用戶登入
用戶名稱:
密      碼:
搜索
教育王國 討論區 資優教育 你地小朋友都是記性好好嗎? 小時候有問過生死問題? ...
查看: 5194|回覆: 28
go

你地小朋友都是記性好好嗎? 小時候有問過生死問題?

Rank: 5Rank: 5


3142
發表於 16-11-7 08:45 |顯示全部帖子
本帖最後由 Bobo1210 於 16-11-17 08:07 編輯

Rank: 6Rank: 6


5716
發表於 16-11-7 10:21 |顯示全部帖子
阿囡4歲都問過我,那時不知是情緒特別敏感,我在EK日記中有記下。

現在明白亦體諒她,會小心自己的言語舉動會否令她不安。亦盡量給她體會家人的愛,在學校遇到事情要她講述出來,輔導她如何面對。

記得之前有人提及mindset,學習以外,處理孩子對人事抱住正面的態度。

點評

準媽咪   我都想睇, 可以請教點可以睇到嗎 ?  發表於 17-1-20 18:24
Bobo1210  謝謝提點!睇左你日記了  發表於 16-11-8 08:21

Rank: 5Rank: 5


4617
發表於 16-11-7 14:43 |顯示全部帖子
Bobo1210 發表於 16-11-7 08:45
我囡5歲記性好,朋友小朋友係資優,說我囡可能係。
宜加小一,英文串字很快、老師中文讀默課文,佢自己背默 ...

我仔同你個女一樣,4一5歲已問類似這些生與死的問題,又係記性好,是資優。

Rank: 11Rank: 11Rank: 11Rank: 11


39407
發表於 16-11-7 15:59 |顯示全部帖子
記性好,資唔資優都好,讀書都係好著數。

講生死,可能係睇書、睇電視或者返學有人講起類似的話題,觸動小朋友某d感覺。其實無所謂,你可以開心見誠同佢講吓道理,我女細個都好多千奇百怪的問題。你好錫佢,又係佢primary care taker,在愛的基礎下,講乜都可以。

點評

Bobo1210  恩thxx 我囡上星期問左我3次呀  發表於 16-11-8 08:23

Rank: 6Rank: 6


9329
發表於 16-11-8 13:38 |顯示全部帖子
Bobo1210 發表於 16-11-7 08:45
我囡5歲記性好,朋友小朋友係資優,說我囡可能係。
宜加小一,英文串字很快、老師中文讀默課文,佢自己背默 ...

我女3歲多已有提起生死的問題,有次説不想我老去和死,因為以後會見唔到我
有次又突然話「I don't want to die」
另外佢記性都好好,起碼好過我,我以前都好好,生完個腦好似退化了

點評

準媽咪  "...生完個腦好似退化了..." same same   發表於 17-1-20 18:25

Rank: 4


642
發表於 16-11-8 17:42 |顯示全部帖子

引用:我囡5歲記性好,朋友小朋友係資優,說我囡

原帖由 Bobo1210 於 16-11-07 發表
我囡5歲記性好,朋友小朋友係資優,說我囡可能係。
宜加小一,英文串字很快、老師中文讀默課文,佢自己背默 ...
我女2歲幾知道人死左會再見唔到,會去天堂。不過系因為之前見到朵花死左,跟住問我咩叫死左?點解會死?死左會去邊呢? 我都照答。所以明白咩叫死。記性好好,不過系某方面,唔系對所有野都記得特别好。特别系讀過既書,老師教過既野,教一次就可以記得晒。我覺得丫女整體黎講都算聰明既。



點評

Bobo1210  甘你囡讀書一定好叻  發表於 16-11-9 10:22

Rank: 5Rank: 5


2192
發表於 16-11-9 01:05 |顯示全部帖子

回覆樓主:

我個仔,小一時已經同我講:佢係天堂,望到我好耐;跟住佢已經同天父講,要做我既仔,之後去排隊黎地球,排咗好耐先到佢。
PS我同個仔有信仰。
唔遊過去係個人選擇。不過我唔係雞,殺我黎警猴就好過份。我唔覺我需要對b6有幾好囉

Rank: 6Rank: 6


9329
發表於 16-11-9 07:31 |顯示全部帖子
chowqv 發表於 16-11-9 01:05
我個仔,小一時已經同我講:佢係天堂,望到我好耐;跟住佢已經同天父講,要做我既仔,之後去排隊黎地球,排 ...

