如果係收都唔會讀嘅學校，報嚟做乜？

hkpama2011

眼見身邊有啲朋友或者呢到嘅爸媽都漁翁撒網式咁報小學，十幾二十間，但有好多學校其實都唔同類型，有啲人甚至表明某學校收都唔會讀，寧願到時大抽獎，咁點解要報呢！報咁多間，大人小朋友都辛苦，為乜呢！

利申：我自己只係報左6間，2間有 2nd in, 2 間reject, 2間等結果。

ainnai

原帖由 hkpama2011 於 16-11-06 發表
眼見身邊有啲朋友或者呢到嘅爸媽都漁翁撒網式咁報小學，十幾二十間，但有好多學校其實都唔同類型，有啲人甚 ...

.

iamiris

hkpama2011 發表於 16-11-6 13:26
眼見身邊有啲朋友或者呢到嘅爸媽都漁翁撒網式咁報小學，十幾二十間，但有好多學校其實都唔同類型，有啲人甚 ...

有d人話要當warm up wor。有D要集郵。有d話收左小朋友唔like wor

利申:我報左11間，呢11間边間收都會讀。現在已收6reject, 1 3rd in, 1 offer

釘釘

平心而講,報了6間,即使6間收晒,你都只會讀一間,你都會取捨.即係心中都有個排位.係咪間間都100%鍾意呢?
如果6間得一間收,又係咪一定會讀那一間而不去抽獎?
5,6間真係OK,係考慮到大人同小朋友都疲累.但係真係好多人報十間左右.因為唔知邊間會收,收左又要再去比較.
當年小朋友去考5間幼稚園,得一間收,仲係我最初冇諗過報的學校,但係入去發覺好好.如果我冇考,我會後悔架.
其實一直以來係個制度玩我地,唔係我地想玩死自己.

陽光點的歌

我自己估因爲有某些人會覺得讀直私會比官津好所以務求中只少一間所以要報好多好多間。

甘恩

第二次玩考小一遊戲，所以真的明白報那麼多間意義不大，始終小朋友只需一個學位，幾多offer都無用。第二，自己亦不會有那麼多心儀小學，報那些一定會讀的便夠。

利申：報9間，6間 2nd in，1間reject，2間未知。這9間那一間有offer，都開心。

hkpama2011

釘釘 發表於 16-11-6 13:38
平心而講,報了6間,即使6間收晒,你都只會讀一間,你都會取捨.即係心中都有個排位.係咪間間都100%鍾意呢?
如果 ...

你都有你嘅道理嘅，只係我覺得報咁多好辛苦啫

我報嗰6間，是但一間收嘅話，我唔會大抽獎，因為我真係考慮過先報嘅！

hkpama2011

甘恩 發表於 16-11-6 14:10
第二次玩考小一遊戲，所以真的明白報那麼多間意義不大，始終小朋友只需一個學位，幾多offer都無用。第二， ...

我都仲有個細，過多幾年，可能又要玩多一次，我就係唔知自己只報幾間嘅策略啱唔啱

釘釘

回覆 hkpama2011 的帖子

咁你真係好好!其實交表填表都好累!
我只係報了五間,所有大家眼中一線冇報,因為我小朋友好內向,讀學券幼稚園,根本不適合玩面試遊戲!
但係問題係大抽獎不由我控制,所以我考慮地區,學費,同埋少少佢能力,報了五間.九龍塘小學未報,本來諗住會報,但係,佢已有OFFER,不再會報了!

總結1reject,2 2in,1 offer,1未考.
我好意外!我從來唔知佢性格同學術可以入到2in。
2in兩間仲要南轅北轍，原來唔係我覺得佢係乜就係乜架！
呢個係我同佢考小學的得著。

appledai

平過讀面試班。我第一次見工的時候，腳都會抖，不知道說什麼。in了n次之後，已經知道該怎麼說，一點抖不緊張

hkpama2011

釘釘 發表於 16-11-6 14:34
回覆 hkpama2011 的帖子

咁你真係好好!其實交表填表都好累!

恭喜你，有offer，個心又定好多
你都好好，有深思熟慮過先報

alanyue

小朋友是需要warm up，我小朋友去Interview中丶後期表現較之前好

淘寶

hkpama2011 發表於 16-11-6 13:26
眼見身邊有啲朋友或者呢到嘅爸媽都漁翁撒網式咁報小學，十幾二十間，但有好多學校其實都唔同類型，有啲人甚 ...

其實報幾多間都唔係一個大問題。我信現實中真係會有人報2X間而無出聲。

問題係啲post同回覆都好騎呢同好寸, 又要問, 有人答唔啱聽嘅就唔理或寸返人轉頭, 又要晒命, 要問料又唔付出先係最討厭。

最慘係知佢hold住唔放, 又話最心儀A學校, 之後又話B學校

係煩。

caramelpudding

報得嘅、有offer都會讀。
講真，報名前冇人知自己會有幾多offer，雖然心中會有一個priority list，但始終呢個直私遊戲，主要都係學校揀人、多過學生揀學校（有嘅，可能就係個幾百個攞到好多offer的小朋友），每人都有自己諗法及策略，正如每間學校都有自己的理念，無須challenge 別人的做法。

pirudi

caramelpudding 發表於 16-11-6 15:51
報得嘅、有offer都會讀。
講真，報名前冇人知自己會有幾多offer，雖然心中會有一個priority list，但始終呢 ...

完全正確！加上放offer時間也會影響take 唔 take, 不能一概而論。但是做人真是要有同理心⋯⋯

hkpama2011

報得有offer都會讀嘅，當然無問題啦，我係唔明，有啲明知自己寧願大抽獎都唔讀嘅，都報嗰啲為咩啫！

我自己而家一個offer都未有，而且仲有個細嘅，諗緊到左細嗰個係咪應該改變策略，我其實純粹想討論一下，了解下大家嘅諗法，唔係想challenge 任何人，可能我表達得衰啦，引起誤會，唔好意思！

Felix223

hkpama2011 發表於 16-11-6 16:57
報得有offer都會讀嘅，當然無問題啦，我係唔明，有啲明知自己寧願大抽獎都唔讀嘅，都報嗰啲為咩啫！

我自 ...

估計D明知報咗唔會讀的人，有可能係當私小面試係熱身，到時抽不到心儀小學，可以叩門時有心理準備。

kkckk15

hkpama2011 發表於 16-11-6 13:26
眼見身邊有啲朋友或者呢到嘅爸媽都漁翁撒網式咁報小學，十幾二十間，但有好多學校其實都唔同類型，有啲人甚 ...

起初想法同你一樣但in完之後心目中的排列表跟未in前完全改觀。主要係因為見到啲products(學生) 同manufacturers (老師）後改變了。唔好咁快下結論。

eli_leung

有人報不心儀直私其實博取 waiting , 作失手大抽獎時方便出求情信

Potato001

我將學校分為四類
1）最心儀的直私（近屋企）
2）自行分配，最心儀的津小, 會做111
3）入唔到自行的津小，也想入讀的直私（離家較遠的）
4）放乙二的津小
5）冇心儀津小收才讀的直私（校車時間較長/學費較貴）

如果（5）的直資在自行前有offer, 就會出現收咗都唔讀的情況，因為註冊咗就不能自行和大抽獎。