升中經歷(家長編)

chesswin

千言萬語, 真係唔知點落手。(長文)
首先, 呢度或者有錯誤資訊, 家長要小心分析! (包括本文)

P4時小學老師話阿女應該係B1, 所以P5轉左去沙田區, 貪佢英中選擇多。
我以前自己係B1B中學讀得一般般, 所以都唔會迫阿女一定要讀B1中學, 但既然佢讀得黎咁就幫佢轉去英中大區"沙田"

我相信孔子說因材施教, 但主流家長相信讀B1校就會成功, 該校入U率=我仔將來的的入U率, 其實呢一樣係錯得好離譜, 你個仔女唔努力就會係B1校哥10-30%連22222都達不到的人

上年呢個時候, 我開始替阿女睇學校, B1B-B1C校都睇好多間, 以為沙田好多選擇, 其實不然。
去兩間B1C中學校, 一間安排混亂, 一間校長都唔知自己講乜, 學生普遍給我感覺一般
去兩間B1B校, 1間得1個session, 迫到要死, 坐課室聽感覺好差, 校社又好舊, 但學生能力真係不錯, 阿女唔鍾意.
去另一間,感覺好好多, 校長老師都係有能力的人, 安排得當, 學生nice, 阿女鍾意

去到自行時, 可以選2間, 但阿女只喜歡一間B1B, 咁考慮到若果B1C哥間收左佢, 佢就冇得大抽獎, 於是只報一間.
哥時老師話阿女係B1, 於是好放心咁做, 因為B1生一定能讀B1校。

去到呈3試前一日, 惡夢突然來臨, 阿女開始發燒, 第二日又疴嘔, 缺考, 第三日再缺考, 到第四日, 再唔考就冇得補考, 去考又死, 唔考又死, 個心急到不知如何是好, 教育局唔答你點處理, 叫你問返學校, 學校唔答你, 叫你問返教育局, 咁都得?
的確係。 最尾當然冇考, 疴嘔左幾日, 行路都行唔穩, 點考。
我地帶住無奈的心情, 狂追教育局, 最後佢地話計平均, 但結果我相信佢地係打左折計分, 9折? 8折? 冇人知, 呢D野佢地邊度咁咁講明? 學校一樣收到好密。我知唔打折對其他學生不公平, 人地努力考3次,你只考2次, 所以我們只有祝阿女好運。

自行面試就在呈3後, 阿女還未病好, 勉強能去, 中學老師都沒有多問幾句就叫佢second in, 都係循例式, 去到second in,阿女答得好差, 我都知無望, 除非有奇蹟
到最後填表, B1B, B2B, B2C, 老師的工作也就完成了, 穩入頭三位, 我們也沒意見....。

放榜日: 跌Band, 入了B2B校。平時堅強的阿女獨個地在人群中走出來, 兩角的眼淚將流出來，我和太太沒有問, 我只說, 回去罷, 便離開學校, 我的淚, 在心中的在流著, 沒有表現出來......。在回家途中, 阿女只說了'入不到'三個字, 眼淚再也忍不住不停地流，我們安慰著她, 說和她去叩門, 但我心知那一間學校有君子協定。
在此之前我已找了PLAN B, 萬一跌Band便去直資學校, 幸好有一間之前已協定收了, 另一間要讀都有人事一定得，於是個心稍為定D。

過後我為阿女不幸運之餘亦反思, 是否我們沒有加壓給她? 若果迫她出去補習, 成績操到去到B1B/A, 那怎打折都不會影響結果? 作為家長, 我們應選那一條路? 開心讀小學一或狂操佢去B1? 那是不易選的路,.........最後我們選了前者, 希望她過一個開心童年, 始終讀書路長, 若果興趣沒有了, 到了B1校也是徒然。

謝謝各位閱讀長文, 家長不易做。
上文大部份內容係幾個月前寫的。
後記:
那一幕阿女由人群中走來的表情令我好深刻, 有一種阿女被遺棄的的感覺, 就像失敗者黯然下台。當聽到其他學校家長講老師會主動找派得差的同學看她們有什麼幫忙, 甚至提早提醒時, 我對學校已經死心, 整個升中處理都非常保守, 保密, 保險, 到派位哥刻家長都好無助, 自生自滅。
阿女讀緊直資, 還好, 沒有適應問題, 一如過往自動自覺讀好書, 甚至比以前努力, 我都有點安慰。佢前日問我:『誰言寸草心, 報得三春暉』點解, 一時感觸, 所以將呢D文章打出黎, 舒發下對愛女之情, 亦希望各位家長有一點啟發。

somuiQQ

文章寫得很動人。無論如何，升中不是全部，人生路漫漫，繼續加油！

little_yolky

chesswin 發表於 16-12-9 14:22
千言萬語, 真係唔知點落手。(長文)
首先, 呢度或者有錯誤資訊, 家長要小心分析! (包括本文)