我女都有講過,佢兩歲多已提過自己以前在天上飛,見到媽媽,我地從來冇講過呢D野,好奇怪。

Rank: 5Rank: 5


3142
發表於 16-11-9 09:56 |顯示全部帖子
Jane1983 發表於 16-11-7 15:59
記性好,資唔資優都好,讀書都係好著數。

講生死,可能係睇書、睇電視或者返學有人講起類似的話題,觸動小 ...
係呀!資唔資優都好,最緊要開心!同呢版小朋友比,佢算普通人
係wor! 突然想起好耐之前睇左本書,講媽媽睇住小朋友長大,最後媽媽頭髮白了,坐係露台,我囡就哭了。

囡話唔想我頭髮變白、唔想我塊面有一條條,話好肉酸

之後久唔久會講唔想我老,上星期又喊住話唔捨我我老⋯佢可能驚我死左陪唔到佢,我才擔心,上來問問。

佢尋日又問啦!我話我老左你都結左婚,跟住佢話唔結,甘我話不如變返bb啦!佢又話好呀!跟住又無野~

救命


點評

準媽咪    發表於 17-1-20 18:27

Rank: 5Rank: 5


3142
發表於 16-11-9 10:14 |顯示全部帖子
本帖最後由 Bobo1210 於 16-11-9 10:14 編輯
964000 發表於 16-11-8 13:38
我女3歲多已有提起生死的問題,有次説不想我老去和死,因為以後會見唔到我
有次又突然話「I don't w ...

我fd幫我問左心理學家,話資優問生死,正常。
請教你一樣野,我見你在另一個帖講photographic memory?咩黎架?

一年前我囡考starter時,我問囡點解你可以甘快記得哂d英文字點串,佢話佢印左入個腦度?甘就記到。

我個時心想:係咪吹水,點影印?




Rank: 6Rank: 6


6308
發表於 16-11-9 10:47 |顯示全部帖子
回覆 Bobo1210 的帖子

你囡無吹水的, 佢地無論中英都看得好快,  你會發現默書係佢地强項。佢地好復雜的字都串到。
不過死亡個個都驚, 基本上到佢差不多十歲, 佢都會因為怕我死已喊, 我女重有好多古怪想法。好彩佢唔知那裡聽來, 自殺的人上不到天堂。我最怕係我走左, 佢會想跟我一齊, 所以佢一講我會話我走左會係天堂到等佢。

我女話人一定要有希望, 當你無希望的時候, 死神就會接近你。

Rank: 6Rank: 6


9329
發表於 16-11-10 19:43 |顯示全部帖子
Bobo1210 發表於 16-11-9 10:14
我fd幫我問左心理學家,話資優問生死,正常。
請教你一樣野,我見你在另一個帖講photographic memory?咩黎 ...

Photographic memory, 即刻望完D野,好似張相咁印了入䐉,有不少畫家,photographer D人都有。好多小朋友有,大大下如果不用,就慢慢消失了。我自己小時都有,我記得中學後讀理科,不再依賴死記慢慢就冇了,我C6話佢小時也有,我和某些朋友説開也記得有,但有些人就話冇印象有過。我覺得小學有幫助,高中大學就沒有大幫助了,除非你的工作需要圖像記憶

點評

Bobo1210  Thx! 明白了  發表於 16-11-11 08:42

Rank: 5Rank: 5


3142
發表於 16-11-11 08:44 |顯示全部帖子
chowqv 發表於 16-11-9 01:05
我個仔,小一時已經同我講:佢係天堂,望到我好耐;跟住佢已經同天父講,要做我既仔,之後去排隊黎地球,排 ...
之前公海有個關於胎內記憶既帖,有無睇過呀?

Rank: 4


992
發表於 16-11-15 11:11 |顯示全部帖子
我仔有次話話唔想阿媽落地獄。

Rank: 3Rank: 3


453
發表於 16-11-15 20:40 |顯示全部帖子
阿囡K2的時候都問過。親戚的小狗死了,我地就同佢講小狗上左天堂了。冇幾耐,有親人過身,佢就記起,上天堂的事,佢就問埋在泥土裡點上天堂。跟著就要解釋一輪

Rank: 2


50
發表於 16-11-16 00:24 |顯示全部帖子
Bobo1210 發表於 16-11-7 08:45
我囡5歲記性好,朋友小朋友係資優,說我囡可能係。
宜加小一,英文串字很快、老師中文讀默課文,佢自己背默 ...

