假, 同佢報讀唔同類型既summer course, 希望佢能夠獨立d, 主動d, 特別比佢學d動態既, 活動d既course, 唔好淨係學術性, 只係坐係到聽, 無乜互動, 我諗都可以練大d佢地個膽

OnHo

nc 2000,

其實我都幫仔仔報左一個共6節既暑期唱遊班, 依家想再安排一D動態既活動俾佢, 好似考慮緊"Teresa"所建譏議既"講故事班"咁!  雖然我驚未夠多元化, 但又驚個仔仔會吃不消, 好矛盾呀!

不過, 真係好多謝你同"Teresa"可以咁迅速俾到回應俾我!  你地知喇, 千禧BB競爭大, 我個仔仔又唔係特別精叻過人, 所以作為媽咪係事前可以做既, 我都希望可以幫到佢!

nc2000

OnHo
唔駛客氣la, 大家都係千禧mama, 身同感受既,我都為囝囝選校而煩惱, 我地做到既就係盡量加強小朋友既自信心, 又同時希望阿仔有d運仔, 可以讀到間好學校la, 祝千禧mama 同 d仔女 好運!!   

yilamma

我囡囡都係d好怕羞又細憺的人,今年我幫囡囡報小一時都好驚佢唔掂,點知佢入到最心儀既直資學校.希望我的經驗幫到你.

1. 我刻意為囡囡報咗幾間要面試既小學,讓她知道面試是甚
     麼回事
2. 上bk收料,知道有關小學的面試內容,讓佢有心理準備,可以
     的話給佢一些回答問題既建議
3. 同佢傾,理解要揀呢間學校,讓佢也喜歡呢間學校
4. 順其自然,唔好比太大壓力佢,讓佢發揮平時的表現

其實,私校不是太難入(唔知係唔係今年出生率低),我幫囡囡報咗數間私小,間間都有得IN,間間都收,有一間重叫家長唔洗擔心無位,無位未開多班囉!我想學校安排面試,都係學校想見吓小朋友,睇吓小朋友有無大問題卦.

nc2000

yilamma
請問你幫你囡囡報了邊幾間學校, 邊間咁好話實收呀?
你囡囡都好叻, 間間都考到

Teresa

yilamma 寫道:
我囡囡都係d好怕羞又細憺的人,今年我幫囡囡報小一時都好驚佢唔掂,點知佢入到最心儀既直資學校.希望我的經驗幫到你.

1. 我刻意為囡囡報咗幾間要面試既小學,讓她知道面試是甚
     麼回事
2. 上bk收料,知道有關小學的面試內容,讓佢有心理準備,可以
     的話給佢一些回答問題既建議
3. 同佢傾,理解要揀呢間學校,讓佢也喜歡呢間學校
4. 順其自然,唔好比太大壓力佢,讓佢發揮平時的表現

其實,私校不是太難入(唔知係唔係今年出生率低),我幫囡囡報咗數間私小,間間都有得IN,間間都收,有一間重叫家長唔洗擔心無位,無位未開多班囉!我想學校安排面試,都係學校想見吓小朋友,睇吓小朋友有無大問題卦.

我都係用同樣策略:

1. 我刻意為囡囡報咗幾間要面試既小學,讓她知道面試是甚
     麼回事
=> 本來報左5間, 當中只有2間心儀.  看過對上一年面試schedule, 為了遷就心儀2間面試, 特意安排其他明知係較早日子面試既學校去做mock interview.  但... 人算不如天算, 3間學校在同一個星期面試 (而其中最早面試2間就係最心儀既學校), 激c.....

2. 上bk收料,知道有關小學的面試內容,讓佢有心理準備,可以
     的話給佢一些回答問題既建議
=> 呢個好緊要.  我就搜集哂各大小學既past interview questions, 遠至2000年既問題都有, 為的係睇下心儀小學面試題個trend (好似會考咁!).  到時唔中10題都應該中7題啦.  o係云云面試題中, 我覺得最難答係: 點解爸媽想你入呢間小學呀? (難度好高, 因為唔可以叫小朋友"背"個好大人既答案話佢地係名校/媽咪唔想大抽獎/學校有好多課外活動... 太明顯hardsell既"model answer" 喇!!!) ... 各位: 諗下點答啦!!! 據我仔interview後"盤"佢, 佢話有問過呢條.

4. 順其自然,唔好比太大壓力佢,讓佢發揮平時的表現
=> interview前一兩日, 我地唔同佢practise interview, 只係同佢玩, 務求佢心情靚, 所有既家庭紀律都免哂.  Interview當日, 因為要早起 (9:15interview), 一早叫醒佢, 一路食breakfast一路開tv比佢睇佢最鐘意既cartoon (預先錄左, 不過冇比佢知!), 等佢有驚喜, 個人心情好, 精神好, 然後出發.

FISHMA

各位BK媽咪, 我都係今年9月為小囡選小學, 但對大抽獎冇信心, 都想買個保險報定私小, 有冇家長對以下私小可提供意見.
1. ST. FRANCIS
2. KOWLOON SCHOOL.
3. 聖母
4. 德雅
THANK YOU!

nc2000

請問大家知唔知私小/直資係大約幾時派表及面試架? 可以睇邊度會一目了然呢?(bk當然會部住la)

wanleung

Hi On Ho

Would you pls provide me any information/where to get this "九因歌".

Thanks,
Wanleung

Charlotte_mom

FISHMA
我同事個女係讀緊聖母既, 佢話間學校好cute架:
1. 唔派form, 要自己寫信去request, 如果"過到關", 佢就會send form黎, 如果"過唔到關", 學校就會send返信, 多謝你對佢地既興趣
2. 收到form既家長, 就要填左form, 連埋portfolio一齊寄返去, 唔會有interview, 學校遲d就會通知收唔收

所以, 一定要o係封信同portfolio下功夫呀

OnHo

Dear Wan Leung,

我係向書局買D拍子簿, 跟全住佢後面既九因歌練習, 仲有就係買一D乘數既大大張Poster貼向屋企度門一由得佢自己唸, 自己讀!


OnHo