用戶登入
用戶名稱:
密      碼:
搜索
教育王國 討論區 小一選校 小一面試有感…
查看: 41468|回覆: 139
go

小一面試有感…  

Rank: 5Rank: 5


1166
發表於 16-11-1 22:45 |顯示全部帖子
本帖最後由 JoyceNgYY 於 16-11-2 10:41 編輯

我見大家都差唔多完成了大部分直私面試,想開一個輕鬆topic大家分享吓… 綜合自己及各方好友今年考小一既經驗,得出以下結論… 不過要聲明一下,無意針對個別學校架,不喜勿插﹗

報名篇︰

1. 最簡便 - St Paul Boys
呢間應該係我印象中唯一一間可以完全網上攪掂,用Visa即時比埋錢,仲要唔洗再郵寄任何文件既學校,值得一讚﹗而且亦好體貼地為那些不能網上交表既人,可親身到學校交亦得。

2. 最old school - 培正
今時今日仍然堅恃傳統要先寄去索取表格,等佢寄比你,然後再親身交form既學校。

3. 最先進 - TSL
佢地網上系統真係好完善,有學校自家Apps 之餘,網上一交完表已立即更新你交表既status 落個PDF 度比家長參考,而且有QR Code比你去便利店交錢,甚至親身去交文件時,大堂個screen顯示輪侯號碼同服務櫃檯,令我以為去咗某電訊公司既service center﹗

4. 最體貼 - 褔建附小
可以係網上比家長揀時間interview,雖然培僑,CKY都可以,但褔建附小揀完後侮都仲比改,抵讚﹗我亦十分欣賞佢勇於挑戰學校既system loading,明知10月8日有差唔多10間學校面試,包括佢地,都夠膽比人以first come first serve 形式網上揀時間,結果係點?個system唔洗幾分鐘已經…

5. 最墟冚 - SFA
並唔係因為佢報名人數最多,而係佢得一日收表,兼得一日面試(係最多學校面試嗰日),學校又要好大方咁話比大家知,依傢交表係會幾點in,結果攪到學校核心外圍充斥住大量家長,每人都手持一份野(form),又不時講電話報告現況,唔知既話以為去咗投注站門外﹗

6. 最神級 - SPCC
佢神級到一個地步係,係你收到面試信既一刻前,都唔能夠確定邊幾日係面試日期,但當你收到信既時侯,不足一星期已要去面試,仲好可能係閒日… 不過即使係咁,大家仍然心甘命抵,絕無半句怨言。另外,我相信佢好有可能係唯一一間面試會蝕錢既學校,因為佢除咗唔收報名費之外,我相信俾咗留位費,但最後放棄唔讀既人應該係寥寥可數既。

簡介會篇︰

1. 最有娛樂性 - YW
呢點都唔需要我多講,Snoopy 校長講talk 既能力,不用置疑。但其實播道校長亦唔差架。另外有個攪笑位係優才個簡介會好強調係嗰度教書係筍工,攪到我想轉工多過幫阿仔報小一咯。

2. 最落力 - 啟思
個校長幾乎全場由頭帶到尾,2個多小時,仲要每場面試又重頭講一次。

3. 最容易登記 - 真道
呢間係印象中要爭得黎,個system又頂得順唔冧既,其次係YW,最難既應該要數播道。不過又有啲學校簡介會唔洗點爭都有,如救恩,SMC等。

4. 最難爭 - 港同,男拔
港同係抽籤既,聽聞有人用7個名去抽都抽唔到1個。至於男拔,也不用多說,年年都有人通宵排隊聽第一場,但最有趣係相差2個小時既第2場,係唔洗點排都有得聽架﹗

5. 最敢言 - 救恩
救恩校長敢作敢為相信大家係佢決定退出TSA已可見一斑。我好喜歡校長一句「唔明點解啲學校要in 2,3 輪,又要見家長,難道你地(家長)會講一啲我唔啱聽既說話?點解要大人細路都辛苦?我唔係好得閒花太多時間去面試架咋﹗」真係要比個like 佢﹗

面試篇︰

1. 最快手 - 禮賢,SFA
史上最快,只要見小朋友15 - 20分鐘已可揀出學生,勁﹗另一間SFA,可以係短短1日,朝9晚3點半,見哂接近三千個學生,效率都好高。

2. 最淹悶 - SMC
呢間係一路收表(收足半年),一路面試,又陰啲陰啲出2nd in甚至offer既學校,但如果未被甄選既,可能等幾個月都無聲氣,連想知幾時會有結果都唔知﹗