我個仔4歲半,亦有很多這類問題,雖然很多人説佢資優,但始終太細,唔肯定。
之前我同佢講下新聞,話大熊貓死左,佢會聯想到我
同佢睇oxford reading tree, 講world war II, 解釋乜野係war 時,佢即刻問我香港有冇,世界仲有冇..
總之好容易帶入一些很殘酷的話題令佢唔開心,而且可持續一星期,返學想起會哭,
當其時我同你一樣,很擔心,佢咁細個,就想到咁多負面野,性格咁敏感好辛苦wor.
我開始避開呢d話題,但避無可避
之後同一個讀幼兒心理的朋友傾過,其實小朋友有這種思維,我要好好輔導佢,不要block 佢的feeling,
呢d都係情感上的成長。
的而且確很多資優生性格出現問題,負面情緒也是其中之一,但如勿論係咪資優都好,做家長都要學習怎樣輔導佢。我朋友話香港對sen, 資優支援很少,所以真係好靠家長自己。


(我都係早幾日同朋友傾完,今日先上呢版望下,希望了解多d,睇下唔同意見)
我可能會報讀兒童情緒管理課程,或聽多d講座,留意下應該點同小朋友一同面對呢種情感。





Rank: 5Rank: 5


2273
發表於 16-11-16 11:39 |顯示全部帖子
我小朋友都係呢種人,學校老師都察覺,都係話要好好開解佢,做父母既講野要好小心,唔係佢地好易諗埋一邊,增加負向思想,不過無人話佢係資優

Rank: 5Rank: 5


3142
發表於 16-11-17 08:05 |顯示全部帖子
本帖最後由 Bobo1210 於 16-11-17 22:56 編輯
LucyVanPelt 發表於 16-11-16 00:24
我個仔4歲半,亦有很多這類問題,雖然很多人説佢資優,但始終太細,唔肯定。
之前我同佢講下新聞,話大熊 ...

Yes ! 終於有人明我講咩⋯見住佢喊住講唔想我老,我都想喊,我囡無你小朋友問甘多呀⋯
最緊要囡開心


Thx all⋯



Rank: 5Rank: 5


1080
發表於 17-1-13 16:57 |顯示全部帖子
Bobo1210 發表於 16-11-9 10:14
我fd幫我問左心理學家,話資優問生死,正常。
請教你一樣野,我見你在另一個帖講photographic memory?咩黎 ...

本帖最後由 bennyeva 於 17-1-13 16:59 編輯

請問樓主有冇問埋專家,如果個小朋友問生死,家長應該有乜嘢方法去開導佢哋。睇書,講道理,定係有其他方法?

照直同佢地講生老病死嘅人生道理,定係加啲宗教性質,話佢哋上咗天堂呢?如果描繪天堂嘅美好太多,我又驚佢誤以為死亡係好事。但如果太過負面,又驚影響佢情緒。

我小朋友而家四歲,三歲嘅時候已經開始問呢d問題,一開頭我都係逃避,諗住佢唔會再問,之但係佢又好好記性,記得我之前答佢嘅答案,而家我都唔敢hea 答,但又唔係好知點答,都只係答上左天堂之類。

佢而家好似理解死亡係乜嘢意思,亦都會問我一啲生物死咗之後,我地食佢會唔會好痛,我只係答佢死咗之後食,就唔痛了.....我都好想知道應該點答。

今日我去咗書店搵左幾本圖畫書,係有關生死嘅, 如果佢再問就俾去睇囉, 我又唔知佢明唔明囉

Rank: 6Rank: 6


9329
發表於 17-1-14 10:56 |顯示全部帖子
bennyeva 發表於 17-1-13 16:57
本帖最後由 bennyeva 於 17-1-13 16:59 編輯

請問樓主有冇問埋專家,如果個小朋友問生死,家長應該有乜 ...

有時我都係答答下引開話題