你既情況都唔一定係跌band, 你乙二就填B2, 如果乙一唔中, 咁想唔入乙二都難。乙一係B1B, 如果都係區內熱門, 就有可能唔中, 除非你知道有人乙二入咗, 咁你先可以肯定囡囡係跌band。

chesswin

回覆 little_yolky 的帖子

那一間B1B, 排第二位都有人入到, 所以若果阿女係B1, 排第一, 一定入到, 呢樣令我好肯定阿女跌Band

JE0608

唔明點解小學呈分試沒得補考?

little_yolky

chesswin 發表於 16-12-9 14:37
回覆 little_yolky 的帖子

哥間B1B, 排第二位都有人入到, 所以若果阿女係B1, 排第一, 一定入到, 呢樣令我 ...

阿哥都轉咗沙田區?

little_yolky

JE0608 發表於 16-12-9 15:09
唔明點解小學呈分試沒得補考?

好多學校都有得補, 不過樓主女女病得太耐, 過咗可供補考時間。

little_yolky

chesswin  哥間我指"那一間"  發表於 18 秒前



but anyway, 最緊要女女依家讀得開心。

JE0608

little_yolky 發表於 16-12-9 15:12
好多學校都有得補, 不過樓主女女病得太耐, 過咗可供補考時間。

明白晒...因為我小朋友是P.5, 學校講明呈分試是有得補考的.

kityung

chesswin 發表於 16-12-9 14:22
千言萬語, 真係唔知點落手。(長文)
首先, 呢度或者有錯誤資訊, 家長要小心分析! (包括本文)

淒涼，睇到我流眼淚。
做家長真係唔容易。

chocolatebean

chesswin 發表於 16-12-9 14:22
千言萬語, 真係唔知點落手。(長文)
首先, 呢度或者有錯誤資訊, 家長要小心分析! (包括本文)

如果真的跌了B a n d，咁你学校好大問題，唔應該除個一次，我哋学校係咁計
除非之前估錯 Band, 由始至終都係B2

ilovematthew

chesswin 發表於 16-12-9 14:22
千言萬語, 真係唔知點落手。(長文)
首先, 呢度或者有錯誤資訊, 家長要小心分析! (包括本文)

慘，我睇到都眼濕濕

Yanamami

阿女学校有正式“補考曰”，呈分試時有个同学好似肺炎入院都有得補，有医生紙唔洗打折；我女就病住去考(番学朝早無燒，入夜又燒过)……

optman88

好似有得補考的。起碼我仔仔係呈 1 時病咗，學校有得補考

chesswin

回覆 Yanamami 的帖子

阿女以前哥間規定缺席二天以上便不許補考，一，二天是可以補

MariaTsui

其實呈一，呈二是否B1?小學時，也有同學因受傷不能考呈三，校長跟教署通報，只用呈一和呈二的平均分作為大抽獎之用，校長還說，只要頭2次都是B1，就是B1，如果靠呈三拉上的話，就沒有機會了，有機會跌。

kittypo

現今HK教育...要家長同小朋友承受咁多

BBKDWLAM

塞翁失馬，焉知非福。最緊要宜家讀得開心。但要多注意保持身體健康，人生仲會有好多考驗的，祝你成功！

洋蔥頭媽咪

MariaTsui 發表於 16-12-9 23:34
其實呈一，呈二是否B1?小學時，也有同學因受傷不能考呈三，校長跟教署通報，只用呈一和呈二的平均分作為大 ...

其實我都有睇開樓主個post，他女兒呈二後排名介乎1尾，因他女兒沒考呈三只用兩次呈分試成績平均分來計算，但其他同學考完呈三後平均分有機會高了，所以樓主女兒便跌落 b2.  成績接近尾嘅同學考多一次後的確有機會洗牌再排過，結果亦屬正常，而並非學校把學生成績打了折。

junejunewong

Agree 塞翁失馬，焉知非福 and 人生仲會有好多考驗!
加油！

另外，有少少唔明白，要咗直資offer 仲可以大抽奬嗎？