3. 最估唔到 - DGJS
呢間面試題目真係無得tip,連摺衫去廁所都考埋,估你唔到﹗

4. 最巴閉 - 高主教
所謂巴閉,係面試當天,差佬封路封到連學校條街都唔比駛入。

5. 最有娛樂性 - YW ,CKY
YW 家長係等侯期間,仍然有Snoopy校長同YW仔表演娛賓,小朋友走既時侯仲可以比$100拎走架飛機,CKY則有副校長表演棟篤笑,另外優才有吹氣彈床比小朋友玩亦抵讚。

6. 最辛苦 - 男拔
面試要先帶小朋友排隊上山,之後家長要落山等候,再上番山接番小朋友然後落山,最開心既應該係附近茶餐廳。

7. 最爽快 - 港同,漢華
港同 In 完一星期已出result,唔洗左等右等,輾轉難眠﹗(多謝 winy629提供) 漢華都好快,三星期內已經完成 1st IN, 2nd IN, offer, 註冊。

8. 最有宗教氣氛 - 音小
呢間面試要同老師一齊祈禱已不是新聞,但原來我番邊間教會,做過咩事奉亦會被問及…但奇在佢地又唔係話一定要收基督徒,咁唔知其實有咩關係?

9. 最老友鬼鬼 - 真道,優才
呢2間學校不單只係正隔離咁簡單,就連interview既日子都有部分重疊,攪到好多人搭的士見到有人落車又跟住落,先發覺去錯學校﹗又有啲好彩既真係可以in完一間行去另一間in埋架﹗最攪鬼係佢地2間學校都鍾意係non office hour出email 比家長,莫非2間學校夾埋既?

10. 最勤力 - 祟真
呢間我記得由考幼稚園開始,已經係會考到夜麻麻(7,8點)既學校… 估唔到到考小學依然係要玩到夜麻麻… 我成日都諗唔明點解要由朝in到晚?老師唔辛苦的嗎?


號外篇(金句摘要)︰

1. (YW門外)阿仔,點呀?In 成點呀?有冇問你時事題呀?無?咁有冇問你關於奧運既題目?又或者司長個名?吓?真係冇?

2. (SFA 交表門外,男子手持電話講緊︰)交咗喇,in 2點半呀… 吓,咩話?撞咗陳守仁?唓,我點知咁多啫,你又唔早講…

3. (朝早7點搭緊的士去男拔聽簡介會)司機叔叔,唔該男拔門口呀… (到亞皆老街見唔到龍尾時)司機叔叔,呢度有落得架喇(滴汗ing)…

4. (係SFA面試期間)你呢度係第幾場呀?我第3場架喇﹗今朝一早去咗男拔,之後飛的去咗St Paul,再飛黎呢度架﹗

5. (係高主教面試期間,有家長call的士)係呀,我想由高主教小學去石門(WKF)呀,行邊絛隧道?冇所謂啦,最緊要快﹗

6. (係DBS排隊等 in 期間)小朋友問媽媽︰呢間係咩學校黎?男拔會唔會見到林校長架?點解只係得男仔in?咁啲女仔去哂邊?唔… 但我最鍾意都係英華﹗

7. (YW出1st in result)老公,你對清楚啲啦?咩話?471 同 473 都有,係冇472?(號碼因私隱關係,係我作出黎的。)

8. (10月20日知道第2日多數掛8號唔洗番工時)嘩,正呀,聽日可專心上網check result 喇﹗(第一次唔係諗節目去玩…)

如有雷同,實屬巧合。










點評

sophiali_mama  好正  發表於 16-11-3 16:38
陽光點的歌    發表於 16-11-3 15:18
siuap    發表於 16-11-3 10:05
volar    發表於 16-11-3 10:05
lojo11    發表於 16-11-3 08:52

Rank: 5Rank: 5


4404
發表於 16-11-1 22:50 |顯示全部帖子
JoyceNgYY 發表於 16-11-1 22:45
我見大家都差唔多完成了大部分直私面試,想開一個輕鬆topic大家分享吓… 綜合自己及各方好友今年考小一既經 ...

好正嘅森麻里,俾十個like妳

天助自助者,  別再怨天尤人

Rank: 4


876
發表於 16-11-1 22:53 |顯示全部帖子

回覆樓主:

7. 漢華都好快,三星期內已經完成 1st IN, 2nd IN, offer, 註冊。

Rank: 5Rank: 5


1277
發表於 16-11-1 23:03 |顯示全部帖子
JoyceNgYY 發表於 16-11-1 22:45
我見大家都差唔多完成了大部分直私面試,想開一個輕鬆topic大家分享吓… 綜合自己及各方好友今年考小一既經 ...

其實我可能有d變態,考小一接近尾聲,而成績卻並不如意,但我竟然有小小懷念整個作戰過程!由精心挑選小朋友既戰衣、晨早坐喺電腦面前搶簡介會飛、一連走幾場既刺激...等等,將會係我同小朋友既重要回憶!睇番樓主既summary , 更感慨萬千!

點評

hppa    發表於 16-11-3 02:17

Rank: 7Rank: 7Rank: 7


12473
發表於 16-11-1 23:06 |顯示全部帖子
JoyceNgYY 發表於 16-11-1 22:45
我見大家都差唔多完成了大部分直私面試,想開一個輕鬆topic大家分享吓… 綜合自己及各方好友今年考小一既經 ...

比個like! Thanks for sharing!

Rank: 4


657
發表於 16-11-1 23:09 |顯示全部帖子

回覆樓主:

下年這個時候,我會好懷念今年爭取過。

Rank: 3Rank: 3


189
發表於 16-11-1 23:13 |顯示全部帖子

回覆:msyoyolam 的帖子

原來我同你一樣變態,經過了連環激戰的10月,現在11月靜下來有D失落感



點評

fishmeow  有同感  發表於 16-11-2 20:40

Rank: 1


21
發表於 16-11-1 23:13 |顯示全部帖子

回覆:小一面試有感…

很有意思的賽後檢討!



Rank: 3Rank: 3


130
發表於 16-11-1 23:16 |顯示全部帖子

回覆:小一面試有感…

好正呀



Rank: 3Rank: 3


189
發表於 16-11-1 23:17 |顯示全部帖子

回覆:JoyceNgYY 的帖子

呢個post 充滿回憶,好正,thanks



Rank: 5Rank: 5


1277
發表於 16-11-1 23:18 |顯示全部帖子
ykm2010 發表於 16-11-1 23:13
原來我同你一樣變態,經過了連環激戰的10月,現在11月靜下來有D失落感



  ...

原來有人同我一樣
仲有之前為左考學校準備了一堆資料,而家全部無用覺得很失落...

點評

fishmeow  生多個就玩多次  發表於 16-11-3 08:20

Rank: 5Rank: 5


2773
發表於 16-11-1 23:18 |顯示全部帖子
感同身受!總結的太好了!

Rank: 3Rank: 3


116
發表於 16-11-1 23:22 |顯示全部帖子
有趣的summary,
因為一開始的面試結果就不盡如人意,所以即刻報多咗幾間。踏入十一月,仲有幾個面試,又有些等緊消息,心情係期待又怕受傷害。
呢一刻無offer在手真係又迷惘又忐忑,告訴自己抱最美好的希望,做最壞的打算。
回顧之前行過的路,我們全家都成長咗,也許等塵埃落定的那天,我也會開始懷念呢個過程。

Rank: 5Rank: 5


1235
發表於 16-11-1 23:22 |顯示全部帖子
以前準備定有關2nd 3nd in 嘅嘢真係用唔著!

阿囡都有d失落,問點解呢個星期冇interview 😌

Rank: 5Rank: 5


1793
發表於 16-11-1 23:23 |顯示全部帖子

回覆:小一面試有感…

這個summary 好抵讚,確實係有參與過才能感受到的!



Rank: 5Rank: 5


4404
發表於 16-11-1 23:23 |顯示全部帖子
msyoyolam 發表於 16-11-1 23:03
其實我可能有d變態,考小一接近尾聲,而成績卻並不如意,但我竟然有小小懷念整個作戰過程!由精心挑選小朋 ...

me too,我而家更有「看破紅塵」的感覺
不過,若説到將來的回憶呢,怕只是我個人的回憶,c6完全無插手,呀仔恐怕連 in 過邊間都唔記得。
天助自助者,  別再怨天尤人

Rank: 5Rank: 5


1833
發表於 16-11-1 23:24 |顯示全部帖子
謝謝分享!

Rank: 6Rank: 6


6273
發表於 16-11-1 23:25 |顯示全部帖子
謝謝樓主這麼精彩的分析!寫的太好了,我都俾十個like 樓主!
存感恩的心

Rank: 3Rank: 3


132
發表於 16-11-1 23:26 |顯示全部帖子
無論得與失,曾經爭取過,享受過程,無悔無憾

Rank: 5Rank: 5


1277
發表於 16-11-1 23:30 |顯示全部帖子
Mrs.Luckycat 發表於 16-11-1 23:23
me too,我而家更有「看破紅塵」的感覺。
不過,若説到將來的回憶呢,怕只是我個人的回憶,c6完全 ...

因為這次interview 我全家發揮了極度的teamwork 精神!我負責所有文書野,包括塡表、問卷、報簡介會咁,c6就負責去簡介會、交form, 我既小戰友就係負責入去答問題!真係小一個人都攪唔掂!

點評

Mrs.Luckycat    發表於 16-11-1 23:39
你需要登錄後才可以回帖 登錄 | 註冊